موقف صارلي بعيادة الأسنان بكاني :(//تم الرد

السلام عليكم ورحمة الله وبركاته
مدري من وين أبدأ بس انا متضايقة بمعنى الكلمة
اليوم صارلي موقف بعيادة الأسنان كسرني خلاني احس الدنيا سودا
تجيني حالات اضعف وارجع اقوى من جديد
بس اليوم مو قادرة انسى لأني انصددددددمت
طبعا انا عمري 19 سنة ببداية حياتي متفائلة كثير ماعمري وصلت لهاذي الحالة من الإحباط
قدّر ربي اني اصاب بمرض بالعظام وهو نادر يجي ل 2٪ من سكان الأرض
وقدر ربي اني اكون منهم والحمدلله على كل حال ..
حاليا عايشة حياتي طبيعية ومرتاحة لكن المرض هذا تطوره بطيء وكل مرة تفقدين نشاط من انشطة الحياة .. في حال عدم التدخل الجراحي
وانا اخاف يابنات اخخاف يجي اليوم اللي مااقدر اسوي فيه شي
مستوعبين كيف اعيش حياة صعبة
انا نفسياً تعبانة ومراح يحس بكلامي الا شخص مر بمعاناتي
تخيلوا تكونون تعيشون بسعادة وراحة ومبسوطين همي نفس هم البنات اللي بعمري
وفجأة بدون مقدمات يجيك مرض خطير ! وانتي بعز شبابك واحلى ايامك
ماابغى اتسخط ودايما اضحك وماقد اشتكيت بس احب لما الناس تقدّر شعوري حتى لو مايعرفون ايش فيني ..
المهم اللي صار اليوم اني رحت دكتورة الاسنان وكشفت ع اسناني قالت عندك تسوس ويبغالها شغل ..
قالت لي واسنانك هشة وضعيفة ليش ؟ قلتلها لأن عندي نقص كالسيوم
( انا بعد مااصبت بالمرض جاني نقص كالسيوم وفقر دم ونقص حديد والحمدلله ع كل شي )
قالت لازم تتعرضين للشمس
قلتلها ايوا اتعرّض دايما
بعد ماخلصت كل شي جلست ع الكرسي عشان نتفق ع المواعيد وايش باقي وايش خلّصت
ففتحت الملف حقي وشافت البيانات وراحت عند خانة الأمراض
وشافتني حاطة دائرة على فقر الدم وكاتبة عند خانة امراض اخرى : اسم مرض العظام اللي اعاني منه ، ونقص كالسيوم
قالتلي بتعاني من فقر دم ونقص كالسيوم وايش هذا الثالث ؟
قلتلها هذا مرض بالعظام اسمه كذا وواضح انها ماعرفته لأنها طالعت فيني مستغربة
وبعد استغرابها قالت عبارة طحنت قلبي تمنيت اموت ولااسمعها
قالت بلهجتها ( يصير هيك عندك فئر دم ونئس كالسيوم وهاد المرض حقك
وضحكت باستهزاء وقالت ماشاءالله انتي كل شي فيكي )
كأنها موية باردة كبوها على راسي
انا بنت عمري 19 ببداية حياتي تقولي كل الأمراض فيك
انا جبت الأمراض لنفسي ؟
كنت زيها بصحة وعافية ومبسوطة وبين يوم وليلة صحيت ابكي من عظامي وانقلب حالي فوق تحت
ليش ماحست بمشاعري وكيف مشاعر الشخص المريض اللي كان بنعمة وانسلبت منه
ليش ماقالتلي ع الاقل ربي يشفيكِ
ليش تقول كككذاااا ليششش ماتدري اني الحين ابكي من كلمتها
حسبي الله عليها وربي اقولها من ككل قلبي
نكدت علي يومي خلّتني احس اني فعلا انسانة ناقصة
طول ثلاث سنين وانا قوية وكبيرة بعيني وصابرة وماعمري شكيت لأحد ولا قلت
واليوم احس اني ولا شي
صرت اقول انا ليش عايشة اذا كل الامراض فيني
صرت اقول ايش استنى ؟ اليوم اللي مااتحرك فيه ولا اصير معوقة
حسبي الله عليها حسبي الله اللي استهانت بمشاعري واحساسي
وماحسّت قد ايش اي كلمة عن مرضي تأثر فيني
ماتدري كيف كل يوم اتعذب
ماتدري اني اتعالج بصعقات كهربائية واشياء كبيرة عشان عظامي
الله لايجيب اليوم اللي اتشمت فيه ع مخلوق ولااضيق خلقه مثل ماضيقت خلقي
حتى مواعيد اسناني مراح اروحلها مع اني دفعت مبلغ للجلسة الجاية
بس مو طايقة اشوفها وبعيش عمري كله ادعي ان ربي يصيبها مثل ماصابني
وبأمراضي نفسها عشان تحس باحساسي
لاتقولون لا تدعين .. انتوا ماتدرون كيف كنت متحمسة اروح العيادة
واسوي تنظيف وكنت مخططة للويكند ومتحمسة اني انجز اشياء كثيرة
بس من يوم ماطلعت من عندها وانا ابكي وابكي وابببككي دموعي ماوقفت
كانت نظراتها شماتة واسلوبها مستفز تقول بكل حقارة ( المرض حقك هذا )
اي قلب يتحمل كلام مثل كذا ؟ ليش ماحست ان الشخص اللي قدامها فعلاً مكسور
بالذات لو كان بصحة وفجأة حاله انقلب
بالذات لو كان ببداية عمره راعيني وراعي مشاعري كإنسانة
مدري ايش اقول بس .... الحمدلله اتمنى اعيش اربع سنوات او ثلاث وبعدين ربي ياخذ روحي قبل مااصير عالة ع احد
يمكن ماانكتب لي اعيش شبابي بالدنيا عشان اعيشه بالجنة
ربي يعوضني عن كل الامي ...