كثير بالقسم الا يكتبو مشاكلهم بسبب الخيانه الزوجيه
ومن جد نزعل عليهم وندعي لهم
فهذا الموضوع ردع لاشكال هالبنات الا يكلمون
واحد متزوج
سؤاء فادهم الموضوع ام لم يفيدهم
فاانتي فنظر هذا المتزوج تسليه فقط
بسم الله ابدى موضوعي
بنات انا بكتب هالرساله عل وعسى تأثر في البنات اللي يكلمون رجال متزوجين
طبعا البنت اللي تكلم اي واحد سواء متزوج او لا
====>هذي معصية كبيره وغلط كبير بحق ربها ونفسها واهلها ودينها وحتى مجتمعها
بس بعضهم يتحجج بالحب وان النية زواج انا ماراح اتكلم عن البنت اللي تكلم
لا انا بخص رسالتي حق :
===>البنت اللي تكلم متزوج !!
ليش تخربين بيت وتضيعين مستقبل اسره كامله
حق شنو وعلى شنو ومافي هالبلد الا هالولد
والا ماحلا بعينك الا لما دريتي انه متزوج!!
في بنات يدورون المتزوج تقول انا مليت من اللي ماعنده خبره ابي متزوج
وتدش معاه بعلاقه عميقة
وتخليه مايلتفت لزوجته وبيته وبعدين شنو النتيجه غير الطلاق
على فكره الزوج ====>يستمتع مع البنت الا تكلمه
لكن للمعلوميه :
مصيرك
بتكوني شي ممل له
لاتحسبين ـأنك احلى واجمل واطهر من زوجته
سؤاء تزوجك اولا مصيرك
تسليه ووقتك محدود وبعد المكالمات وكلام الحب
تصيري تعتبري نفسك زباله رخيصه وتنقهرين على نفسسسك
انك رخصتي نفسك بنفسكـ!!
يابنات انا اعرف ثلاث بنات توهم متزوجين العام تطلقوا بسبب اكتشاف خيانة الزوج ووثنتين منهم يقولون عرفنا منوا يكلمون ازواج بنات ماتعدت اعمارهم 18 ويدرون ان اللي يكلمونهم متزوجين
السؤال ليـــــــــــــــــــــــــــــــــــــش
تسليه على حساب بيت واسره
ترضين تسرقين وقت مو وقتك
ترضين تسولفين مع واحد مفروض مو انتي تسولفين معاه
ترضين تسمعين عبارات حب وغزل الواجب والاجدر ان الزوجه تسمعها مو انتي!!
ترى الدنيا دواره وهالسالفه بالذات دين وبيرد باكر بتتزوجين وبيخونك زوجك
وبتذوقين الحره وبتحسين ساعتها لومي نفسك لاتلومينه!!
مثل ماخربتي بيوت الناس بيي يوم يخرب بيتك
انتي تدرين ان علاقتك بهالمتزوج فتره وتعدي وتنسينها من حياتك
لاتزوجتي وعقلتي بس شعقبه عقب ماخربتي بيوت بسواياك!!
بس تأكدي ان الله يمهل ولايهمل ودموع الزوجه المسكينه
ماتروح عند ربك هدر
وماتضيع ودعاءها بتالي الليل ماراح تنجين منه
وبجيها وحوبتها وين بتروحين منها تأكدي كله بيردلك
===>وكما تدين تدان
تبين تعيشين بسلام وراحة بال
وتحبين زوجك اللي بيجي بوقته لانه نصيبك لاتخربين حياة الناس وتضيعين اسر وياكثر المطلقات بالسالفه وامهات عيال حرام ياويلك من الله !!
وين بتروحين من ذنبهم
تدرين اي جرح تحس فيه المطلقه لك ذنب فيه
تدرين لو يضيعون هالعيال بسبب التفكك الاسري لك ذنب في ضياعهم
لو تضيع بنت اللي تكلمينه لاكبرت بتقول ماكان عندي ابو يحتويني
من اللي ابعد ابوهم عنهم وعن امهم مو انتي يعني لك ذنب
لو يضيع الولد ويماشي رفقاء السوء بيقول مالقيت ابو ينصحني
ويصادقني من السبب في بعد الابو عن بيته وعياله وامهم موانتي
بذمتك اي متعه واي تسليه هذي اللي تحسين فيها
تراها تجر بلاوي وآثار ماراح تسلمين منها
الشيطان شاطر ووندري من زمان
ولعلمك اشطر شيطان هو اللي يفرق بين الزوج وزوجته
لان الشيطان يدري بأهمية هالعلاقه
فلاتخلين الشيطان يستخدمك طعم للتفريق بين الزوجين
ويسوي اخبث عمل عنده
حبيبتي انا ادري انك غلطتي بس باب التوبه مفتوح
وتوبي لربج والله يقبل التوبه الر حمن الرحيم
حبيبتي لاتقضين على حياتك
ومستقبل عيالك لانك لو قضيتي على اسرة بيرد عليك
وعلى عيالك فكري بعقل وتعوذي من ابليس الرجيم وتوبي لربك
وتركي هالريال الخاين لاتقولين اذا انا خليته بيكلم غيري لانه بيخون بيخون من مني منه!!
لا ياحبيبتي انتي سوي اللي عليك
وغيري بيسوي اللي عليه
وكل وحده منكم لو تترك المتزوج لبيته وزوجته بيردع ومرده لزوجته...
والاهم ياحبيبتي التوبه لله ترى اللي تسوونه جريمه والله
كبيره وحــــــــــرام بس كلي امل ان الرساله توصل وتتعظين
طبعا هالرساله حق البنت اللي تكلم واحد متزوج
واتمنى انها توصل وتتوب والله يكتبلي اجر توبتها ويكتبلكم ان شاء الله
على فكره===>صحيح كثير يكلمون متزوج
لكن بنظره رخيصصصصه والله وهذا شي حقيقي
ايش رائيك تكلمي واحد تمتعي وقته طول الوقت وانتي براسه للتسليه
ليتهم يتعضون ويدرون أن الدنيا دوارة وكما تدين تدان
الله يهديهم