وااااااااااو شهتيني انا اموت بالعصيدة ماعرف اسويها بس امي تضبطها عدل مدل
وراح اقولك طريقتنا حبيبتي

طريقة المرق:_
نحمس بصلة بالزيت ثم قطع دجاج ونضيف لها نصف طماطمة مقطعة صغار وطبعا البهار نص ملعقة كل من (هيل,كمون,ملح,فلفل اسود ,ونص م كركم )وم ك بهار مرق خاص للمرق
بعدين تخلطيهم مع بعض ثم تضيفي الماي لحد مايغمر الدجاج اولحم ولين يغلي وطي الفرن عشان يتسبك ولين ينضج الدجاج اولحم في هالخطوة اذا حبيتي تسويها يطلع جناااان واذا ماحبيتي بكيفيك وهي اخذ قليل من المرق واضافتة 2م او 3من طحين وخلطها واضافتها للمرق ليكون ثقيل شوي وسلامتج

طريقة العصيدة:

في قدر نضيف الماي اللي نحتاجة مثلا نص القدر ماي ولين يغلي نضيف ثلاثة ارباع او اقل كمية الماي طحين بس في هالخطوة ضروووري تحركينها بسرعة بملعقة خاصة من الخشب خاصة بالعصيدة تحصلينا بالاسواق وبعدين خلطي بقوة وكل شوي اذا حسيتي انها قاسية ضيفي قليل من الماء المغلي وبعد الخلط وحسيتي ان العجينة استوت وحاسبي لاتنحرق القدر لازم تخلطي باستمرار يمكن تاخذمنك من 15الى 25دقيقة على حسب الكمية

طريقة التقديم:_
كوري العصيدةالكمية اللي تبيها والباقي خلية بقدر مضغوط عشان تبقى ساخنة بالصحن على شكل قبة وضيفي حوليها المرق وسلامتج ولاتنسي تضيفي المقبلات

المقبلات خخخخخخخخ:_
1) شطة وهي تخلطي طماطة مع حبتين فلفل حااااار بخلاط الطماط(ضعيها بصحن صغير مثل الصوص اللي يحب ياخذ منه على المرق)
2)2م ك حلبة منقوعة بالماي ولما تتنقع نخلطها مع عصير ليمون لين تنتفخ مثل الكريمة(ضعيها بصحن صغير مثل الصوص اللي يحب ياخذ منه على المرق )
3)روب او لبن مع ثوم وكمون وبس
4)جرجير او بقل


ان شاء اللة افدتك وادعي للوالدة هي اللي قالتلي الطريقة بس لازم تشوفي وحدة تسويها عشان تعرفي الطريقة صح

هذي العصيده ومعرفه عندنا في الجنوب وتنأكل مع المرقه واحيانا تأكل مع اللبن

يا اختي الصوره الاولى معصوبه وهي تختلف عن الصوره الثانيه اللي هي العصيده وطبعا كلهم يختلفون عن العريكه

والله وااايد غريبه .. في شكلها وطريقه أكلها بعد ...!!

خاطري أجربها .... شكلها حلوه

نحن عندنا العصيده شي ثاااني ...؟؟ عند اهل الامارات طريقته مختلفه وشكله مختلف نهائيا ..

اللي اعرفه ان اللي في الصورة الاولى عصيده تؤكل مع المرق

أما الصورة الثانيه فمختلفه تماما توكل مع الايدام أو المرق وهي أكله نجديه يعرفونها الدواسر ويصنعونها بهذي الطريقه العجيبه ممكن تسألين النجديات اللي في المنتدى وهم يخبرونك عنها ..