مسج اخجلني من نفسي

شيء مخجل
واعترف اني مقصرة بالقرآن
يارب رحمتك

صح غناتي الله يغفر لنا ياااارب
تدرين انا الحمد لله مخصصة وقت محدد اني لاااازم اقرى القران فيه يوميا على جدول يومي بس صااارلي موقف في دوامي خلاني ارجع مليون خطوة ورى وخلاني استحي من نفسي وخلاني ابكي وخلاني احترم شخص واقدره واحطه على راااسي وكبر في نظري واااايد
انا في دوامي في قسم فيه موظفين وموظفات و3 منهم تحت ايدي يشتغلون انا مسؤولة عن شغلهم ولاخظت عى واحد هندي كل يوم يروح يغيب نص ساعه عن المكتب واحنا بالمكتب عندنا غرفه صلاة انا خلاص قفلت منه مب عارفه وين يروح ويوم اساله مايرد علي يقول بس كنت مشغول وقبل اسبوع خليته اول ماطلع جي مال 10 دقايق واروح اجيب وحدة من الموظفات واروح ادور وراه اشوف شو يسوي لاني كنت محتجاه في الشغل دورت المكتب كله ماشيء اخر مكان كنت اتوقع انه يكون فيه هو غرفة الصلاة ؟؟؟ فتحت الباب وانا متاكدة انه مستحيل يكون موجود وادا كان بيكون راقد لانها تصير وايد حصلته مااااسك القران وقاعد يقرى فيه :44: قسم بالله يوم شافني تغير ويهه يتحراني بهاوشه لاني كلفته بشغل وماسواه قسم بالله اني حطيت راسي بالارض وقتله خلص على راحتك ورديت مكتبي وانا افكر واعاتب نفسي ؟ انا عندي مجااااال ووقت وااااايد اقدر افتح المصحف واقرى وانا في الدوام وبدل لا افتح المصحف اقعد ع النت او الواتس اب او البيبي حسييييييت بتقصيري وحسيت ان الريال هدا احسن مني مليووووووون مرررررة والحمد لله الحين انا بعد قمت اخصص جزء من وقت فراغي في دوامي للقران وماقمت اهاوش الهندي ع طلعته بالعكس يوم اشوفه طالع احس برااااحة والحمد لله ان الموقف هدا صااار لاجل اتعلم منه درررس :icon33:

الله يلين قلوبنا اللي جبرتها المعاصي وشهوات الدنيا
ويسخر لنا الهدايه
فعلا لازم نخصص وقت لقراءه القران الله المستعان
بدل المهزله اللياحنا فيها كل يوم
عايشين معمعة ماتنتهي
انا اقرا قران ولكن مقصرة والله وماكنت كذا اول كنت يوميا ومحافظة
سبحان الله ابليس وضعف ابن ادم حبه حبه ينسحب بساطه من تحت رجليه بدون لايحس
والدنيا تركض وفجاه يلقا ملك الموت فوق راسه
الله يحسن خاتمتنا ويعفو عنا ويتجاوز عن خطايانا
الله كريم بعبادة سبحان الله
الله كررررررررريم فوق مانتصور
لااله الا انت سبحانك اني كنت من الظالمين

اميييين غناتي والله يخليج جوهرة في عيون الناس

والله يهدينا ويهدي جميع المسلمين يااارب

والله وانا خجلت من نفسي اللهم اعني على ذكرك وحسن عبادتك