صباح الفل يا بنااااااااااات
فين باقى الجدات والبنات والوصفات؟
عموما انا اليوم باذن الرحمن هنزل لكم الوصفات انا اجازه وفاضيه لكم
بس اروح مشوار وارجع هواااااااااااااا

صباح النور

من اكل الجدات في البرغل اذا بيهمك الامر

ايوه يا اوركيديا
طبعا يهمنى

انتى فين انا قلت انتى من مؤسسى الصفحه بحبك للخير ومساعده الناس

ما تنسيناش بقى يا قلبى

وناااااااااااااااااانى انتى فين يا نانى

طيب
عقبال البنات والجدات والمدمات والانسات والنائمات والصاحيات والمحتاسات ما ييجوا

انزل انا حاجات تنفع للعيد من كتاب جدتى

حساء راس الخروف
المواد: راس خروف - بصله - ملح - فلفل - سمن - راس ثوم - ملعقتان من الخل الجيد

الطريقه: ينظف الراس جيدا ويغمر فى الماء ويوضع على النار وحين يوشك على الغليان يكشط الريم ويضاف قليل من الملح والبصله ويترك على النار حتى ينضج تماما ويفصل اللحم عن العظم ثم يصفى المرق ويوضع فى حله يقشر الثوم ويدق او بفرم رفيعا ويحمر فى السمن ثم يضاف اليه الخل ويضاف الجميع الى الحساء ثم يوضع فيه قليل من الارز المسلوق ويقدم فى سلطانيه اما الراس فيقدم مزخرفا بعيدان البقدونس

الوصفه دى مجربه مئات المرات يا بنات والى الان تعمل فى بيوت العائله كلها

حساء الحمص
المواد: ربع اقه حمص ناشف (حوالى كوب) - كمون - لتر ماء - ملح - فلفل - سمن - بصله متوسطه

الطريقه: ينقع الحمص فى ماء بارد طول الليل يسيح السمن وتخرط البصله وتحمر فيه حتى يصفر لونها ثم يضاف الماء ويترك حتى يغلى
يضاف الحمص الى المرق ويستمر فوق النار حتى ينضج تماما يمرر فى منخل سلك ويعاد الى الحله ويملح ويترك ليغلى ثانيه ويقدم يمكن استبدال الحمص بالبسله الناشفه

دى برضه بنعملها فى بيتنا ماما بتضيف فص توم واحد وشوربه لحم وساعات تضع خضار زى جزر او طماطم وبتبقى روعه خصوصا فى العزومات وايام البررررررد