أم الحلوين
الراغبه في الجنه

مشكورين والله يجزاكم خير ويوفقكم

......................

هل من زياده؟؟؟؟؟؟؟

الله يوفقها ويسعدهاا اولا وخواتي السابقات ماقصرواا كفوو ووفوو ..

وبقول شي اهم شي تحب اهل زوجها لانهاا اذا تبي تكسب زوجهاا تكسب اهله اولا والله يتمم عليهاا بكل خيرر..

وادعيلي الله يسهل ولادتي

اهم شي بعد زود على كلام البنات لاتدخل معهم مرة بقوة ولا تبعد يعني رسمية مع شويه سواليف يعني تمسك الحبل من الوسط لاتشد ولاترخي
يمكن تمون عليهم بزيادة وتاخذ وتعطي وتسولف بكل شي وتتدخل فيهم بحسن نيه ويمكن لا سمح الله ينقلبون عليها ولا يصير سوء تفاهم وتصير مشاكل احسن شي الرسمية بحدود والله يوفقه

الله الله بالاحترام والتقدير لاهل الزوج قدمي خدماتك لهم
بالنسبة للخالة الهدية والضحكة والدعوة والكلمة الحلوة تكسبينهم فيها
اطبعي لمساتك وغيري من حياتهم للافضل
خلي يكون لك دور
ومكانه عندهم
خلي شخصيتك قوية ومؤثرة وواثقة من نفسك
مثلا /
جتهم مناسبة
لاتقولين تعب على وليش اكرف وغيري لا
اضغطي على نفسك وسوي كل شي ان قدرتي
بتتعبين يوم بس والله
ان يكون لك مكانه واحترام وتقدير مهوب بس عند الام والبنات عند كل الحمايل
يعني اذا جتهم عزيمة وشفتيهم محتاسين او يفكرون وش يحطون
لاتقولين جيبو من برا
قولي انا ازين الحلا وازين الفطاير وازين وازين
واذا قالو تعب قولي لا لاتعب ولا شي اهم شي نحط شي يواجة
ومن اول عزيمة اذا سويتي كل شي
اعرفي بعدين انهم راح يشاورونك بكل شي حتى بالقهوة
دايمخليك المبدعة بالحركات والطبخات والشي الجديد الغريب
ام زوجك
ام زوجك
امراءة كبيرة لها خبرة في الحياة اكثر منك
لاتنسي ان تشاوريها
حتى لو كنت تعرفين كيف تتصرفين
فالمشاورة يحسس الام (الخالة) بانها مازالت هي الاولى وهي الكل بالكل
اذا نويتي تطلعين
من الادب تقولين لخالتك بطلع بروح للمكان الفلاني توصين شي
واحيانا قولي لها ولزمي عليها تروح معكم
لانها شينه ما تدري عنك الا وانت لابسة عبايتك حتى مع السلامة ماتقولينها
ولاهوب زين انك ماتعلميها وين بتروحين
لان ولدها بيعلمها
فاكسبيها حسنة في صفك وقولي لها ازين لك
امدحيها الحرمة بشكل عام تحب الثناء
فمابالك اذا كانت حرمة كبيرة
امدحيها باللي تشوفينه منها اكيد له حسنات واخلاقيات حلوة
بصراحة النصايح كثير
بس بحاول اختصر
خواته وعماته وجماعته
خليك انتي صاحبة المبادرة الاولى
سلمي عليهم شاركيهم احزانهم وافراحهم
عودي زوجك يصل قرابته ذكريه فيهم
خلي علاقتك باهله وجماعته حلوة
اذا حبوك الجماعة يبدون يمدحونك عند اهل زوجك وحتى الرجال من جماعة زوجك راح يمدحونك ويحبونك
لانهم سمعوا من اهلهم اخلاقك العالية
خليك مميزة بالتعامل الراقي ودماثة الاخلاق
علشان يكون اسمك مميز عندهم
وبتعرفين قدر كلامي اذا طبقتيه
خوات زوجك اذا مدحهم لاتغارين شاركيه في مدحهم وبعدين غيري السالفة
اذاكلم احد يبي زوجك من اهلة على طول خليه يكلمهم وانت ((اطلعي برا) تطلعين بكرامتك احسن مايقولك اطلعي
ولاتسألينه وش ((يبون) لانها لقافة
عودي زوجك كلمة (سري وليس للنشر)
مثلا كلمتك امك اواحد اخوانك وقال لك وش يبون قولي سري وليس للنشر يعني ماودي اعلمك او بلا لقافة بس باسلوب مؤدب ماراح يزعل لانه راح يقولها لك ولاتزعلين
لاتحاولين تقصصين اخبارة السابقة وتنشبين بحلقة وتزعلين على اشياء ماضية
حسسي زوجك انك وبصدق ترحمين خالتك اللي هي امة وتحبين خواته وامدحيهم عندة
لاتجيبين طاري امك بكثرة او اهلك عند زوجك او اهله لانهم مع الحياة مايحبونهم يغارون منهم
لاتناقضين خالتك في الاراء
هي عندها راي ومتمسكة فيه
مو لازم تقنعينها برايك
ولاتذمين رايها حتى لو كان خطا
جاريها بالموضوع بالبداية ان اقتنعت برايك والا غيري السالفة
نصيحة شغالة اهلك لاتشوف شغالة اهل زوجك
تصدقين يوم زواج اخو زوجي جت شغالة اهل العروس وعلمت شغالة اهل المعرس عن كل شي
وعلمتها ان العروس شالت حلاوة حتى في ذيك المنطقة
بصراحة ما ادري شلون درت هالجنية
اتمنى اكون افدتك

الله يوفقها


واهم شي

خل ترص لها كم جلال محترمين الوانهم غامقه وساتره

والجلابيات تكثر منها


وخل تحط ببالها كم طبخه سنعه يعين حلويات وكبسه ومرقوق وجريش الحلويات عشان خواته وحريم اخوانه والاشياء الشعبيه عشان امه وابوه


هذولي بس تحتاجهم اول الزواج لانها اذا سوتهم الو شي بيقولون والله طباخه << تعرفين الانطباع الاول

يعني لو تسويهن بس مره بيقولون اي هذا الحلى اللي سوته فلانه والا هذاك الجريش

والله يوفقها