السلام عليكم ورحمة الله ..
صباح الخير لاحلى حواامل بكل الشهور ..:26:
الله يسهل ايام حملكم وتعدي على خير ..
اول مره اكتب موضوع لأني مريت بتجربه قاسيه وحبيت تشاركوني فيها
ممكن تستفيدو من بعض التفاصيل ..
اللي رايقه تقرا لأني احب التفاصيل وكتبت كل شيء
في يوم 17-2 يوم الاثنين
كان عندي موعد حمل عادي وكنت باليوم العشرين من الشهر التاسع وبكريه
وجنيني كان حجمه زين 3 كيلو و 300 بس بالنسبه للمتعارف عليه بعايلتنا المصغره
كبير فخفت من كلام الماما وخواتي خصوصا اني بكريه وانواع الهواجيس بتتعسر ولادتي
بيولدوني قيصري ,, ياويلي بنج كامل يمكن اموت ... الخ
فقلت للدكتوره ابي اعرف قياس الحوض مناسب للجنين احتياط من الان قبل الولاده
قالت لاااااااا :mad: ( انواع الكسل) باقي لك اسبوعين على الموعد نقيسه لك بعدين
وانا اهوجس مع نفسي يمكن اولد اليوم .. وطلع احساسي بمحله
يوم رجعت للبيت شايله هم وحزن كبير لأن كنت ابي اولد بسرعه طفشت اولا ومابي حجم
الجنين يزيد اكثر ثانيا وظروف اخرى ثالثا فطوووول اليوم محزنه وسرحانه :(
بالليل قلت خليني ادخل اتصفح المنتدى اسلي نفسي شوي وانسدح واشغل اللاب توب ضرب
اللاب توب اعلى بطني خفيف مو ذيك الضربه ما اهتميت كملت تصفح توي اقول ياهادي
مابعد قريت شي الا احس شي نزل دفعه من السائل مو كثيره ...بس اول مره تمر علي
قلت معقوله هذي افرازات وش هذااا ؟؟؟ :confused:
واقمز من السرير ابشوف وش السالفه وبس وقفت الا تششششششش تنزل هذيك السوائل
اللي ياما قريت عنها بالمنتدى كثيررررررررر مو راضي يوقف تسمرت بمكاني
مدري افرح اخاف استغرب كل انواع الاحاسيس مرت علي
وانادي على امي .. تعااااالي نزلت مني مويااات كثيره
قالت :eek: ولاااااااااده
انا :o
هذا 12 بالليل
يالله بسرعه بسرعه واروح اغير ملابسي واخذ شنطتي كويس اني مجهزتها ونروح
للمستشفى والمويات مستمره بالمستشفى كل ماقمت تنزل واذا جلست تروح حاله متعبه
سوت لي كشف قالت مفتوح الرحم 2 سانتي .. طبعا مايحتاج اقول الكشف انواع العذاب
دخلت حديده طويله مثل المقص وانفتح داخل للقياس صراخي وصل برا المستشفى
ويدخلوني للغرف فوق انتظارا للمصير المحتوم
وتحط لي الممرضه التخطيط تبع النبض والطلق .. ولافادة البكريات امثالي
فيه رقمين رقم بالاخضر تبع الطلق ورقم بالاحمر نبض البيبي
بدايتا كان الطلق شوي شوي يزيد بالثلاثينات الخمسينات وصل مره فوق الثمانين
جت الممرضه قالت فيه طلق كويس ماشاء الله هي راحت من هنا الطلق بررررررد
من هنا صار يوصل للصفر وحددده 30 بعدين جو 6 نساء مدري وش هم من لحيه
بس جت وحده فيهم الدكتوره وكشفت مره ثانيه على مرأى من الباقين .. ياليل العذاب
وقالت ودوها غرفة الولاده الساعه 12 الظهر ووقت الكشف كان 7 صباحا
انا فرحت قلت معقوله بهالسرعه بولد افكر بسس ينقلوني هناك بولد ههههههههههه ياحليلي
وعلى فكره ما اكلت اي شي يحمي الطلق ولا شربت شي ولامشيت بعد الا مرتين وحده منهم
قبل الولاده بيوم بس هلكت نفسي ..
نرجع لمحور حديثنا
وانتظر لحد الساعه 12 بهالفتره اكلت تمر لعل وعسى يساعد بشي ولما قرب الموعد جت
الممرضه واعطتنا الحقنه الشرجيه وبعدها يالله على غرفة الولاده
غرفه كبيره فيها سرير للبيبي وللام ودورة مياه
وتحط لي التخطيط ومغذي انا شفت المغذي خفت قلت وش ذا طلق صناعي قالت لا
اشوىىى على بالي خوفوني منه بنات المنتدى وما الومهم واجلس تقريبا ساعتين والطلق
بارد ماحما .. نفذ صبرهم وركبت لي الطلق الصناعي .. جاك الموت ياتارك الصلاه
بدايتا طلق بارد فترررره قلت اشوى بس كذا ماعليه بعد ساعه يمكن يبتدي الشغل الجد
يجي طلق يطييييييرك فووووووووووووق ويرجعك شي عذاب الم لايطاق مدري هو بظهري
هو ببطني هو بكل مكان مقدر اثبت بس اتنافض واتحرك يمين يسار فوق تحت اخذ الاكسجين
واشفط منه افكره يقلل الالم ضاحكه علي وانا مصدقه طلع هاللي اشفطه طووول الطلق
الصناعي تقريبا اكسجين علشان تنفس الجنين وقت الطلق ..
وماعطتني انبوبة الشفط حقت الالم الا اخررررررر شي ريحتها تحوم الكبد ومالها ذاك
التأثير من القهرررر حذفتها ودفيت الجهاز :mad:
طلق صناعي من العصر الى 10 بالليل وانا اتقلب بالجحيم كأني على جمر والمشكله اذا
تحركت وقت الطلقه خانقوني اثبتي ما اقدر ياعالم ياهوه
لاااا ومن زود الاحساس واخلاق التمريض العاليه في قمة المي ومعاناتي الممرضه جايبه
ممرضه ثانيه وجالسين يتفرجون على صور زواج وحده منهم وانواع التعليقات والضحك :crap:
والله بغيت ادعي عليهم بس تعوذت من ابليس مافيهم احساس
حسبي الله على ابليسكم واسوني سوو لي تدليك شي
10 ساعات وانا مابين الم ومغذي وطلق صناعي وابرة مضاد علشان فقدت اغلب السائل حق
الجنين وكمامة اكسجين وكمامه مخفف الم مثل قلتها انواع التمديدات
قعدت ابكي بكااااااا واصرخ صرااااااااخ كل انواع الدكاتره مرو علي طولت بالولاده مررره
ابكي ولدوني بقيصريه اناعارفه ما راح اقد ر طبيعي الله يخليكم
طيب عطوني ابرة ظهر يقولون ماعندنا ولاعمرنا عطينا احد ويزيد الهم
تكفون اي نوع مخدر كذا والله ماراح اقدر اولد اي شي مسكن اترجاهم ترجي وابكي وادق
على زوجي وادق على امي ويكلمون المدير حق المستشفى قلت لهم ابي قيصريه مو راضين
كلمو المدير وانواع الاتصالات وانا بغرفة الولاده اكلمهم تجي الطلقه ارمي الجوال
وخذ يا صيااااااااااح يهز المستشفى هز
الاتصالات ماجابت نتيجه يقولون الوضع يتحسن وين يتحسن 12 ساعه من جيت للاسعاف
وهو 3 سانتي مازاد
وبعد 3 ساعات زاد صار 5 سانتي على صلاة العشا ماصدقتها اقول بنفسي كذابه تبيني ما
اقول قيصريه .. بس طلع صدق الحمد الله مابغا يزيد
بس مت موووت تكفوووون ابي مسكن تقول ماينفع لانك اذا طلقتي ينخفض نبض الجنين
مانقدر نعطيك مسكن وانا مصره قلت عطيني وتشوفين شلون
بعد معاناه والم مايعلم فيه الا الله عطتني ابرة عضل مسكنه بعدها بنص ساعه حسيت لساني
ثقيل واهذي كل شي بقلبي يطلع غصب من المخدر والحمد لله خف الالم نوعا ما وتخدرت
صرت مثل النايمه واذا جت الطلقه اصحا اصيييييييييح وارجع اتخدر ووسط التخدير شفت
الدكتوره تكشف اول مره ما اقاوم قالت وصل ل 9 ماباقي شي فرحت
وتجي طلوق عجيبه قووووووويه واحس تحجير من تحت شي متحجر مررررررررره
وكل ماتجي طلقه صياااااااح ولاده ولاده سستر دكتوره ليه مخليني لحالي حرام عليكم
انواع الهذيان بس هم فعلا يتركوني ويرجعون لاني طولت مررره والله خفت اولد لحالي
من غير توسعه حسبي الله على ابليسهم باخر اللحظات يروحون ويجون وانا على الالم
خوووف ووسواس
وتجي ذيك الطلوق القويه والممرضه تشد رجلي تساعدني لما قرب الراس قالت ولاده يالله
حطي رجولك واذا جت طلقه ادفعي وطلقات ناااااار وكل مره ادفع وتجي طلقه الراس :icon810:
يااااااااااااااااااااااااالله طلعت صرخه مدري من وين ما اتوقع انا ولاهذا صوتي صرخه
متوااااصصله وهي يالله ممتازه ايوه باقي الجسم يالله ادفعي وطلقه ثانيه ويطلع
حبيب قلبي اللي تعبني وحطوه على بطني وتمقلت فيه زيييين علشان مايبدلونه
وابتسم ابتسامه الانتصااااااار واغفي والله حسيت اني مسويه انجاز عظيم ماتوقعت اني اقدر
اولد طبيعي طول حملي وانا اقول حاسه اني قيصريه ..
واللي يقول المشيمه ولاده ثانيه ماعنده ماعند جدتي تقولك كحي وهي تطلع لحالها وانتي
تضحكين .. وبعد الخياطه ماتحسين لأنك مبنجه بس اذا فك البنج حدث ولا حرج
كل انواع الدكتورات جو عندي وكل السسترات
ومابقا احد ما جا كل الدنيا ولدوا الا انا لدرجه انهم كلهم فرحو من قلب اني خلصت لأني
غثيتهم بالقيصريه والمسكن والازعاج والصياح
الدكتوره قالت زغرطي يالله ولدتي خخخخخ لا وانا مطاوعتها من التخدير اللي فيني
وانتهت الولاده على خير الساعه 10 مساء ..
بنات نصيحه كلو واشربو كل شي يجيب الطلق او يفتح الرحم
لاني تحسفت اني ما اخذت محرضات ولا مشيت كفايه بس اللي ما اؤيده الخروع
لانه مسهل قوي ممكن البيبي يطلع فضلات برحمك وهذا خطر عليه وعليك
وفيه طريقه انك ترعصي الثدي ليما يطلع سائل سويتها مرتين بس
يقولون تحرض الولاده
الله يسهل على الباقين كلهم ويولدوا بالسلامه
لاتخافون يا بكريات احسن انكم تعرفون الحقيقه وتستعدون نفسيا
بدل ما احد يطمنكم وتنصدمون بالواقع خلوها تحدي وانسو الخوف وتوكلو على رب العباد
قبل كل شي ..
مشــاااعر :king:
macha3er @macha3er
عضوة جديدة
يلزم عليك تسجيل الدخول أولًا لكتابة تعليق.
الحمدلله على سلامتج وسلامه البيبي
يتربى في عزكم يارب
والله يجعله من الابناء البارين يارب
يتربى في عزكم يارب
والله يجعله من الابناء البارين يارب
والله اني اقرى موضوعك وقلبي يقرقع خايفه من الحين ....ان شاءالله مااتعب يارب تسهل علي ولادتي
الصفحة الأخيرة
عقبالي يارب