اهم شي الاساسايات
سوو شوربه
وصينيه مكرونه بالبيتزا او الباشميل
وحلا (سوي حلا الكاسات احلى واسهل
ومعجنات كثرري ونوعي بيتزا وفطاير اشكال

سمبوسه
فوول

وجيبي عصائر وفاكهه
وسوي سلطة الفاكهه

وصينيه مصقعه مره حلوووه
وسلطه

ترا كذا يكفي منوع والحين محد ياكل
بس كرف واخرتها محد ياكل
ورتبي السفره وحطي المناديل والصحوون من بدري

ولاتحطين ببلاستك مره يخرب لك السفره وفيه ناس ماتحب تاكل من البلاستك لانه مضر

عادي خلي المكرونه بصينيته وهم يقطعونها والباقي وزعي كل نوع بصحنين اوثلاثه


والحلا سويه من الليل او الصباح والظهر اعجني وسوي الصواني وبعدين يصير تسخنينها

والمعجنات والسمبوسه وزعيها بصحون بدري ولفيها بالتغليف البلاستك علشان مايبرد
__________\\
والله يسهل عليك ويكتب اجرك واحتسبي الاجر

شوربه وسمبوسه وسبرنق رول او أي نوع مقليات عندك
مكرونه بالبشميل وصينية شاورما دجاج

سوي توست بدل البيتزا اسهل قطعيه دوائر وحطي عليه حشوة تونه او دجاج او حتى نفس حشوة البيتزا وممكن تنوعي بالحشوات
ونوع سلطه مع اني ما اتوقع الشباب يهتمون بالسلطات خاصه على الفطور

والحلويات سويها من الليل
كريم كاراميل للسفره سهل وخفيف ..
وحلى القهوه بعطيك طريقة حلى رووووووعه وسهل جداً جداً

كيك سرالي بالشوكولاته أو أي نوع كيك جاهز متوفر
ظرفين دريم ويب + 2 قيمر (قشطه) + 1 كريم كاراميل + 4 ملاعق كاكاو بودره مر + كوب حليب سائل

في صينيه بايركس قطعي الكيك شرايح وحطي نصه كأول طبقه
باقي المقادير حطيها بخلاط العصير وممكن تحتاجين حليب زياده انتي حطي كوب وشوفي
الخلطه ما تصير لا ثقيله ولا خفيفه
صبي نص الخليط على الكيك كطبقه ثانيه
حطي باقي الكيك كطبقه ثالثه
باقي الخليط كطبقه رابعه

وزينيه بكاكاو فليك مفتت وعالاطراف مالتيزر أو أي طريقه تحبينها

ودخليه الفريزر

هالحلى سهل ولذيذ ما ياخذ حتى نص ساعه ممكن تسوينه بنفس اليوم
والكيك قطعيه شرايح رفيعه احلى ..

طبعاً هالمقادير تكفي لصينية بايركس متوسطه ..

شكرااااا صبايا الله لايحرمكم الاجر والله اني استفدت منكم كثيييير والله اني خجلانه من كرمكم فديتكم والله اخذت من افكاركم ورتبت أمووري وأن شا الله تمشي الاموور الله يسعععدكم يارب

عندك الفطاير والبيتزا تقدرين تسويها اليوم واخبزيها وبكره سخني الفطاير وحطي الصلصه على الميني بيتزا والزيتون والفلفل والجبنه ودخليها الفرن تذوب الجبنه بس ...لانها مستويه ..وكذلك السمبوسه حقة المخابز روعه احسن من سويتز والشرايح الجاهزه الثانيه احشيها دجاج وخضار وجبن وبكره بس اقليها بسرعه تتحمر والعصاير والحلى سويها الفجر........وأهم شئ تجهيز اواني التقديم اعمليها الفجر بعد ملاعق وسكاكين واطباق وكاسات وموفققققه