الله يسترها فوق الارض ويوم العرض اللي ترد عليه

هل تريدين تريكو ام كروشيه

اللهم امين

يارب الروابط دى تلاقى فيها طلبك وتدعيلى على البحث وتدعى لام عزيزان صاحبه الروابط لانها من موضوع رده عليه
وجارى البحث من جديد

http://archive.hawaaworld.com/showthread.php?threadid=235359#Scene_1

ودعواتك لصاحبات الموضوع
ومازال البحث مستمر

http://forum.hawaaworld.com/showthread.php?s=&threadid=163815&highlight=%C7%E1%C7%CD%E1%C7%E3#Scene_1

شرح لعمل شراب لطفل ومقاسات كمان

http://www.crochetandknitting.com/patterns.htm


http://www.knitting-crochet.com/antiqueknitting.html


عمل الحذاء بالتفصيل كما طلبتى

هذا الموديل مشغول بلونين الأسود للنعل والأبيض لوجه الحذاء وممكن عمله كله بلون واحد او استخدام اى لونين تفضلين حسب ذوقك.كمان مقاس الإبرة ممكن يتحكم فى مقاس الحذاء يعنى لو استخدمتى إبرة مقاسها 4.50 مم بيكون مقاس الحذاء من 9 الى 10 بوصة واذا كان مقاس الإبرة 4 مم يكون مقاس الحذاء 8 بوصة.

الغرز المستخدمة
ch سلسلة ، ss المنزلقة ، sc الحشو ، dc العمود او البريد

كيفية عمل تنقيص بشغل 2 عمود معاً
عمل لفة على الابرة ثم ادخالها فى الغرزة ولفة وسحب لعمل الغرزة اوالعقدة ثم لفة وسحب الابرة من خلال غرزتين فقط اصبح يوجد على الابرة غرزتين نتركهم عليها ثم عمل لفة وادخال الابرة فى الغرزة التالية ولفة وسحب ولفة وسحب من خلال غرزتين ثم لفة وسحب من خلال كل الغرز على الابرة.

كيفية عمل تنقيص بشغل غرزتين حشو معاً
ادخال الابرة فى الغرزة ولفة وسحب لعمل عقدة نترك هذه الغرزة او العقدة على الابرة ثم ادخال الابرة فى الغرزة التالية ولفة وسحب اصبح يوجد غرزتين على الابرة نعمل لفة وسحب من خلال الغرز الثلاثة جميعها.

نبدأ الشغل بعمل نعل الحذاء بعمل 6 سلسلة (ch 6)
صف1: نشتغل 2 حشو فى ثانى سلسلة ، 1 حشو فى الثلاث غرز التالية ، 2 حشو فى اخر غرزة (يصبح عدد الغرز 7) ثم 1 طائرة ونلف الابرة لعمل الصف الثانى (كل صف سوف نضيف له غرزة طائرة وهذه الغرزة لا تدخل ضمن عدد الغرز)

(ملحوظة مهمة: سوف يكون الشغل لهذا الصف والصفوف التالية للنعل جميعها من خلال الخيط الخلفى للغرزة يعنى بندخل الابرة فىوسط الخطين من الغرزة ونسحب الخيط الخلفى وهذا سوف يجعل النعل ياخذ شكل التموج او التضليع)

صف2: 2حشو فى اول غرزة حشو من الصف السابق ، 1 حشو فى الخمس غرز التالية ، 2حشو فى اخر غرزة (9غرز) ثم ch 1 ونلف الابرة
صف 3: 2 sc1 ، sc للـ 5 التالية ، 2 sc11) sc) ثم ch 1 ونلف الابرة
صف 4: 2 sc1 ، sc للـ 9 التالية ، 2 sc ثم ch 1 ونلف الابرة (sc13)
صف 5: 1 sc فى كل غرز الـ 13 ثم ch 1 ونلف الابرة
صف 6 ـ 18 : مثل الصف 5
صف 19: (هنبدأ بعمل التنقيص) 2حشو معا (كما تم شرحها اعلى) ، 1حشو فى الـ 9 غرز التالية ، 2حشو معاً (اصبح عدد الغرز sc11)، ثم ch 1 ونلف الابرة.
صف 20: 1حشو فى كل غرزة من الـ 11 ، ثم ch 1 ونلف الابرة.
صف 21 ـ 33: مثل صف 20
صف 34: 2حشو معاً ، 1 حشو فى الـ 7 غرز التالية ، 2حشو معاً ثم ، ch 1 ونلف الابرة (عدد الغرز9).
صف 35: 2 حشو معاً ، sc1 فى الـ 5 غرز التالية ، 2حشو معاُ ، ch 1 ونلف الابرة (7).
صف 36: 2 حشو معاُ sc1 فى الـ 3 غرز التالية ، 2حشو معاً ، ch 1 ونلف الابرة (5).
صف 37: 2 حشو معاُ ، sc1 فى الغرزة التالية ، 2حشو معاً ، ch 1 ونلف الابرة (3).
صف 38: هنعمل 3 غرز حشو معاً، ثم ch 1 ونلف الابرة.
ثم هنشتغل غرزة حشو فى اخر غرزة حشو من الصف السابق ثم عمل غرزة حشو فى نهاية كل صف على طول جانب النعل (مع عدم شد الخيط اثناء الشغل يعنى خلى الغرز مريحة مش مشدودة) سوف يتم عمل 39 غرزة حشو ، هنا هنكون وصلنا لـ 6 غرز البداية هنعمل فوقهم 6 غرز حشو ، ثم بعد ذلك سوف نعمل 1حشو فى نهاية كل صف على طول الجانب الاخر من النعل فهيتكون لدينا 38 غرزة حشو ، هنا هنكون وصلنا لغرزة الحشو اللى عملنها قبل ما نعمل الـ39 على طول الجانب هنعمل فيها 1حشو ، ثم عمل غرزة منزلقة لوصل البداية لغرزة الحشو ، ثم اضافة 1 سلسلة وهنا مش هنلف الابرة (اصبح عدد غرز الحشو اللى هنشتغل عليها 84 غرزة : 1+39+6+38=84) اذا لم تصلى لهذا العدد يبقى فى حاجة غلط !!!

سوف نعمل غرزة منزلقة ss من خلال الخيط الامامى فقط للغرزة فى كل غرزة حشو على طول جانبى النعل يعنى الـ 84 غرزة ، ثم عمل غرزة منزلقة لوصل الصف وشبك لون الخيط الاساسى اللى هنكمل به الشغل ، اضافة 1 سلسلة ونلف الابرة (وطبعا مع عدم شد الشغل علشان يكون الحذاء مفرود ومش مكشكش ) يارب يكون الشرح واضح ومفهوم.

عمل وجه او جسم الحذاء
(هنشتغل من خلال الخيط الخلفى فقط للغرزة كما سبق ووضحنا)
صف1: عمل غرزة حشو فى كل غرزة منزلقة (الـ 84 عرزة) ، نقفل الصف بغرزة منزلقة ، ثم ch1 ولف الابرة.

(ملحوظة: سوف يكون دائما بداية شغل الصف فى غرزة الحشو من الصف السابق وليس فى الغرزة المنزلقة وهيكون الشغل من خلال الخطين الخلفى والامامى للغرزة يعنى بندخل الابرة من تحت الغرزة كالمعتاد).

صف 2: عمل 1حشو فى 30 غرزة ، 1عمود فى الـ 10 غرز التالية ، 2حشو معاً ، 2حشو معاً ، 1عمود فى الـ 10 غرز التالية ، 1حشو فى الـ 30 غرزة التالية ، قفل الصف بغرزة منزلقة ، ثم ch1 ونلف الابرة (اصبح العدد 82 غرزة)

صف 3: حشو فى الـ 28 غرزة التالية ، عمود فى الـ 9 غرز التالية ، 2عمود معاً اربع مرات (اى هنعمل تنقيص بالعمود اربع مرات) ، عمود فى الـ 9 غرز التالية ، حشو فى الـ 28 غرزة التالية ، نقفل بمنزلقة، اضافة ch1 ونلف (78غرزة)

صف 4: حشو فى الـ 26 غرزة التالية ، عمود فى الـ 7 غرز التالية ، 2 عمود معاً 6 مرات، (اى هنعمل تنقيص بالعمود 6 مرات) ، عمود فى الـ 7 غرز التالية ، حشو فى الـ 26 غرزة التالية ، نقفل بمنزلقة، اضافة ch1 ونلف (72 غرزة)

صف 5: حشو فى الـ 23 غرزة التالية ، عمود فى الـ 7 غرز التالية ، 2عمود معاً 6 مرات ، عمود فى الـ 7 غرز التالية ، حشو فى الـ 23 غرزة التالية ، نقفل بمنزلقة، اضافة ch1 ونلف (66 غرزة)

صف 6: حشو فى الـ 20 غرزة التالية ، عمود فى الـ 7 غرز التالية ، 2 عمود معاً 6 مرات، (اى هنعمل تنقيص بالعمود 6 مرات) ، عمود فى الـ 7 غرز التالية ، حشو فى الـ 20 غرزة التالية ، نقفل بمنزلقة، اضافة ch1 ونلف (60 غرزة)

صف 7: حشو فى الـ 24 غرزة التالية ، 2 عمود معاً 6 مرات، (اى هنعمل تنقيص بالحشو 6 مرات) ، حشو فى الـ 24 غرزة التالية ،، نقفل بمنزلقة، اضافة ch1 ونلف (54 غرزة)
صف 8: حشو فى الـ 21 غرزة التالية ، 2 عمود معاً 6 مرات، (اى هنعمل تنقيص بالحشو 6 مرات) ، حشو فى الـ 21 غرزة التالية ،، نقفل بمنزلقة، اضافة ch1 ونلف (48 غرزة)

صف 9: حشو فى الـ 20 غرزة التالية ، 2حشو معاً 4 مرات، (اى هنعمل تنقيص بالحشو 4 مرات) ، حشو فى الـ 20 غرزة التالية ،، نقفل بمنزلقة، اضافة ch1 ونلف (44 غرزة)

صف 10: حشو فى الـ 20 غرزة التالية ، 2حشو معاً مرتين، (اى هنعمل تنقيص بالحشو مرتين) ، حشو فى الـ 20 غرزة التالية ،، نقفل بمنزلقة، اضافة ch1 ونلف (42 غرزة)

صف11: من خلال الخيط الامامى فقط للغرزة هنشتغل غرزة منزلقة فى كل غرزة لنهاية الصف ثم نقفل الشغل وهيكون العدد النهائى للغرز 42 غرز

واتمنى ان يكون الشغل واضح وسهل واى سؤال تحت امرك

منقول للاحت هنادى جزاها الله خيرا