السلام عليكم ورحمة الله وبركاته
خواتي الغاليات
بما أنيه مندوبة الأخت فراولة سويت لبنات الإمارات
وبما أننا استقبلنا أول دفعة من بودرة (روعة) لخلف الأذن والرقبة
حبيت من خلال هالموضوع إن شاء الله
أني أفتح موضوع نقاش حول آراءكم وانطباعاتكم واقتراحاتكم
أنا ببتدي بعمريه
بالنسبة لي
لاحظت أنها البودرة ريحتها شرات ريحة الحلاوة (حلاوة الأطفال)
بس بالنسبة لي أحب الروايح اللي تكون فيها روايح الورد والفاكهة
وأعتقد أغلب خواتي الإماراتيات نفس الشي
بس الحلو في البودرة أنها رطبة شوي
يعني من النوع اللي تعلق في الجسم
فاقتراحي كان كالتالي
أكيد تعرفن المسك الحجر اللي يكون عند عبدالصمد القرشي
اتييبن منه وتطحننه وتحطنه في علبة منفصلة
وكل ما ييتن تستخدم بودرة (روعة) اللي توفرها الأخت فراولة سويت
تحطن كمية صغيييرة من البودرة
+ كمية صغييييرة من بودرة المسك
+ نقطة أو نقطتين من أي دهن عود
تخلطن الكمية الصغيرة رباعة وتحطن منها ورا الأذن والرقبة
مادري .. هذا اقتراحي .. وخبرت بعض الخوات عنه
بس يا ريت .. لو أي وحدة عندها أفكار حلوة تفيدنا وتفيد خواتها .. يزاها الله كل خير
وبارك الله فيكن خواتي
ويزاج الله كل خير ختيه فراولة سويت
انا طلبت من البودره واللعبه واسمي كان موجود باللسته بس ماوصلني شي؟
مادري يمكن بعدها الدفعه ماوصلت ولا شووو..
بالتوفيق حبوبه