هو على حسب الزوجه ..
اذا بتتطلقين عشان تبحثين عن الشي الفاقدته حاجة جنسيه او ماتقدرين تعيشين بدون زوج وقتها تأمنين وضعهم لان ماراح احد يسمح انهم يعيشوا معك وانتي متزوجه ويمكن يكون اولهم الزوج نفسه .. يعني اذا متأكده ان زوجك يتعاطى ويسويي اشياء تجلب الضرر لهم لازم يكون معك تقرير او اي اثبات بحيث انك اذا تزوجتي يعيشون ع الاقل عند امك

واذا بتتطلقي وبتعيشي عند اهلك ف نصيحه خليك ببيت زوجك لان مهما سوو اهلك معهم راح يحسوا بالنقص وبيفقدون وجود ابوهم كثير .. انتي الحين تقولين بقدر اهم فيهم لان عمرهم صغير بس بعدين لما يدخلوا المدرسه !!راح تجي عليك دبل المسؤوليه . وب فترة المراهقه !! اللي عايشين حياة كو يسة واسره سعيده قليل ماينصدر منهم سلوك سيء فما بالك بوضعهم وصدقيني راح يحطوا اول سبب ف انحرافهم انفصالك عن ابوهم...

واللي تقول ليه الحرمه مهضوم حقها وليه لازم تضحي وهم بيكبرون وينسونها ..هي تبقى ام ولا ليه الجنه تحت اقدامها !! وليه لها ثلاث حقوق ..

مافينا ننكر اكيد عاطفة الام اكثر من الاب تجاه عيالها

وهنا تكمن اهمية السؤال عن الزوج قبل الزواج والوحده ماتحمل بسرعه لان الضحيه الاطفال لا الام ولا الاب..

برايي تستشيرين اخصائي نفسي للاطفال قبل تنفصلين .. وتعرفي كيف تتصرفي مع نفسياتهم .. بالاخير هم امانه عندنا

الموظفه والي راح يكونو عيالها معها لاتصبر مهي مضطره

اغلب الحريم يصبرون لان ماراح يلقون من يصرف عليهم وعلى عيالهم بعد الطلاق وابوهم لو ارسلهم فلوش شهر الشهر الثاني مايرسل البعيد عن العين بعيد عن القلب

امس انا قابلت وحده مطلقه معها ولد وبنت صغار البنت سبع شهور والولد سنتين ومن طلقها ماعطاها ريال لعياله

تقولي ابوي الي يصرف عليهم وهو يجمع لزواج متملك وبيعرس مافكر بعياله

وغير كذا الاطفال يكبرون منكسرين ويحسون بالنقص كل ماكبرو وفهمو. يعرفون ان هالبيت مو بيتهم بيت جدهم او خالهم مالهم كلمه بالبيت الي عايشين فيه مايملكون قرار ولايقدرون يتصرفون اي تصرف ولايغيرون ويعدلون بالبيت لان مو لهم يعني مافي خصوصيه ولافي أمان
مو زي بيت ابوهم يتصرفون بحريه اكبر

في اسباب كثيره بصراحه بس كل وحده ظروفها غير عن الثانيه انا اقول الي موظفه وتقدر تسكن مع عيالها ببيت مستقل حتى لو شقه في بيت اهلها لاتصبر على ظلم زوجها.

نقول للوحده تصبر عشان عيالها لان ياقلبي المحاكم عندنا مع الرجل الا من رحم ربي
يعني يصيرون مشتتين بينك انتي وابوهم ايام عندك وايام عنده وفكري بنفسيتهم وشلون وكل واحد منكم يشحنهم على كيفه

واذا على الاهل ياقلبي لاتفرحك كلمه اهلك حنا معك وماراح ينقصك شي لان الوالدين الله يطول بعمارهم ماهم دايمين لك والاخوان الزمن هذا كلن همه زوجته وعياله محد فاضي يضفك عنده

وحاجه ثانيه وش يضمنك لاعرستي الرجل يبي يقبل بعيالك وحتى ان قبل فيهم تضمنين انه يعاملهم زين ويحطهم مثل عياله

ياقلبي فكري زين بعيالك ولاتتساهلي الموضوع

ما قصرت دانة الدنيا كفت ووفت
و كمان إنتي قولتيها
انا مشتتة وخايفة ع عيالي كثيرر
لكن ..
ضعي ببالك
راح ترددي كلمة ضحيت بسعادتي علشانكم خصوصاً إذا ما إنصلح حاله
وراح تشعري بالقهر لأنك ضحيتي بسعادتك ، خصوصاً إذا كنتي من النوع
اللي يحب نفسه و يحب يحقق ذاته و يحب يسعدها
لأن للنفس حق و لازم نعطيها حقها
ومجتمعنا يعامل المطلقه و أولادها و كأنهم مجرمين
يعاملها كأنها المذنبه وهو المسكين
وأنتي مو مجبورة ترضخي علشان مجتمع أمي ما يفهم
وتعاشري ذكر مهما كان جبار وخاين

يعني يـا تكملي مشوار حياتك لكن بشرط ..
تغيري من شخصيتك وتعاملك معاه ككل
و ما عليك منه لأن المهم إنتي و أولادك
خليه أآآآخررر شيء المهم يصرف و يعطيك حقوقك بالكامل
يا تصري على طلب طلاقك وتتحملي نظرة اللي ما يرحمون
...
والله يسهل لك الخير حيث كان

اختي لا نعرف وش سبب طلاقك
لو سبب طلاقك منه مقنع لاتصبرين واطلبي الطلاق
اما اذا سبب الطلاق غير مقنع اصبري وتغاضي عن عيوب زوجك
مافي احد كامل
اذا ابوهم مو كفو تربيه كيف انجبتي منه اثنين ؟
وكيف طول الاربع سنوات عايشه معه وعندكم اولاد ؟؟
اجل مين يصرف عليكي انتي وابنك ؟
ولو مثل كلامك ابوهم مو كفو لهم
ليش الاطفال يحبون ابوهم ومتعلقين فيه ؟؟؟؟
الله يكتب لك الخير