الأريج :

عزيزتي مستحيل الحنة ما تصبغ أنا أستخدمها مع الزيوت ومع ذلك تصبغ وأنا جتني فترات أسويها أكثر من مرة بالأسبوع لكني على الأقل مرة بالشهر وإذا تبين تسوينها حطي معها أي اعشاب متوفرة عندج مثل الحلبة والسدر والريحان واكليل الجبل ومريمية وانا احط سبع ملاعق حنا + ملعقة من كل عشبة ومرات أطبخ الأعشاب نفسها بماي واحط معها قهوة وشاي (يعني بدون ما أضيفها مباشرة للحنا) واخليها تغلي وبعدين أصفيها وأعجنها بالحنا وأخليها تتخمر يوم كامل يعني حسب المزاج وطبعاً في الأخير قبل ما أحطها عالشعر أضيفلها بيض وروب وزيوت وعصير ليمونة ... مرات أضيف الليمون قبل ومرات أضيفه في الأخير وأحياناً أستبدل الليمون بالخل يعني شوفي شو المتوفر عندج وحطيه ... لأنه مرات يكون ناقص عندي شي لكن أكتفي بالموجود وحطيها بالشعر وخليها تقريباً 3 ساعات وكلما كان أكثر .. كان أفضل لكني مرات اخليها أقل يعني ساعتين حسب الظروف ... ومع ذلك مفعولها رائع والحمدلله شعري غلط وطول وامتلت الفراغات وصارت فيه لمعة حلوة ما شاء الله لكني الفترة الأخيرة ما داومت عليها لظروف وعذراً على الإطالة :D :26:

عزيزتي مستحيل الحنة ما تصبغ أنا أستخدمها مع الزيوت ومع ذلك تصبغ وأنا جتني فترات أسويها أكثر من...