شوفو تفكير بعض البنات >>>>>>>>>>>>>

اهلين بنات كيفكم شخباركم
ان شاء الله الكل بخير وصحه وعافيه
اليوم جايبه لكم موقف صار مع بنت خالتى
بنت خالتى اسمها سارا لها بنت عمه اسمها رنا علاقتهم مع بعض حلوه ضحك وسوالف
بس مو صداقه مره مره قويه بينهم يعنى عادى بنت عمتها
تقول ما شاء الله دايم اسمع ان رنا تنخطب بس ما يصير نصيب لانها ما شاء الله مملوحه
وتنحب للي يشوفها اول مره
بس تقول سارا كنت ملاحظه عليها انها تهتم كثير في المظاهر:42:
تقول مثلا لو شافت علي ساعه حلوه تقول زوجك شراها بكم بس تراها مي مره عاديه
يعنى تحاول تقلل من قدر اي شي شريتيه حلو سواء لبس او طقوم او ساعات
او بيت
بس تقول سارا انى ما كنت القى الموضوع اهتمام لانى واثقه من نفسي
ودايم كلاانو بنات عمى يتشكون منها انى بس تستحقر الناس حتى ينقهرون منها لانها تعييب في ازواجهم انهم عاديين ومدرى كيف رضيتو فيهم مع انهم ما شاء الله كلهم مناصب ومراكز ومن عائلات كبيره بس مدري تقول هي كذا حتى معاى قد عيبت على زوجى بس ما عطيتها وجهه
وشافتنى ما رديت عليها ولا شي وكل ما قالت شي اناظرها من فوق لتحت واسكت
بس تقول سارا ما كنت انتبه لهالتصرفات ولا اهتم فيها لين ما حصلى هالموقف معا:angry2:
مرة من المرات كانت حرمه كبيره تسألني عن بنات كانت بتخطب لخوها
المهم ذكرتلها بعض البنات ومنهم رنا
تقول والله كنت اعرف الاهل لكن الولد ما سألت عنه وينه فيه وش يشتغل ولا شي
المهم بعد فتره سمعت منهم انهم راحو لبنت عمتى رنا وشافوها
رنا بعدها باسبوع دقت علي
وقالت لي السالفه وقالت ل يصراحه يا سارا شكل اهله عاديين مره وانا قلت لها يعنى كيف عادديين
قالت يعنى مو كشخه ولا شي قلت لها كيفك انتى استخيري شوفى وش الصالح فيه:09:
المهم سمعت انهم ردوهم ولما ردوهم بعدها يمكن باسبوعين ما شاء الله سمعنا انهم خطبو لوحده نعرفها ما شاء الله جمال وحسب ونسب البنت هاذى اللى خطبوها كان الكل يتمناها في العائله
وبعدها بيومين ما درت سارا الااللى رافعه عليها السماعه يا سخيفه ليه ما قلتيلى والله ما توقعتك كذا:angry2: تقول قلت لها خير وش صار تقول رنا صراحه لمى خطبو فلانه انا استغربت ليه وافقت فلانه عليه(زي اللى حلى بعينها لمى وافقت عليه فلانه))قلت بروح اسال عنهم لقيت ان الولد متعلم وما ينتفوت الولد ديبلوماسي وراتبه يجي9 الاف واهله مره اغنياء ليه ما قلتيلى كذا:09:
تقول كنت عارفه ان اهله اغنياء بس والله ما كنت عارفه عن الولد شي بس لمى سالتنى الحرمه ذكرتها
والله لا سالت لمين ولا ايش يشتغل وهى كان حلمها انها تتزوج ديبوماسي على شان على قولتها البرستيج وتقول سارا اثاري الدعوه شافت اهله يمكن لبسهم عادى ورفضتهم لانها قالت هي بنفسها وانا وش يدرينى انهم كذا كان لبسهم عادي ورفضتهم بالله انتى بتتزوجين الولد ولا لبس اهله وليه ما سالتو عن الولد قبل ما ترفضون مو تسالين عنه لمى خطب فلانه وعرفتى انه ديبلوماسي وش رايكم يا بنات بهالموقف مو شي يقهر هل معقول فيه ناس تفكيرهم كذا وتقول سارا بعدين عرفت ان اللى جاء عند اهل رنا اخته الكبيره وهي كبيره كبيره مره وامه طبيعى يعنى حريم كبار اكيد ماراح يلبسون لانهم ما يهتمون بهالاشياء:angry2: