.: بنت عمي تتزوج للمره الثالثة بسبب .. شي غريب :.//قديم+تم الرد
الســــــــــلام عليكم ورحمة الله وبركاتـــــــــــه
كيف حالكم يابنات ؟
طيب ابقولكم القصه الحين
كما ذكرت في العنوان انو بنت عمي تزوجت للمره الثالثه بسبب .. شي غريب جدا واحتمال يكون غير منطقي في وجهات
نظركم لكن اتمنى اشوف آرائكم وردودكم و مشاركتكم حول هل هذا هو السبب فعلا ام لا ...
طبعاً بنت عمي ، بنوته كانت مدللــه في بيت عمي ماكان ناقصها شيء الحمد لله وكلها اخلاق وطيب
والناس كلها تحبها كثير لحسن اخلاقها ومعاملتها معلش ادري طولت ...
لما تزوجت زوجها الأول كانت تدللــه دلال يعني بزياده عن اللزوم لدرجة انه كل يوم تغسل وتنقع رجليه وتدعكهم ،
ماتخليه ياكل بيده ، يعني قايمه فيه طيب انا اشجع هذا الشي ان الزوجه تقوم في زوجها لهنا وانا ماعندي حاجه ضد
هالشيء لكن اقرأو الحين الحاجه الي ترفع الضغط
كانت دايماً تتلفظ له حياتي معاك جنه ، مااتخيل نفسي بدونك ، احس نفسي بموت لو افارقك دقيقه
تقول له هالكلام بإستمرار طيب هي بحسن نية تعتقد ان هذا الكلام يعلق زوجها فيها اكثر واكثر
طيب اعتاد زوجها على اسلوب الدلع والدلال .. وبنت عمي صارت حامل ، والحامل لازم ترتاح في فترة الحمل
طيب زي ماقلت لكم شاف انها في معظم الأمور مقصره في نظره بسبب الحمل ، فصار يغلط عليها ويهينها يوم عن
يوم ، رغم انه ماكان كذا ، كانت تصير بينهم مشاكل لكن ماكان يشتمها ...
خامله وترد عليه سامحني اسفه اعذرني وبعد ايام قليلة
قدر الله وطاح الجنين فجأه هي تخاف الله وزوجها رغم تصرفاته كان يتشوق انه يصير اب ومتحمس
لما طاح الجنين صار يلومها يوميا انتي السبب وانتي وانتي ...... وتطور الى ان يضربها ويعايرها انه متزوجها ويمن عليها
بهذا الشيء استغفر الله ، بعد الضرب والسب والاهانات وفجأه طلعت له بإسلوب عمره ماشافها كذا وردت عليه برد
تفاجأ فيه وقال انا بطلقك خلك في بيت ابوك لا احد يباخذك ولا انا ابيك نتيجه لانها كانت تقول له لو افارقك دقيقة اموت وفعلا حصل الطلاق وبعد العده بعد شهر ونص فتره مابعد العده تقدم لها شاب وتمت الموافقه اتصل فيها ويبيها تسامحه ولو تزوجت راح يطلقها من زوجها عشان
ترجع له يهددها ، طيب تزوجت من الشاب الثاني وعاملته بنفس الاسلوب واعتاد على انها تدلعه وتدللـــه على اساس ان اصابع يدها مو سوى والرجال مو واحد
لكن ماصار حمل لكنه صار اردى من الأول وتقابلو وصارت خناقة بينهم ب بسبب مسجات زوجها الأول الي كانت تتجاهلها وغيرت رقمها اكثر من مره ويجيبه ماادري كيف وقالت له اتركني في حالي ماني زوجتك الحين خلاص
واتهمها بالخيانه وطلقها :frown::frown: كان بجد اردى من الأول بالتصرفات ....
وماعطاها أي فرصة تتكلم او تفسر السبب ثلاث شهور بس عاشت معه
تزوج من وحده ثانيه بعد طلاق بنت عمي وزوجته الجديده ماطول معها وطلقها مدري ايش السبب وبعد الطلاق
كان زوجها الأول يتصل فيه يقول لها خلاص تطلقتي جهزي نفسك عشان ترجعين لي
وبعد سنه كامله تقدم لها شاب وفكرت كثير وبالتالي قبلت في الثالث وصار عنها خوف انها تدللـه او تدلعه
بسبب الي صار لها من طليقها الأول والثاني ، وصارت تعامله عادي وبشكل طبيعي وماكانت تدلعه الا شي بسيط
لكن زوجها الأول لازال يتصل عليها ويزعجها ، وبالتالي رد عليه وخلاه يتوقف عن هذا الشيء ولا بتتحول لقضية كبيره
وصار لها سند وعاشت معه ماشاء الله تبارك الله فترة ثلاث سنين وعندها ولد وبنوته صغيره ومع الأيام اكتشفت انه انسان يستحق الدلال وشاريها وللآن تدللـــه زي ماكانت تدلل طليقها الأول والثاني واحسن ...
الناس تلومها انها السبب لأنها انفصلت مرتين
ومازالت فيه حساسيات بسبب طلاقها الاول والثاني من زوجها الحالي والناس
وهل الرجال فعلا مايستحقون الدلال ؟
ومين الغلطان في نظركم ؟ وماهي المعامله الي تصلح للزوج ؟
33
15K
هذا الموضوع مغلق.
على قولتهم تمسك العصايه مع النص لاتشد ولاترخي
اي انسان اذا تلصقتي فيه زياده عن اللزوم بيمل ويطفش منك
واذا بعدتي عنه ينفر منك
الله يسعد البنات جميع
اي انسان اذا تلصقتي فيه زياده عن اللزوم بيمل ويطفش منك
واذا بعدتي عنه ينفر منك
الله يسعد البنات جميع
انا اقول قسمه ونصيب
وهذا طبعها فيها خير وقلبها طيب
وهم قلوبهم غير
ولو انها مو تنحب ماكان الاول لساته يجري وراها
وهذا طبعها فيها خير وقلبها طيب
وهم قلوبهم غير
ولو انها مو تنحب ماكان الاول لساته يجري وراها
ممكن اسالك سؤال
ازواجها الثاني والثالث كيف ظروفهم؟
يعني متزوجين قبل؟ مطلقين ؟ عندهم عيال؟
وظايفهم زينه؟
فيهم عيوب زي الدخان والعمر وغيره
ياليت تجاوبين
والله يوفقها ويوفقك يارب
ازواجها الثاني والثالث كيف ظروفهم؟
يعني متزوجين قبل؟ مطلقين ؟ عندهم عيال؟
وظايفهم زينه؟
فيهم عيوب زي الدخان والعمر وغيره
ياليت تجاوبين
والله يوفقها ويوفقك يارب
الصفحة الأخيرة
كل شي بالعقل حلو
حتى الرجال لماتدلعه زياده راح يحس انها خانقته
ومع الوقت راح يشوف ان هذا واجبها مو متفضله عليه