طيب وبعدين يعني مع هالرجال الجافين اللي يحسب المرأه للتفريخ بس

قبل كل شي
لا تجي وحده تقول لي لايكون زوجك كل حياتك
ترى حفظنا هالموال.. طفشتونا
ترى اللي تكتب بقسم الطبخ مو معناته كل حياتها اكل
واللي تكتب بقسم المكياج مايعني 24 ساعة قدام المرايه
كلنا لنا حياتنا واشغالنا ودوامنا وهوايتنا
بس هذا قسم يركز على علاقه الزوجه بزوجها
فطبيعي بيكون الموضوع عنه
فريحوا روسنا الله يرضى عليكم


نجي للموضوع
انا حياتي الزوجيه ماشيه بشكل كئيب وممل
زوجي مقصر معي بالعلاقه بشكل يستفزني
فوق هذا صار كل ليله تقريبا يسهر برا
وانا اكون اسهر لحالي احيانا انشغل بنفسي
واحيانا اكتئب.. زي حالتي امس
صارت بينا مشكله قبل اسبوع
ولمحت له باللي في خاطري
وهو قلب الطاوله علي.. يقول الزن يكرهه بالعلاقه
وانا والله لا ازن ولا شي بالعكس انحرج
لكن اتضايق لما يمر 3 اسابيع بدون علاقه
اول كان كل اسبوعين وساكته.. الحين صاروا 3
وهالشي يحسسني اني كثيره عليه
وانو هو مضيع شبابي وعمري ومايستاهلني

هو يعرف اذا تضايفت من هالامور/ حسب كلامه
ويطنش.. يقول لي: اعاند اكثر بسبتك
رغم اني اتجاهله والله بالعشر ايام واكثر
بس اوصل لمرحله الملل والقرف منه ومن حياتي معه
مو حاسه اني عايشه مع رجال
اوكي يلبي طلباتي وطلبات البيت
بس مايلمسني الا كل سنة حسنه
واحيانا احاول اتقرب منه.. برضو يطنش
والحمدلله 24 ساعه كاشخه ومتعطره وعلى سنقه عشره
وهو يبدي اعجابه من بعيد لبعيد احيانا
وغالبا يطنشششش.. مو مقدر اللي عنده


وصلت لقناعه ان 90 بالميه من مشاكلنا اساسها هالموضوع
وبعد اربع سنين زواج احس نفسي مو قادره اكمل معه
وغصبا عني صرت عصبيه معظم الوقت
والله غصبا عني بس فيني طاقه سلبيه تجاهه هو والبيت
ما اصدق متى اطلع واروح لاهلي عشان انبسط
صرت اكره البيت والجلسه فيه
وانام عند اهلي يومين كل اسبوع كنوع من الهرووووب



اليوم صحيت وشياطيني طالعه
وابوالشباب يشاخر جنبي
مارجع الا الساعه وحده من جلسه الشباب اليوميه
حاولت اطنش ماقدرت
محسسني انا والكنبه واحد
لئيم