مواقفكم مع ام الزوج / اطرحي موضوعك بقسم الحياة الاجتماعية , هنا اخذ وقته

كيفكم يابنات احلي عالم بالدنيا الموضوع ممكن يكون مسلي بس موجع اكيد لبعض الحريم الي من جد ضايقين الويل مع أمهات ازواجهم
انا اختكم لا ادعي المثاليه حاولت اخليها لي ام ولكن قدر الله ماشاء فعل انا بالنهايه انسانه ولي طاقه تحمل وماقدرت أكون مثاليه للابد اطريت اخلي العلاقه رسميه والحمدلله حاليا حياتي ونفسيتي مستقره
بعض البنات الي ممكن ماتزوجو ويدعو المثاليه وهذي ام زوجك مثل امك وهالكلام أقول لهم الي يده بالنار مو مثل الي يده بالمويه وكلها مثاليات علي الفاضي جربي قولي لزوجك بجيب امي تعيش معاي اذا ماطردك انتي وامك بالشارع من حق هههههههههه ماعلينا نرجع للموضوع الأساسي مواقفكم مع ام الزوج فديتها


اول موقف وكان بعد 6 شهور من زواجي كانت بنت خال زوجي والده ورحنا انا وام زوجي وبناتها نزورها ونتحمد لها السلامه وكان ماشاء الله عندها زحمه واهل زوجها بعد وبنص السوالف الا ام زوجي تلتفت علي وتقول لي قدام الكل وانتي ياحظي مو ناويه تحملين لا يكون دفعنا مهر بوحده خربانه وتضحك علي انها مزحه طبعا مرت خالهم ربي يسعدها رقعت لي وقالت لا ماشاء الله قمر وشكلها ست بيت واكيد بتصير ام باذن الله بس بكير عليها خليها تنبسط عروس وبعد كم شهر حللنا وطلع زوجي ربي يشافيه العيب منه وام زوجي برضو مااقتنعت وقالت لي لا تتكلمين وتقولين البلا بزوجي قلت لها اذا احد سالني بقول لهم كل شي من رب العالمين مهما كان هذا زوجي وماارضي عليه
اتمني اشوف تفاعلكم باي موقف لكم مع ام الزوج وان شاء الله نكمل باقي مواقف كثيره واتمني ماحد ينتقدني علي هالمووضوع وادعو لي بالذريه الصالحه