انا ماحجيت بس اختي العام حجت واتورطت بكل شي مااخذت معها اللي يكفيها
بالنسبه للدوره الافضل تاخذين حبوب تاخير من الصيدليه واللبس افضل عبايه الكتف لان تعرفين زحمه ويدفوا ويعني اللي عالراس بتطيح كل شوي الشرابات اسود وشبشب اكيد لازم تاخذين
وماشاء الله الاخت ريم وفت وكفت
الله يسرلك الحج وان شاء الله ربي يبلغني الحج العام المقبل باذنه تعااااااالى

الله يبلغك ياااارب
البنات ماقصروا

الحمدلله أنا حجيت قبل ثلاث سنين والله يتقبل مننا ومنك ومن كل المسلمين ...........بالنسبة للدورة أفضل تاخدي حبوب تأخير الدورة عشان تستمتعي بالحج من قراءة قرآن وصلاة لأنها كلها أسبوع أو تمنية أيام بالكتير............وبالنسبة للعباية اللي متعودة عليها وأختي لما راحت عجبني لبسها كانت لابسة جلابية بيضاء وحجاب أبيض وجزمة وشراب أبيض بس حاطة العباية على كتفها سودا وكانوا معايا ناس من المدينة كانوا لابسين أبيض زي البالطوا والله شكلهم يجنن أما أنا لابسة عبايتي على الكتف ............وإضافة للي أنذكر فوق من الأخوات في كلوتات في الصيدلية لمرة وحدة عملية وحلوة جربتها أختي وريحتها أما أنا أخدت القطنية أريح وطبعاً خدي سراويل طويلة قطنية وأعملي حسابك ترى منى حتكون مرررة باردة السنة خدي جاكيت طويل وأشياء تدفيكي أنا والله لما رحت أتفاجأت بالبرد كنت أبس كذا شي فوق بعض من البرد ولازم تاخدي شبشب عشان المخيم................وبالنسبة للمخيم ***** الله يكون طيب وحاولي إنك ماتدققي في كل شي ..................أنا كنت أستغرب على البعض في مخيمنا أشتكوا صاحب المخيم إنوا ضحك علينا وإن الأكل مو مناسبهم ........ووالله العظيم حراام أنا اتوقعت أعمل رجيم في هدي الفترة بس بالعكس التلاجات فيها عصيرات وحليب ولبن على طول غير المشروبات الساخنة شاهي نسكافيه والفطور بوفيه في كل شي والغدا كل يوم صنف مرة بخاري ومرة عربي زي كدا غير الفاكهة والعشا مرة رز ومررة خفيف بيض وفول وفي الليل يجيبولنا حلويات جالكسي وباونتي وجاتوهات يعني بس ناكل على طول ....أنا فكرتي الحج جهاد ولما رحت لقيت فيه كل انوع الدلع مع إن حملتنا عادية الشخص ب3500 حتى في عرفة وصلنا اتفردت سفر الفطور وبعدين الغدا وكان سمك ودجاج عشان الأذواق تختلف غير القهوة والتمر على طول وبرضوا في عرفة سبقتنا الغلايات عشان النسكافيه والشاهي للي يحب .............طفشتك أدري .......حكيتك الحج كلوا ..............مشي حالك المهم خليكي في عبادتك وصلاتك ودعائك ولا تضيعي ولا دقيقة........ويساويلك إذا مادعتيلي لأني والله ورطانة في مشكلة أنا وزوجي بس أدعيلي أمانة يطلعنا منها منصورين وآخدين حقنا المعنوي ...............وتروحي وزترجعيلنا بالسلامة ونكش عليكي الحلاوة لما ترجعي وتجيبيلنا حلاوة الحج لا تنسيها ترى مرة أحبها ....ومع السلامة

لاتخذي جاكيت انا العام حجيت بعز البرد والله كان حرررررر بعرفه ومنى اما البرد بس بمزدلفه >>>تكفيك فقط البطانيه لانكم بس بتنامون وتمشون الفجر لمنى



ونصيحه نصيحه اللبسي سبورت مريح والله ندمت اني مالبسته .عبايتين.طرحتين قطنيات,اكياس>>زي حقت السوبرماركت راح تستفيدي منها مررررره وخاصه للملابس الوسخه
شيلي ابطك حلاوه قبل لاتمشي والله بترتاحي مررررره وحطي كريم فبكس مزيل لرائحه العرق >>تاخذين اسبوع مايطلع ريحه
.خذي صرف معك ريالات عشان تتصدقين فيها
مصحفك مع كتاب الحج والعمره مهممم مررره عشان تعرفي وش الادعيه اللي تقرينها
شامبو.فرشاة ومعجون .مشط لشعرك.بنادول.كرتون منديل اللي فيه 100 حبه خليه بشنطتك يمكن مايجبون الحمله .شوكولاتتك المفضله تتسلين فيهااا سجاده
قفازات بلاستك عشان تلبسيها اذا رحتي للحمام خاااااااااااصه بمزدلفه تقرف قرف (بس تأكدي من حكمها قبل)
لبس حلو للعيد
كريم مرطب ,فازلين>>اشوف كل الحريم معهم .مقص لاتنسينه والله بتندمين عشان تقصين شعرك وبعدها تتصدقين فيه على احد
ملابس داخليه مع القميص على عدد الايام اللي تجلسونها مع منشفتك
فوط يوميه راحه لك



تكفين ادعيلي بتسهيل الولاده

لا....لا تاخذين حبوب تاخر الدوره خصوصاً اذا انتي من النوع اللي الدوره تتعبها وتغير مزاجه
روحي لطبيبة نساء وخليها تعطيكي حبوب تنزلها قبل وقت وبكذا بتحجي وانتي مرتاحه.