الله يسهل عليكم النقل ويسهل علينا الاستقرار في ديرتنا السعويهوالله اهون بكثير من امريكا وكندا

هذي هي الغربه

ياقلبي انت على الاقل ماطلعتي من حدود السعوديه وش تقولين عنا حنا اللي بمريكا مجرد التفكير بالاهل يضيق الصدر لان مافيه امل نروح الا بالاجازات اما انت ساعه بالطياره وانت عند اهلك هونيها وتهون وان شاء الله ييسر لكم النقل

اول سنه ابعدت عن اهلي كانت صعبه مره بس بعدين بديت احاول اقلم نفسي مع الوضع وبديت احاول اشغل وقتي بس ساعات الهى واحيانا شوي ويجيني اكتاب من الوحده انتي حاولي تتعرفين على احد يمكن تلقين وحده ظروفها زيك مع اني تعرفت بس ما راح احد يحس فيك الا الي نفس وضعك

الله يهون عليك انا جربت وانتقلنا لكذا منطقه
لكن لما تتعرفي على الجيران وتشغلي نفسك بجمعات حلوة راح ترتاحي وتنسي همومك وبالنسبه لي لفيت ولفيت والحمد لله استقريت في الشرقيه فديتها وعندي لك نصيحه سجلي في التحفيظ وانتي بس قولي لي في اي حي ساكنه وانا ادلك على اقرب دار تحفيظ وراح تلقي فيها راحه عجيبه لانك راح تحفظي كتاب الله وصحبه طيبه ..

الله يكون بالعون للجميع