يانظيفات كل وحده تحط جدولها واستفتاء هل انتم تنظفون على جدول؟

امل الاردن :

السلام عليكم ورحمة الله وبركاته انا والله ما عندي جدول معين بس هذا نظامي بالشغل من الاحد للجمعة اولا احنا بالبيت 5 بنات منهم 2 مدرسات و2 طالبات بالجامعة اما بالنسبة الي فأنا راسبة بالثانوي وقاعدة بالدار لا شغلة ولا عملة نظامي هو انو خواتي لما يصحو من النوم كل وحدة ترتب تختها وتصفط حراماتها وبعد ما يطلعو من الدار يضلي انا وامي وابوي فابلش شغل طبعا بما انو احنا باشتاء فأكيد كل الدار مفروشة موكيت وسجاد فاول شغلة بعملها ابلش بغرفتي ازبط تختي واسفط الحرامات وافتح الشبابيك واشوف خزانتي اذا فيها اشي مو مسفط لانو خواتي ما شاء الله الصبح ما يخلو اشي ع مكانو وبعدين اكنس الارض بمكنسة الكهربا وافرشي الارض بجل وشوية كلور وامسح طرف الشباك واطلع من الغرفة وزي هيك غرفة امي يعني كل الدار اكنسها وافرشيها وبعديبن اشطف الحمام طبعا احنا عنا مطبخين مطبخ اساسي يعني فطور وغدا وعشا فيه طبعا الصبح امي تجلي الفطور اما الغدا والعشا فكل يوم ع وحدا يعني احد وخميس على اختي المعلمة واثنين واربعاء ع اختي الي بالجامعة لانها تكون معطلة اما جمعة وسبت فعلى اختي الي بالجامعة الثانية والثلاثاء ع اختي المعلمة الثانية يعني الي يكون عليها الجلي تجلي من فترة الغدا لحد ما تنام اما انا فالجلي ما بتعرف علي كون كل الدار الصبح علي بالنسبة لغرفة المعيشة طبعا هي قعدة ارضية فاكنسها وافرشيها وامسح طرف الشباك وامسح الغبرة عن الطاولة وامسح الباب احنا عنا المطبخ الثاني فاتح ع غرفة معيشة ثانية فكل يوم باليل امسح الشبابيك اكنس الارض وافرشيها وامسح المطبخ مسح مرتب عشان اذا اجا عنا ناس الصبح تكون نظيفة يعني فل الفل بس هذا المطبخ نادرا ما نستخدمو عشان هيك ما يتوسخ كثير وبعدين اطلع ع هاي الغرفة الي هي مدخل البيت امسح الغبرة عن البوفيه واكنس السجادة وامسح المراة وهيك اكون خلصت البيت كامل طبعا شغل يوم السبت عن شغل الاسبوع كله كل خواتي ما عد انا يبلشو بالغرف غرفتي وغرفتهم وغرفة امي يمسحو مرايا الخزانة وتليف الشبك وتطلع فرشاة التخت وحراماتها ع الشمس وتليف الباب يعني خواتي الاربعة يكونو خلصو الثلاث غرف وبطلعو الجنابي الي بغرفة المعيشة ع الشمس ونطلع موكيت الغرفة وموكيت الصالون الموزع وتليف كل الشبابيك وكل الابواب وشطف الارضية وبعدين ع غرفة البوفيه يعملو فيها زي باقي الغرف اما انا فاكون بالمطبخ تعزيل بالكامل يعني اذا فوتت ع 10 بطلع ع 6 والله العظيم بدون مبالغة اذا تسالوني شو بعمل كل اشي بالخزاين بطلعو بليف الخزاين كامل من بره وجوا وتليف الجدران كامل وانزل الغاز واليفو وبعدين كل اباريق الشاي والبكارج احط فيهم كلور عشان يروح منهم السواد يعني ومرطبانات البهارات والسكر والارز كلو تليف يعني ما بضل اشي الا يكون فل الفل خواتي بهاي الفترة يكونو يشطوفو الحوش ومداخل البيت ويطلعو كنب المظافة بره ع الشمس ويليفو الشبابيك ع الساعة 6 المسا كل الار زي الفل يعني اما غسيل الملابس فاحنا نغسل ثلاث مرات سبت واثنين وخميس يكون الغسيل باليل ع اختي الكبيرة طبعا شهريا كل اول الشهر انزل كل برادي الدار واغسلهم واسبوعيا مخدات النوم والمناشف احنا ما عنا اطفال عشان هيك بيتنا ما يتوسخ بس لما يجي يوم الخميس الي اختي المتزوجة تيجي عنا اعتبري الدار صارت ميمعة يعني الي يجي عنا يوم الخميس يقول انو عمرنا ما اشتغلنا بس شو بدنا نعمل حتى الشبابيك ما يسلمو من اولاد اختي وولد اخوي الله يخليلنا اياهم يا رب احكولي شو رأيكم بجدولي

السلام عليكم ورحمة الله وبركاته انا والله ما عندي جدول معين بس هذا نظامي بالشغل من الاحد للجمعة...