الي صار في جلستي اليوم

الي ارسلولي ويقولو طمنينا ربي يسعدهم ويجزاكم خير ويارب اجعل ايامهم كلها سعادة ورزقهم من حيث لايحتسبون
اليوم الي صار في جلستي حضرت خصمتي واغلب الأسئلة وجهها لها القاضي قالها كيف عرفتي انه مسحور قالت سمعت من ناس وبستر عليهم ياشيخ قال كيف دليتهم على الساحره يعني تعرفينها قالت الناس دلوني على بيتهم قال جيبي الي دلوك والي قالك انه مسحور وحولها على هيئة التحقيق
من اجل ان تحضر الي قالولها ويسجلون اقوالهم
الشيخ حولها على هيئة التحقيق وسمعت سمعت ولادخل في ذمتي شي ان ابوها قالها لو يقطعون راسك لاتعترفين
وابوها جاي قبل فتره يحاول في ابوي وبيعطيه فلوس ويقول حنا نحلها يارجال الحريم افضحنا
وابوي قال تقهو وتوكل على الله
وطلبت من الشيخ ربط قضيتنا بساحره والساحره الان موجوده في السجن الان
ونتائج التحقيق الاوليه الساحره اضغطو عليها واعترفت بسحر اكثر من 13 ولحد الان ننتظر النتائج و التحقيق النهائي واخوي بمعرفته جابلي خبر شبه مؤكد ان الساحره قالت اسم سلفتي من ضمن الي تعاملو معها ، قالت ام فلان ، الي هي سلفتي لأن عرفتها اسم ولدها يعني صعب شوي واخوي متابع موضوع الساحره بنفسه وانا متابعه قضيتي انا وسلفتي اللعينه
وزجي من ضمن ال 13 الموجودين وفيه صورته طلعوها من بيتها وكمان جزمه وجارب كرمتو له
وطليقي ملتزم وضعية الصمت واخوانه منتبهين لأذكاره خصوصا الثلاثه ايام الي راحت وحاطينه تحت المجهر
سألت الشيخ بخصوص طلاقي يوم طلعت خصمتي قال إذا ثبت القضيه واخذتي صك الحكم
يصير طلاقك باطل
اضيف قبل شوي بعد المغرب فيه رجال جاء عند ابوي وابوي يعزه بخصوص موضوعي مرسلينه
عشان نقفل الموضوع قال ابوي قضيتها بيدها ولاهي بيدينا وان شاءالله يكون خير
ادعولي لأني انظلمت
الله لايوريكم الظلم