قهرررررررررررررررررررررررررررر رني

أقسم بالله يا أخواتي فيني قهررررررررررر
ودي أمسك زوجي وأأدبه لكن ياحيلة الله

السالفة

أنا وزوجي لنا يجي 3 شهور عايشين أغراب
لايكلمني وزعلان ويتزعل ويتذمر
وشايف نفسه ويرمي الكلام ويدق فيني ويعذرب لين يقول آمين
كذا من الله بدون ماأكون فعلياً مذنبة بس شكله يمر بسن اليأس

مافيه عيب مايحطه فيني وهو ملاآآآآآآآك

الحين اللي قاهرني عازم رجال هاليومين
وقال فيه حريم تطبخ وتجهز السفرة من إلى

طارت عيوني
ماقد سواها دايم لو عزم أقول بحط وبحط وبحط ويقول ماأبي أتكلف
وربي شاهد تقديمي كلن يشهد له إنه نظيف وترتيب فنادق
حتى اللي عازمه من زمان قد قال ايش هذا أحنا بمطعم فندق!
طبعاً ماأقول وااااااااااااااااو بس والله سفرتي ماشاءالله ممتازة

بس أنا عارفة شكله يبي يبين تراني أستغني عنك ماعندي مشكلة وماني في حاجة لك أقدر أتصرف بدونك

طيب

أنا زعلت وشلتها بنفسي بس قلت اوكي شوف اللي تبي وبراحتك
تبيني أطبخ تبي أحد يطبخ زي ماتحب
وأنا والله لو علاقتنا كويسة كان طقيت صدري وقلت افاا ياذا العلم تطلب وأنا موجودة!!

بس أنا عارفة هديت حيلي على ثور مايفهم ولا يقدر
قلت وش فادني طق الصدر خله يتصرف كذا أوكذا أنا بنظره مافيني خير

عاد كنا قاعدينوفجأةمسك الجوال
السلام عليكم هلا منى كيف حالك معك فلان الفلاني
وش علومك..أنا عندي عزيمة وأحتريه يقول أبيك تجين:icon33:
وقام يسأل بكم المفطح ووش معنى أكل سعودي:icon33:

أنا طرطعت وأنقهرت وش هالوقاحة يكلمها وبيتفق معها بس زوجي أقول ماعاد لي فيه حيله
لاراح يهمه زعلي ولا يفيد أويحرك شي
سكت بس أسلوبي تغير

المهم لقى الحرمة مشغولة ماتقدر تسوي له شي ويدعي لها ويمي والله يوفقك ويرزقك ومن هالحكي


قفل ويوم قمت قام يقول كلام إنه يبي يجهز للعزيمة ويبي يشوف لو يلقى غيرها
وإنه مايبي حوسة وبربسة في البيت..قلت شغلي بربسة!
قال تشوفين هكذا!..قلت أنت تقول وبربسة!
قال ايه
طيرت عيوني وقلت طيب وقعديهزأ إنتِ وش فيك أنتِ تفهمين على كيفك واللي يقول كلمة أردها له وأدوس عليه

عاد هو لسانه وسخ إذا زعل
طرطعت قلت كلمني بأدب زي اللي كلمت قبل شوي وشوف كلامي كيف بيكون

الزبدة
بس يهددني بطلاق وطرد وكلام ماله معنى

وأنا ساكته

قام ينادي الولد شف فيه خس فيه أغراض سلطة!
ويسأل البنت وين مواعين وكيسان العزايم

يبي يستغنى عني

هو طبعه الآن لايكلمني ولا يطالعني ولا يتنزل لي

كيف أتصرف؟؟
أطبخ له وأصير أسنع منه والا أسفهه وأخليه يحسب حساب كلامه؟؟

--

تعقدنا من 3 مشاركات بس وأنطم لين 24 ساعة وش يقرب لكم زوجي:icon33:

عودة وإضافة

الحين اللي بيبطني قهرر
أخاف يلقى وحده تطبخ
وتمتلي السفرة سنع
ويصير وجودي مثل عدمه

مدري انقهر من سحبته
والا من سفرته أكيد بتجي مرتبة دام مدفوع لها مبلغ وقدره
والا من وضعي عقبها

يالله يااآارب إنهمايلقى وحده تطبخ
وإن لقى تجيب أكل مايستاهل وماينبغى ولا يعجبه كله يقوطر زيت وملح
يارب لاتبلى هاللي تطبخ إلا بس فينا وتجيب العيد بطبخها
ويعرف زوجي إنه غلطان قد شعر رأسه
يالله يارب مادعيتك نذالة<<أجل وشو خخخخخخخخ
دعيتك من ضيمي وقهري من هالآدمي اللي حتى التراب مايملى عينه
ياربي ياقهري لو لقى ياقهري وش يصير دوري آآخ بس

آخاف أرسل الطلبات له مايرد علي أويقول منتك في الشحم
هوحط إني أمن وأنا والله مالقيت آدمي يقول أبيك تصلحين كان قلت من عيوني
هو من بدأ بين إنه مسنغني وإنه بيجيب من برآ وأنا وضعي مايسمح أتدلع
تقولون مكابر والله مومكابر بس اللي عندي لوووح:/