الحمد لله (ولددددت)

اللهم لك الحمد حتى ترضى
ولك الحمد اذا رضيت
ولك الحمد بعد الرضى
اللهم لك الحمد تيسرت ولادتي بفضل الله اولا واخرا
قصتي مع الولاده بدت يوم الخميس سخنت زيت زيتون مع حبه
السوداء ودهنت بطني وظهري ونقعت رجولي بماء مائل للحراره
وبعد العشاء طعت للمخطط امشي واطقها مشي موبسهل الى الساعه12في الليل
وارجع البيت رجولي موشايلتني من كثر المشي وارجع ادهن بطني مره ثانيه
بزيت الزيتون مع حبه السوداء وانقع رجولي في الموياء
ورحت نمت على الساعه 2في الليل وصحاني زوجي لصلاه الفجر
صليت وقبل ما انام قلت اتصفح عالم حواء واشوف قسم الحمل والامومه متابعه له
بشده خاصه في الشهور الاخيره وانا اتصفح احس مغص خفيف يجي
ويروح ويجي وبعدها بدا يقوى وصار المغص متواصل قمت رحت توضيت وجلست اقراء
سوره الكهف كان يوم الجمعه وكل ماقرائت كم ايه ووجعني بطني سكت شوي بعدها حاولت انام
بس ماقدرت صار المغص تقريبا كل ربع ساعه وصارت الساعه 10ونصف الصباح
وصحي ابو الشباب يقول خليني اوديك وانا مسويه فيها واكابر الى صارت الساعه 12
وقلت لزوجي صلى جمعه وتعال ودني وهو خائف اولد ويحاول فيني وانا رافضه الى جاء
من صلاه الجمه ووداني وصلت المستشفى على الساعه1وعلى طول دخلوني قسم الولاده
وحطولي تخطيط ومغذي وكشفت وطلع الرحم فاتح 8سم وعلى الساعه3ولدت
ولله الحمد ربي يسر امري اللهم لك الحمد يارب
عقبال كل الحوامل ربي يسهل وييسر امورهم