بعد غياب عن قسم الجمال حبيت اطل عليكم بوصفات لحمام رائع جدا ويصلح للبنات والمتزوجات
يلا نبدأ مع بعض
اول شى الخلطة السحرية وذكرتها من قبل عبارة عن بطل( قنينة) ماء صحة صغير نحط فيه
جلسرين+ عصير ليمونة+ زيت اللوز+ وربع استكانه خل تفاح وشوية كركم(اختيارى)
أو
خلطة ثانية كانت كاتبتها عضوة كويتية ناسيه اسمها( خلطة صالون البيادر الله يجزاها الف خير )
عبارة عن
هردة
( طحينة)+روب+ صنفرة ( انا افضل رويال الخضراء ممتازة) + عصير ليمونة+ وحليب بودرة
تفرشين غرفتك بسماط على الارض وتحطين الخلطة عليك وبس تنشف تفركين جسمك ( انا اسويها مرة بالشهر) اما الوصفة الاولى الجلسرين واللوز والليمون اسويها قبل كل حمام
اختارى اللى يناسبك...............من الوصفتين
ونسوى خلطة للشعر عبارة عن علبة روب (زبادى) مع بيضة وزيت ذرة ونخليها ساعتين
أو
خلطة الحنة السوبر ( بيضة+ علبتين روب+ خل تفاح استكانة+ عصير ليمونة+ نص كوب زيت ذرة+ ونعجنها بالشاى ولازم نوع الحنة يكون ممتاز من النوع الطيب) ..............وعلى العموم الخلطتين ممتازين شوفى اللى يناسبك مع انى من عشاق الحنة
وبعدين
نكون محضرين بمنتجعك الخاص ( حمامك) منتجات رويال الجديدة
L’Oréal Body
Expertise
وخاصة الصنفرة اعطيها تقيم مليون على مية ممتازة وانصح الجميع فيها
دخلتى الحمام غسلتى شعرك وتحطين النوع المفضل عندك من الماسك ( انا افضل منتجات كرستاس او حمام زيت سيرفلكس بزيت الثور رائع جدا )
رفعى شعرك وخلى الماسك عليه نغسل جسمنا من الخلطة بشور جيل مفضل عندك ( انصح بسويس فورملا بالكولاجين رائع وديتول )
خلصتى الحين اخذى الصنفرة الخضراء العجيبة من لوريال وفركى جسمك فيها بحركات دائرية كل الجسم واسترخى غسلى جسمك وشعرك الحين انت خلصتى
شعرك وجسمك رائعين وريحة النظافة فواحة
تسوين الحين صنفرة للوجهه ( افضل سويس فورملا )
بعدها مررى ثلجة باردة على وجهك واسترخى ونحط ماسك للبشرة افضل روب مع عسل
لبسى روب الحمام ( البرنص) وروحى غرفتك وتكونين حاطه شموع بنوع المفضل عندك و استرخى وشربى اى نوع عصير مفضل عندك ولاتفكرين بأى شى وبعدها غسلى الماسك ومررى التونيك على بشرتك
الحين دور كريم الجسم
ذكرت لكم مجموعة لوريال الجديدة استخدميهم كلهم الجل المحارب للسيولايت وبعدين كريم
الجسم وبس ينشف نحط كريم الكولاجين من سويس فورملا او جونسن باللوز
وشوفى النعومة وبالاخير نرش شوية بودرة الوايت مسك من بودى شوب عجيبة مع الديودران والبدى سبرى
ونكون معطرين ثيابنا من قبل مانسوى حمامنا بالعطور والخلطات المفضلة عندك
خلصتى الحين حمام الهنا
ونصيحة لكل البنات اللى يشتكون من سواد ويطلبون لمعة للجسم وغيرها اقولكم النظافة والعناية اهم شى يعنى مو كل حمام حمام بمعنى اعطى نفسك وقت مرة بالاسبوع دللى نفسك واسترخى وشوفى النتيجة لاسواد ولا جفاف ولمعه حلوة ونصيحة استخدام الفوط اليومية والغسول الخاص للأماكن الحميمة
واى استفسار انا حاضرة
وهاذي لك
:26: :26: :26: