غيورة ومغرورة @ghyor_omghror

عضوة فعالة

تتعبين وانتي تكورين خلية النحل جربي الخلية الكذابة اسهل والذ وتوفر عليك الوقت ..

السلام عليكم ..

جبت لكم طريقة خلية النحل الكذابة ..

كلمة روعه قليلة فيها .. واسهل بكثير والذ .

وبلاش من التكويـــــــــــــر ..

يالله نبدا الطريقة ..

عجنت عجينتي المعتادة والمعتمدة في كل معجناتي واللي الكل يسألني عنها .

المقادير :

كاسة موية دافية صبيه في الوعاء وحطي عليه 3 ملاعق حليب بودرة وذرة ملح

وفنجان قهوة سكر وبيالة الا ربع زيت وملعقة طعام خميرة

غطيها خمس دقايق وارجعي افتحيها واعجنيها بالدقيق ( الكويت ) والللي راح يكون كاستين ونص او شوي

الكاسة الاولى كلها كبيها الباقية تدريجي وانتي تعجنين لحد ماتصير عندك عجينة متماسكة وطرية .

اتركيها تخمر من نصف ساعة الى ساعة .

نجي للخلية

هاتي العجينة واقسميها قسمين

وجيبي صينية مربعة تيفال وافردي القسم الاول ياخذ شكل الصينية

ارفعيه على جنب عشان يكون الطبقة الفوقانية وهاتي الثاني وافرديه

وجيبي الكيري الجرة او 6 مربعات ساايحة حتى يسهل عليك المسح ..

وامسحي العجينة غطيها بالكامل وهاتي العسل وامسحي على خفيف

لاتكثرين لان راح يكون فيه شيرة ..

وغطيها بالطبقة اللي مفرودة من قبل وقفليها مع الاطراف بالضغط حتى تتماسك

وامسحي الوجه بصفار بيضة وحبة سسودا رش

ودخليها الفرن من تحت ومن فوق مع بعض على نار متوسطة
واذا طلعتيها قطعيها مربعات صغيرة وسقيها شيرة .

وبالعاااااااااااافية على قلوبكم ياحلوات

اذا اعجبتك الطريقة لاتنسين اللي بالي بالك ..

:) شكرا لك ...

يلزم عليك تسجيل الدخول أولًا لكتابة تعليق.

تسجيل دخول

نبض سوسو • 13 سنة

يسلموووووووووووووووووووووو

أم فارس الحلو • 13 سنة

مشكوره يالغاليه
جاري تطبيقها بإذن الله:cook:

اسيرته لحاله • 13 سنة

الله يعطيـ ـڪم العافيـ ـﮧ
ماشا الله تبارك الله

باسم حياتي • 13 سنة

شووووكرا ==========================

ياكرهي للتكوير مايضبط معي ----------

فكرتك سهله وحلوه ======

ام الدب1 • 13 سنة

يسلمووووو ياعسل