السلام عليكم ورحمة الله ...
اخواتي العزيزات كيفكم *****الله الجميع بخير
هذه اول مشاركة لي بالمنتدى بس والله لاني أحبكم بغيت أعلمكم عن تجربتي الفاشله مع مشغل بيوتي جيت
ومو قصدي فيها قطع أرزاق ويشهد علي ربي بذلك ،، اسفه على الاطالة
انا رحت لهم بغيت اقص شعري واسوي أظافري ومكياج لانه عندي مناسبة،، المهم قصت لي حدة سوريه قسم بالله القصه اللي طلبتها بجهه وشغلها بجهة وسشوارها معفن لدرجة يوم رجعت البيت قال زوجي شغلك احسن منهم وسألني عن خصلة بنهاية الشعر على الجنب شوي ماأدري وش موقعها من الاعراب أناما انتبهت لهابس شكلها نست تقصها:32:
طبعا" سكت وانقهرت ومشيت الموضوع لاني ماأحب اسوي مشاكل ولأني أنا اللي اخترت المشغل بحكم انه قريب فقط
أما الأظافرقصتهم قصة والله العظيم يابنات انه الفلبينية قطعت أظافري تقطيع لدرجة أنهاحمرت من الاطراف من كثر مانتفت من اللحم فيها وللمعلوميه هذي أحسن وحدة تسوي الأظافر بس الشهادة لله سوت لي الفرينش منكير روعه
المشكلة اني ماتبت وطلعت من المحل كملت شغلي وطلبت منهم حف بالخيط"شنب"بس وتخيلوا عطوني وحدة طيرة راسي وهي في بداية شغلها انا بغيت اصفقها :angry2:والله انها ماتعرف حتى تمسك الخيط وحمرت وجهي وكل شوي تتنقل لجهة يوم وصلت البيت طالعت بالمرايه الا الشنب مبقع وشكلي يفشل لانه واضح مررررره
أما عاد المكياج الله لايوريكم انا يوم خلصت المغربيه وقالت شوفي اذا فيه شي مو عاجبك علشان اصلحه طبعا" انا تنتحـــــــــت :(وبرضوه سكت وقلت : شكرا" لأني ناويه ارجع البيت وأغسل واللي زاد الطين بله يوم دخلت وقال زوجي:الله يخليك أول شي تسوينه تمسحين هاللي ملطخ فوق عيونك والله العظيم مشوووووووووهك
عاد وقتها بغيت أكنسل ماأروح الحفلة بس ماقدرت..
وللأمانه اخت زوجي سوت عندهم شعرها كله فير وطلع روعه وأنا سبق وسويت عندهم سشواار ويفي وطلع مررره حلو وظل يومين ماخرب واللي سووته لي مغربيه
وكمان شفت عندهم تشقير الحواجب حلو ،، طبعا" أنابعد كذا حرمت اروح لهم مرة ثانيه
وأدري اني طولت عليكم بس حبيت أخليكم معي بالصورة ويعطيكم العافيه ياحلواااااااااااات:26::26:
عنودنجد @aanodngd
عضوة جديدة
يلزم عليك تسجيل الدخول أولًا لكتابة تعليق.
ام طنوسة
•
انصحكم بالله الابتعاد عنمشغل الاناقه من ناحية الصبغه يلعبون فيك والقص المغربيات كريمه وغيرها والاستقبال فلبينيه غشاشه والله يكون بعون ادارتهم تعبانين عالديكور وبدايتهم حلوه مع اللبنانيات الحين ولا شى بحي الازدهار وغلاه زايد
ام طنوسة
•
ام طنوسة :
انصحكم بالله الابتعاد عنمشغل الاناقه من ناحية الصبغه يلعبون فيك والقص المغربيات كريمه وغيرها والاستقبال فلبينيه غشاشه والله يكون بعون ادارتهم تعبانين عالديكور وبدايتهم حلوه مع اللبنانيات الحين ولا شى بحي الازدهار وغلاه زايدانصحكم بالله الابتعاد عنمشغل الاناقه من ناحية الصبغه يلعبون فيك والقص المغربيات كريمه وغيرها ...
الصفحة الأخيرة
وشكرا على التنبيه على شان لااحد يطورط