نسيت اقولك جيبي اكياس زباله كبيره واعطيهم كل غرفه كيسين واحد للملابس اللي مايستخدموها والثاني لباقي الاغراض الزايده
وجمعيهم اللي لساته نظيف ويصلح للاستعمال تصدقوبه وااباقي للزباله برا

ذكرتيني بامي اهلها بمنطقه ثانيه يعني بيت جدتي كبير وكله زوجات خوالي وخوالي بس محد له دخل فالبيت مع ان فيه شغالات لكن اهم شي طبخ وكنس وغسيل ملابس واللي بتروح لاهلها تاخذ شغالتها معها يعني محد له دخل فتنظيف الااسا سيايات ومحد يدري وش فالبيت ومافيه عاد امي تجيهم فالسنه مره بس ماترتاح تنقش البيت نقش تحت الغسالات تجيب فلاش وتغسله والمواعين الزايده ترميها والمستودع تشيل وترمي بدون ماتشاور احد لانهم اصلا مايدرون وش الخياس اللي فالبيت وامي لانها تطول عندهم تجلس كل الاجازه ماترتاح تفكك الستاير وتخلي الشغالات يغسلونها وتنفظ ام مجالسهم احنا ننققهر نقول لامي مالك دخل خليهم بخياسهم تقول لا ما ارتاح اجلس بمكان مو نظيف تخيلوو حريم خوالي 3 وكل وحده عندها شغاله لكن ماعمرهم قالولهم يالله تنظيف جماعي للبيت لا كل وحده تطبخ وتغسل لراعيتها فقط وباقي الوقت متكيات عالتلفزيون يعني الله يعينك انا اقول رتبي الغرفه اللي دايم متواجده فيها واصبغيها وغيري اثاثها عشان ترتاحين نفسيا ويمكن امك لا شافت التغيير تتحمس لباقي البيت

انا اقول بعد شيلي وارمي اذا صارت امك فالدوام ترى صدقيني من كثر الكركبه ماراح تفقد شي ولا راح تدري وش اللي نقص جمعي اكياس وارمي قد ماتقدرين وحده الله يستر عليها اول مره تعزمني واول مره اخش بيتها انصدمت من الفوضه اللي فيه حتى قسم بالله لاعت كبدي من القهوه والشاهي مالي نفس فيهم لان اذا صار البيت وسخ احس كل حاجه فيه وسخه ماتحمل اجلس فمكان كله كراكيب وبطانيات واكياس زبايل وسياكل مكسره ودفايات خربانه

نصيحه ابدي شوي شوي
انا بديت لحالي وكنت اجمع خواتي الصغار واعطيهم مكفأه لما نخلص واشجعهم واقلهم احتسبوا لله وعشان بيتنا ينظف واسولف واشتغل معهم واشجعهم
طبعاً كنا نقسم الاسبوع بعد كل فتره ننظف شي معين لما خلاص هم واخواتي صاروا معاي ينظفون كل المخازن ونرمي كل اللي مو محتاجينه
والحمدلله وقتها خلصنا من التنظيف
بديت بعد بالترتيب
جبت عمال انا واخوي وحجزنا صبغ وديكور ودفعت وقتها الف عربون
وثاني يوم جبت عمال وحطيتهم امام الامر الواقع يلاا قطو باقي المبلغ
طبعاً امي وابوي رافضين وزعلانين مني بس لما بدى العمال يشتغلون والديكور عجبهم والصبغ كذالك سكتو
ورحت جبت عمتي وقلت لها الموضوع وابيها تشجعهم طبعا ماقصرت مع ابوي وامي وحبه حبه لما اللحين تغير البيت180%درجه الكل انصدم من الديكورات والثريات والاثاث
وطبعاً كانت فيه حكمه اقولها لخواتي عشان مايتحطمون لما يوقف مبلغ ماعندنا
كنت اقولهم
القصر ماينبني بيوم وليله>>اقصد حبه حبه
الحمدلله كل شي تغير
وبعدها تزوجت الحمدلله كل مااروح بيت اهلي واشوف شلون تغيروا احمدلله اني انجزت شي لهم وهذا حقهم علي

الله يسعدكم ماقصرتو والله بدأت اشيل واجمع بأكياس قبل اسبوع جالسين بالصاله وامي ع الجوال واطلع الكراكب كان نص الليل بس من القهر مومرتاحه

ماعندي خوات متزوجات كلهم صغار وحده ثانوي ووحده متوسط وحده جامعه اول
اما الأولاد شايلين يدهم.مننا كل واحد نفسي يجي الواحد بكراكبه يقطع ويسوي ويطلع ولا يكلف نفسو ينظف ولاياكل ويرمي الصحن واحنا نشيل عند زوجاتهم اتحدى كذا بسوو الله يصبرنا ويعيننا