السلام عليكم ورحمة الله وبركاته ..
كل عام وانتو بألف ألف خير
اليوم ثاني أيام عيد الأضحى المبارك
عساكم دوووووم في فرح وسعادة
اليوم إن شاءالله بنزل فطورنا لما صمنا عرفة تقبل الله منا ومنكم صالح الأعمال ^_^
تأخرت يومين معلش :P بس انشغلت بالعيد
تفضلووو معاي.. حياكم حياكم ~
نروح للمطبخ أول شي وللتجهيز أنا وأمي سلم ايدياتها الحلوين الله لا يحرمني منها يااااارب خطوة بخطوة شوفو الصور معاي ^_*
7
7
هذا العيش ( الرز ) بعد ما خلص حطيناه بالصينية
الرز ::
ننقع الرز لمدة ربع ساعة بالماء .. بعدين نصفيه بالمصفاة ( المشخال ) .. نحط الجدر عالنار ونضيف كمية ماء مناسبة بحيث تغطي الرز .. نضيف الزيت وملح على حسب كمية الرز أو ممكن نستخدم مكعبات الماجي ونخليه على نار عالية .. بس نشوف الرز بدا يطبخ والماي بدا يغلي نقصر على النار ونخليه يطبخ على نار هادية .. آخر شي إذا خلص الرز واستوى نضيف شوي زعفران مذوب بماء لإعطاء الرز اللون الأصفر والنكهه الرااااائعة .. ( ملاحظة :: في ناس يحمسون بصل مع الرز )
هذي قطعة اللحم بعد ما طلعناها من الفرن
اللحم ::
نغسل اللحم عددددل بعدين نحطه بجدر مملوء بالماء بحيث يكفي لاستواء اللحمة .. نقص عليه البصل ونضيف شوية زيت ونضيف البهارات من هيل وحبات مسمار تقريبا 4 إلى 5 حبات ودارسين وكمون حب ونتركه يطبخ ويطبخ لين ما يستوي..
وملاااااااحظة :: الملح ما نضيفة إلا إذا استوى اللحم نص استواء لأن الملح إذا حطيناه في البداية راح ياخذ وقت طويل على مايستوي .. والبهارات ما تكون وااايد لا كميات قليلة
إذا استوى اللحم نقوم ندهنه بالدارسين والزعفران وندخله الفرن لما نشوفه خذا اللون الأحمر وبدا اللحم يذووب يكون انتهى ..نتركه بالفرن على مانجهز باجي الأكل ..
الدجاج ::
نفس طريقة اللحم بالضبط بس احنا بدل ماندخله الفرن قليناه بالزيت .. وممكن نحمره بالفرن مو مشكلة..
وهذول قطع الدجاج يم يم يمييي
الحشوووو بالفطر والنخي والبصل طعم ولا أرووووع وشي أساسي
طريقة الحشوو << الكويتي ::
نضع المقلى عالنار ونحط فيها البصل المقطع بس يحمى البصل نرشه بالماء مرة ومرتين وثلاث ... لين مانشوف إنه البصل صار ذابل بعدين نضيف شوية زيت وليمون أسود مطحون ودارسين ونخي مسلوق مسبقاًَ .. وكشمش وفطر .. والفطر هنا اختياري ^_*
الزينة خيار طماط ليمون جزر وفلفل أحمر مقصص بأشكال حلوووة
البيض المفيوح المقلي خطيييييير معاه
طريقة البيض ::
نسلق البيض وإذا استوى نطلعه وندهنه بشوية كركم عشان يعطيه اللون الأصفر ونقليهم بالزيت كااااملين بدون لا نقصهم عشان لا يتفتتون في المقلى وعند التقديم يقطع البيض الى نصفين أو يقدم كامل كما هو
7
7
حطينا قطع الدجاج واللحم على العيش ورشينا الحشووو على كامل الصينية
زيناها بالليمون والطماط والخيار والجزر والفلفل
وآخر شي البيض .. شوفوووو الروووعة والجماااااااااااال
يتبع ~ خلكم معاي ^_^
الفلفل المقلي بالليمون والخل رووووووعة
الفلفل ::
ناخذ كمية من حبات الفلفل الأخضر الحار ونسوي مثل شرخ في الوسط ( يعني ناخذ السكين ونجرحه شوي من فوق عشان نسوي مثل الفتحة الطويلة ) بعدين نقليه بالزيت وأثناء القلي نضيف عصير الليمون وشوووووووووووية خل ورشة ملح ..
الدقوس الكويتي ::
نحط في الجدر ثوم ونحمسه لين يشقر لونه بعدين نضيف صلصة الطماط الجاهزة ( معجون الطماط ) ونحمس فيها لمدة 3 إلى 5 دقايق بعدين نحط بالخلاص طماط طازج وإذا انطحن زين نضيفه للجدر وآخر شي نضيف شوية ملح أو ممكن بدل الملح نستخدم مكعبات الماجي..
اللبن والعصير
السمبوسة
وهذي صورة الأكل من قريب للتعذيب مثل ما يقولون هههههههههه
7
7
وعلينآآآآآآآآ بألف عافية :p (( صورة ختامية ))
عواااااااااااااافي حبيباتي ^_^