حملة الملابس التاسعه السنوية الرمضانية (كسوة العيد)ـ
15 الى 24 رمضان
حيكون في حملة ملابس (بازار خيري لكسوة العيد)
...لنادي ارسم ابتسامة الخيري الحملة التاسعه ولله الحمد
وهذه المرة بالتعاون مع مدرسة دار الأرقم
طبعا كما عودناكم حيكون التوزيع على شكل بازار خيري حتى يختاروا اللي يناسبهم وحتى يحسوا اننا بنقدرهم وهم يختاروا اللي يناسبهم
مهما كان وضعك تقدر تساعدنا
التجميع :
جده - حي الحمراء - مدرسة دار الارقم جنوب بوابة مستشفى الولاده (خلف المساعدية)ـ
وحيكون
من 15 رمضان الى 24 رمضان
من الساعة 1 - 3 صباحا
ارجو التبكير في احضار الملابس حتى نقوم بتصنيفها
افتح خزانتك وابحث فيها
حتلاقي اشياء ما بتلبسها جمعها
حاجة ما عادت على مقاسك جيبها
حاجة طفشت منها جيبها
حاجة طلعت من نفسك وحابب احد من عمرك يلبسها
يستحسن تكون جديدة,بحيث تؤجر عليها
حب لأخيك ما تحب لنفسك
جمعوا اشياء منك انت وبيتك واهلك وجيرانك وخلينا نوزعها
لو حابب تساعد بلغ اهلك واحبابك وجمع من ناسك وجيرانك
خلينا نسعدهم
لو عندك ملابس ,احذية ,العاب,ثياب.ادوات منزليه
فقد ما ممكن نجمع ,قد ما حنخدم عائلات محتاجة اكتر
فشاركونا العمل
وشاركونا الاجر
لو ما عندك القدرة انك توصلنا الحاجات تقدر تكلمنا واحنا نيجي ناخدها
والي ما يقدر يجيب الاشياء ممكن يتواصل معاي بالرسائل الخاصة لتزويده بأرقام التواصل .
شكر خاص
لمدارس دار الأرقم والدكتور مصطفى القرشي
ولكل واحد قدم مجهود ولو كان بسيط
همسسسة
إذا ما عندك ملابس ياليت تسوي معروف
تنقل الموضوع للمنتديات الثاني او بالمسن
م/ن
يلزم عليك تسجيل الدخول أولًا لكتابة تعليق.
جزاك الله الفردوس الاعلى وجعله في ميزان حسناتك والدال على الخير كفاعله وان شاء الله راح ابلغ لي اعرفهم
الله يجزاك خير ابغى الارقام بسرعه عشان اقدر اجمع وارسل لانه اليوم 20 يالله الحق اكلم واجمع يارب تسهل لي الخير
الله يجزاك خير ابغى الارقام بسرعه عشان اقدر اجمع وارسل لانه اليوم 20 يالله الحق اكلم واجمع يارب تسهل لي الخير
الصفحة الأخيرة
فرحت لما قريت الموضوع وبعدين زعلت لانه في جده وانا في الرياض
بارك الله فيهم