بسم الله الرحمن الرحيم
أمهات بنات ماكتبت معاناتي الا بعد مااستنفذت كل الطرق والمحاولات مع ولدي ياناس ولدي ماياكل ولا يشرب عمره سنتين ويشرب بالكثير90مل واذا اجتهد اجتهد شرب 120 لصار جوعان ومتقطع من الجوع حاولت معه بكل الطرق أصلا عندي قبله اثنين نفس المعاناة بس هو بلغ الرقم القياسي بانعدام الشهية وخفة الوزن جربت كل شي كل شي ومستعدة أؤلف كتاب بعنوان (كيف ترغبين طفلك بالطعام)لأن من جبت أخوانه قبله وأنا ابتكر وصفات ووسائل وطرق وخساير عشان ياكلون بعضها يصيب وبعضها يخيب لكن هالولد كل شي يخيب معه :44:مليت ياناس لو تشوفون وجهه جلد على عظم ياناس عطوني حل غير الصحون الملونة غير القصص أثناء الأكل غير تشغيل التلفزيون غير التهديد على طاري التهديد آخر شي هددت فيه وبدأ ياكل هو راس خروف العيد كنت عند أهلي وأقوله لو ماأكلت راح يجيك الخروف وفعلا لو رفض أخلي وحدة من خواتي تقوم كأنها بتجيب الخروف فيخاف وياكل لكن رجعت لبيتي ورجع عدم الأكل
نوعت وأبدعت بالأكل جربت كل شي بالسوق أحط السفرة وأحط له صحن وأضع فيه الأكل ويناظره ويلعب فيه ويكون مصيره الزبالة أتركه بدون أكل مافي فايدة الحليب أعطيه أول مايصحى وقبل ينام ويرب رقمين بالكثير 3 ودي ياكل عشان صحته ومصلحته عشان عظامه تقوى عشان يتقوى ضد الأمراض لأن اللي ماياكل يكون ضعيف عرضة للمرض وهذا اللي صاير معه وعلى فكرة من يوم عمره 4 شهور وهو بالغصب يشرب الحليب ويوم صار عمره 5 شهور بديت أعطيه الطعام المهروس ويرفضه والسيريلاك وكل شي مرفوض عطوني حل لأني تعبت :44:
منديلة @mndyl_1
عضوة مميزة
يلزم عليك تسجيل الدخول أولًا لكتابة تعليق.
الصفحة الأخيرة
فيه دكتور بالحبيب يقول الطفل من عمره سنه ونص
وشهيته معدومه عطوه مسيقور فاتح للشهيه
جربي اشتريه وعطيه
انا اعرف ناس اخذوه وصارو امهاتهم يتعبون من كثر مايسون لهم اكل
الله يحفضه ويخليه لك هو واخوانه