* حنــين *
* حنــين *
هلا والله أم علاء ..

تسلم الأنامل اللي كتبت وأبدعت ..

مشكووووووووووووره وماقصرتي يالغاليه على الطريقه الحلوه اللي كتبتيها

وانشالله رح أجربها ..في أقرب وقت ..

طيب الحين عرفت كيف ما يطلع الزيت كثير فيها ..

لكن ممكن سؤال ..

والله خجلتيني بلطفك ..

لكن باسألك .. شرايح الباذنجان كم سمكها ..

وفي الفرن لما تحطينها تغطين الصينيه .. ولا لا ..

لأني أبغى أعرف ليه تطلع من جوه كأنها مبلوله ..


ومشكوره يالغاليه مره ثانيه ..


الله يجزاك كل خير ..
الاوركيد
الاوركيد
السلام عليكم ورحمة الله وبركاته
عزيزتي حنين :27: قاعده اقراء رسالتك وزعلانه على حالك

حاسه انك صغيرة ومصره تطبخين زين

بعلمك طريقه لقلي الباذنجان ما قد قلتها لاحد


بس تعالي على جنب عشان لا حد يعرفها اصلا هي سر طبختي























اذا قطعتي الباذنجان تبليه (4 ملاعق دقيق +ملعقة نشا +ذرة ملح)
الدقيق والنشاء راح يخلونلك الباذنجان ناشف ومتماسك ولا يشرب زيت

وسوي المصقعه بالطريقه الي تعجبك اهم شي الباذنجان مافيه زيت
وعلى فكره لما تسوي اللحمه المفرومه لا تحطين زيت بالصاج وتشوحين البصل
وبعدين اللحمه لا طريقتي حطي الصاج على النار واذا سار حار شوي حطي
اللحمه المفرومه وعلى طول قلبيها وفككيها من بعض واذا بدت تشرب مويتها حطي
لها ملح وفلفل اسود وحطي فوقها البصل المفروم ناعم وبس كملي سواها على النار الين تنشف مضبوط واستعمليها ............. ذحين المفرومه والباذنجان من غير زيت :21:


اتمنى اني افدتك
* حنــين *
* حنــين *
هاله ..

يالله عليك .. تسلمين حبيبتي ..

والله أسعدتيني كثييييييييييييييير بردّك

عجبتني طريقة المصقعه بالبشاميل .. يم يم يم يم يم يم :23:

والطريقه الثانيه .. وطرق البروستد تشهي .. ماهو بس تشهي إلا تدوّخ

شكراً يالغاليه .. كيف اقولها لك .. والله محتاره خجلتيني بلطفك وكرمك ..

الله يعطيك العافيه ويسعد أيامك ..



الأوركيد ..

حبيبة قلبي ..

الله يسلم اليدين اللي كتبت .. ولا يحرمني منّك يارب

بس ترى ماني صغيره .. شابه .. شابه حلوه بعد .. شابه حلوه بعد ماتعرف تضبط بعض الطبخات .. بعد بعد

المهم يالغاليه ..

الصراحه طريقتك في قلي الباذنجان .. تجنن ..

ماشالله عليك ..

بس تدرين فاتتني حكاية اني أسوي اللحمه المفرومه من غير زيت ..

أنا أكبكب زيت لين ما تقول الطبخه ياقلبي ..

بس الحين أقدر اسوي المصقعه بقلب جامد :cook:

فرّحتيني والله بالطرق اللي علمتيني عليها ..

الله يسعدك ويوفقك ..



ياسلااااااااااااااااام عليكم يا بنات حواء ..

تعجبوني والله ..