صباحكم خير ونوم ( نمت ساعه ومن القروشه والتفكير بالخلطه جيت لكم مطفيه النوور اعلمكم مايدور في جنبات مخيخي
--
المهم ما اطول عليكم يا بنات انا من فتره موسوسة خلطات افتش وادور الاجود والاروع والافتح .. ولا عندي جرائه على الكريمات اخاف تنقلب علي وانتكسس
فـ ياطويلات العمر هذا سلمكم الله وانا اتسعسع واطيح بخلطة وحده الله يجزاها خير بمنتدى ثاني كانت تبيعها وعرضتها لوجهه الله على الملاء
وهي كالتالي
==
طبعا منتجي كريم البيبي فيس "خلطه كويتيه" للويه مو الكريم الفلبيني الممنوع!
بس انا سميته البيبي فيس لانه نتايجه عجيبه .. بنات انصحكم فيه ( بحط المكونات والطريقة بين ايدكم مابي احتكر الكريم !! )
اول شي بذكرلكم الفوائد باختصار:
يغذي البشره يوحد لونها يرد لونها الطبيعي يعالج حب الشباب يحمي من الاشعة الضاره يقبض المسامات يزيل الهالات السود
السواد الي تحت العين ويتفخ الويه تفخه طبيعية و مرطب قوي للبشره ويحارب التجاعيد ويشد البشره ويخلي الخدود ورديه ونضارة واشراقه ) والنتيجه تبين باول 4 ايام وانا ما استغني عنه بصراحه
وهذي المكونات وراح تعرفون ليش كل هالفوائد الي فيه:
( الزيوت لازم تكون اصلية ونقية !! لا تخلطون اي زيت ولا اي زبده! )
1- زبدة كاكاو خام
2- زبدة الشيا الخام
3-زيت الجزر
4-زيت الشاي الاخضر
5-زيت بذر الكتان
6-زيت الورد
7-زيت جنين القمح
8-زيت السمسم
9-زيت اللوز الحلو
10-زيت الليمون
11- زيت الحلبه
12-زيت حبة البركه
13- زيت الزيتون
14- زيت الجوجوبا
15- زيت البرتقال
16- زيت زهرة الربيع
17- فيتامين E سائل
18 - فيتامين A سائل
المكونات طبيعية 100% وما خلطنا معاها اي شي ثاني
الطريقة:
نخلط جميع المكونات بزبدة الكاكاو والشيا بعد التذويب ونضيف الزيوت بكميات متساويه بمقدار 60 مللي
طبعا الكمية راح تكون كبيره وايد فانتوا وزعوا منها على اهلكم والي تعرفونهم عشان يدعونلكم بالخير
والي تبي كميه على قدها تقلل المقادير وتحسبها عدل ( النتايج خياليه ما اعتقد في كريم او خلطه فيهم كل هالزيوت وفوائدها للبشره ) بس ضروري تكون الزيوت طبيعيه واصليه!!!!! ولا ترى ماكو فايده
===
فــ انا مسكت التلفون ودقيت ع العطار
الو : العطار <- اجل المكوجي
هو : اي نعم
انا : ابسألك عن زيوت عندك
هو : تفضلي
( الا تقطع مخيلتي امي وتقوليييي ماغير تتصلين تتصلين وتخربطين بهالخلطات ليييين تمرضين )
هههههههههههههههههههههههههههه ماذا دهاكي يا اماه هذي وهي زيوت كلتني بقشوري اجل لو تشوف الكرتوزون والي مسويه بخشش البنات
هو : ايوه يا اختي اسألي مالك ( اليماني طق مني كل يومين وانا ادق واسأل ولا اروح ) <- اجل ليش تسألين
انا : طيب طيب شوف زيت كذا كذا فيه
هو : فيه
انا : زيت كذا كذا فيه ؟
هو ايوه فيه
... الخ لييييين عند زيت فيتامين A
وزيت زهرة الربيع قالي مافي :(
==
انا عجبتني الخلطه احسها مغذيه للبشره وتوحد وقلت اعلم الحوائيات عشان يستفيدوون
انتم وش رأئيكم ووين ظنكم القاي زيت فيتامين A
وزيت زهرة الربيع او احد مر عليه هالزيتين يخبرني تتوقعون بالصيدليه القاه ؟
وسلامتكم ودعواتكم تتغير بشرتي ويرزقني الله بالزوج الصالح وجميع بنات المسلمين
وماتناسب البشره الدهنيه هذي على طووووول زيوان وحب شباب ودهن يصب صب من البشره
وجهة نظر