كوبونات الراقية تسجيل الدخول

امي اغلى ماعندي

طريقه ماتكلفك شي بس تعالي شوفي وجهك بعدها يالله قبل العيد النتائج خلال لحظات

العناية بالبشرة •

السلام عليكم ورحمة الله وبركاته

كيفكم ياحلوين عندي لكم شي جنان واكتشفته بالصدفه يعني محد قالي

المهم القصة ياطويلات العمر اختكم حامل وتعرفون الوجه شاحب وبصراحه العيد جاء ومدري وشلون ابطلع كذا انا سمراء وجهي ما فيه حبوب الحمدلله المهم قلت خلوني استخدم منقوع المر وقلت لبنتي نقعي لي مره والاخت ماعندها وقت خليتها ساعه بس ودهنت وجهي وعادي الوضع بعد ما جف قمت وغسلته ويوم تسحرت بعد حطيت على وجهي ونمت قمت الظهر يابنات الله لايوريكم وجهي كانه كورة قدم ادور اعيوني مدري وين راحوا المنظر بشع بشع انا قلت بس هذي المره هي السبب لاعادت دخل ابو الشباب حسبني فلبينية وتعالي ظحك هو وعيالي علي قسما بالله يصارخون صراخ من الضحك المهم قعدت ثلاث ايام كل يوم يفش شوي ويوم فش صار كله قشره وخشن خشن لدرجة اني اخاف المسه المهم سيرت على اهلي مالاحظو شي بس يقولون لي بشرتك متغيره ليش ولا علمتهم قلت مدري يمكن من الحمل


عاد نجي للمهم






















جابت امي عنقود عنب وقعدنا ناكل انا وخواتي ومابقى الا وحده واخذها وانا ماني مشتهيتها وامسكها وافتحها وامسح بها وجهي مسح يابنات وخليته لين جف وجبت ثانيه ومسحت وجهي لين جف المهم غسلته بماء بس

وقبل ما يجف الماء قعدت افرك وجهي ورقبتي فرك فرك قسما بالله المغسله امتلات من القشور ورقبتي نزل منها شي هبلني وطلع وجهي يلمع لميع ويوم جاء السحور واسوي نفس الطريقه وافرك ويطيح قشر بالهبل وصار وجهي كانه مرايه يلمع لمع وهالحين لي اربع ايام وجهي مصقول صقل شي شي

فانا حبيت افيدكن قبل العيد قلت علشان تستفيدن عاد اللي تستفيد تذكر لنا تجربتها لاني احس العنب مقشر موطبيعي صار وجهي رقيق جدا وواضح عليه النظافه


لاتنسوني من دعواتكم
42
4K

يلزم عليك تسجيل الدخول أولًا لكتابة تعليق.

تسجيل دخول

$*جمانه*$
$*جمانه*$ •
ماشاء الله شكرا لنقل تجربتك احنا ندور على الكريمات والخرابيط والحل عندنا ومايكلفنا
وصدق الرسول عليه الصلاة والسلام حين قال إن الله لم ينزل داء إلا أنزل له شفاء ، علمه من علمه وجهله من جهله ، وفي لفظ : إن الله لم يضع داء إلا وضع له شفاء ، أو دواء ، إلا داء واحدا ، قالوا : يا رسول الله ما هو ؟ قال : الهرم قال الترمذي : هذا حديث صحيح .

ولك مني دعوه بظهر الغيب:smile:
كتكووتآ
كتكووتآ •
ماشالله عليك كيف جات ببالك =)

حطيتيها براسي

بجربها ان شالله


يعطيك العافيه والله يقومك بالسلامه :)
امي اغلى ماعندي
امي اغلى ماعندي •
$*جمانه*$ $*جمانه*$ :
ماشاء الله شكرا لنقل تجربتك احنا ندور على الكريمات والخرابيط والحل عندنا ومايكلفنا وصدق الرسول عليه الصلاة والسلام حين قال ، وفي لفظ : قال الترمذي : هذا حديث صحيح . ولك مني دعوه بظهر الغيب:smile:
ماشاء الله شكرا لنقل تجربتك احنا ندور على الكريمات والخرابيط والحل عندنا ومايكلفنا وصدق الرسول...
هلابك اختي والله هذا اللي صار وعلى فكره يابنات ترى مايخليك بيضاء لا لكن يعطي نظاره مره بحياتي ماحصلت على هالنظاره وانا استعمل اغلى الكريمات فهو يعطي نظاره اشراقه وكانه يبرد وجهك برد يصير الجلد واضح انه نظيف ويلمع
امي اغلى ماعندي
امي اغلى ماعندي •
كتكووتآ كتكووتآ :
ماشالله عليك كيف جات ببالك =) حطيتيها براسي بجربها ان شالله يعطيك العافيه والله يقومك بالسلامه :)
ماشالله عليك كيف جات ببالك =) حطيتيها براسي بجربها ان شالله يعطيك العافيه والله يقومك...
حطيها براسك وسويها خواتي مغير افتحن افميهن من الدهشه قالن لي العصر بوجه وهالحين بوجه ثاني
امي اغلى ماعندي
امي اغلى ماعندي •
ام حصوصي الحلوة ام حصوصي الحلوة :
لا يمكنك مشاهدة هذا التعليق لانتهاكه شروط الاستخدام.
ياقلبي انتي الاروع