الله المستعان

- المستشار مؤتمن ..
- وأنا من وجهة نظري .. زوجك متهور وطائش لأبعد حد ..
- قلبه متعلق في حياة العزوبية والحرية .. فيه شباب كثير يتمنوا الزواج ولكن ظروفهم صعبة وهذا تجيه الفرصة مرتين ويفرط فيها .. ما هو كفوء للزواج والمسؤولية وإقامة حق بنت الناس..
- ولو كنت مكانك سجدت لله شكر اللي خلصني منه بدون محاكم وتعقيدات..
- أجل يضربني ويهيني وتأخذه العزة بالأثم بدل ما يعتذر يقوم يطلّق .. أعتذر عن خطأه بخطأ أعظم .. تخلف فاق حدود المعقول ..
- وينه عن قول الرسول استوصوا بالنساء خيرا ..
- وعلى فكرة اللي يمد يده ناقص تربية وسيء أخلاق وأنتِ ما أخذتيه تربينه ولا راح يتربى بعد هالعمر .. وراح يمد يده كل ما ضاقت حيلته وعجز عقله الصغير أستيعاب أختلاف وجهات النظر ..
- وإذا هو فعلا نادم ليه ما استعجل بتنفيذ شروط أبوك .. الظاهر خايف يفرط في حياة العزوبية والسفر ... اللهم عافه ولا تبلانا ..
- استخيري وأكثري الاستغفار وأطلبي من الله العون ..

استخيري كثيير قبل الرجعه
بس الفت نظرك ان الحكم من جهتنا صعب بما انك ماذكرتي اسباب الطلاق
واضح من شخصيته انه متهور و شخص غير مسؤول ولايقدر الحياه الزوجيه لكن الغريب هو اصراره انك ترجعي له رغم طلاقه لك بسهوله
لو قررتي ترجعي اطلبي مؤخر كبير واشرطي شروطك واللي الله كاتبه بيصير

الطلاق احيانا يكون حل استخيري والله يكتب لك اللي فيه خير

الله يكون بعونك اذا قررتي ترجعين خليه يحلل وش يضمن لك ما فيه امراض من السفريات ويعاديك وصراحه ما فيه وﻻ شي زين ليش ترجعين اصبري لعل الله يرزقك بخير منه شوفي ايجابياته وسلبياته و بها احكمي ترجعين او ما ترجعين قولي دائما اللهم اجرني في مصيبتي واخلف لي خيرا منها
وكرري في سجودك ربي لما انزلت الي من خير فقير لعل الله يرزقك بخير منه