الله يوفقكم ابغى طريقة المقلوبه

اطباق عالم حواء

تكفوووون بنات الله يوفقكم
ابغى طريقة عمل المقلوبه الله يسعدكم
ناويه ان شاء الله اني اسويها بكرى غداء
الله يجزاكم بالجنه ويجعلها في ميزان حسناتكم :26:
16
64K

يلزم عليك تسجيل الدخول أولًا لكتابة تعليق.

تسجيل دخول

احلام رومنسيه
رفع
( البرقاويه )
( البرقاويه )
شوفي حبيبتي ..

1_قطعي دجاج قطع صغيره وشيلي الجلد يعني الدجاجة 8 اجزاء.
2_قطعي الخضار اللي تحبيها قطع كبيره او حلقات..
3_كشني بصل وطماطم وحطي الدجاج والخضار والفلفل والبهارات وخليه على نار هاديه علشان يتسبك والملح تضيفينه بعد مايستوي نص استواء..
4_اسلقي الرز نص استواءطبعاً تحطين مع المويه شوي زيت.
بعد مايتسبك الدجاج مع الخضار ويصير باقي فيه شوي مويه (طبعاً من الطماطم وماء الدجاج مانضيف ماء ابداً ) نحط الرز ونخليه على نار هادئة ربع ساعة وبالهنا والعافية...
إذا جيت تغرفينه تقلبين القدر في الصحن تصير الخضار والدجاج فوق والرز تحت..
فيه ناس يقلون الخضار انا ما احب اقليها..
سارونه حياتي
سارونه حياتي
الله يوفقك ويسعدك ويهنيك دنيا واخره
والله يوفق كل من ترد او ردت علي ويحقق امانيكم يااارب
فرآشه كرستآليه
شوفي ياعسل انا بقولك طريقتي اذا عجبتك جربيها واذا ماعجبتك شوفي غيرها انا اول شي اقطع الدجاج قطع صغيره واشيل الجلد لاني ماحبه واسلقه مع مكعب ماجي واذا استوى الدجاج اشيله واحط الرز مكانه يعني ثلاث ارباع استواء واقطع الخضار حلقات ( باذنجان , بطاطس , كوسه ) طبعا انتي حطي الخضار اللي تحبين المهم اقلي الخضار واخليها ع جنب واسوي الكشنه اللي هي بصل وزيت واحط عليه صلصه واحط الدجاج عليه واحط الخضار بعد القلي واملحه شوي واخليه يتسبك بعدين اغطي عليه الين ينتهي الرز بعدين احط الرز عليه واغطي واخليه عشر دقايق او اكثر على حسب استوى الرز بعدين اقلبه بالصحن وبالعافيه ..

وتقدرين تسوين المقلوبه بقدر الضغط وبدون ماتقلين الخضار عشان تكون صحيه اكثر وبسس
زوجة داعيه
زوجة داعيه
اهلين حبيبتي جربي طريقة البرقاويه نفس طريقتي بالضبط وجربي اقليها تطلع الذ
اقلبيها وطقي يعني كفخي القدر وانتي قالبته عشان تنزل على شكل دائري كأنها كيكه وزينه بالكسبره والليمون اممم وبالعافيه