السلام عليكم ورحمة الله وبركاته
قبل فترة كتبت موضوع عن أمي حبيبة قلبي وكانت نفسيتها تعبانة بسبب اخواني:44:
والكل تفاعل معي وهذا رابط الموضوع
http://forum.hawaaworld.com/showthread.php?t=2516826
وأبشركم طبقت كل فكرة وكل إقتراح وكل حرف
والحمدلله رب العالمين تغيرت أمي ورجعت لها البسمة والفرحة وتغيرت نفسيتها :)
وأقولكم النظام اللي طبقته
صرت أخليها معي بالمطبخ بس من غير مااأتعبها يعني تجلس وتتتربع في كرسيها هههههه وأقولها أشلون أطبخ هالطبخة ويش أظيف لها وش رأيك في كذا وكذا...
وصارت تهاوشني لو طبخت الطبخة مو مثل ماهي كانت تطبخها ههههههههه
وعزمت الحريم الكبار في السن يتقهوون معها أو أوديها لهن يوم زوجي فاضي
وكلمت سواق تاكسي كبير في السن يجي يودينا مشاورينا لو زوجي مشغول
وديتها معنا للسوبرماكت وحتى محلات ابو ريالين وشرت قرمبعات وش كثرها :)مدري وش بتسوي بيهن لكنها فرحت وانبسطت فيهن ياحبي لها:42:
أما عن أخواني:44: لا حس ولاخبر
أخوي جا يفطر معنا ثاني يوم برمضان وروحه في خشمه وأختي جالسة قلقانة تبي تروح للسوق وطول جلستهم وعينهم على التلفزيون
مدري ... مافي امل فيهم لكن ان شاء الله يتعدلون
والبارحة عزمتهم فطور وجو عندنا ومسكت أختي وعطيتها كلمتين وقلت لها هذه أمك شالتك وأنتي صغيرة ورحمتك.. أرحميها في كبرها وعطيها وجه وأضحكي معها وحسسيها أنك بنتها..ماتبغي منكم شئ غير تحسسوها أنكم عيالها:44: والحمدلله حسيتها تأثرت شوي وقامت جلست مع امي تسولف معها لكن بملل
دعواتكم يااخواتي دعواتكم
+++
ويارب إنك ترزق الجنة ونعيمها كل من ساعدت أمي بإقتراح أو بدعاء
الله يرزقكم السعادة في الدارين قولوا آمين:26:
والله إني أحبكم في الله:26:
يلزم عليك تسجيل الدخول أولًا لكتابة تعليق.
شمالية و افتخر
•
الحمد لله ربي يرزقك برها
الصفحة الأخيرة