قصة غريبه عجيبه حصلت لخالتي الله يرحمها (عسا ان تكرهوا شيئا وهو خيراً لكم)

السلام عليكم ورحمة الله وبركاته

هذه القصه حدث لخالتي رحمها الله قبل سنوات

اسردها لكم للفائده وابيكم تدعون لها من قلب الله يغفر لها ويرحمها ويسكنها الفردوس الاعلى

كانت خالتي (الله يرحمها) طالعه للبر هي وزوجها وعيالها وولدها وزوجته

وجالسين فارشين فرشتهم وشابين حطب ويسولفون وفجاءه جت ريااح قووويه

وبسررعه ركبوا الاغراض وركبوا السيارات ومشوا وهم ماشين ورايحين عن الرياح

صادفتهم مشكله تتوقعون وش صار

انفجر احد اطارات السياره تخيلو البر فاضي والرياح قووويه والرئيه منعدمه والكفر خربان !!

نزل زوج خالتي عشان يغير الكفر بسررعه ويوم فتح شنطة السياره تدرون وش شاف

هم مع الربكه شالوا كل الاغراض ورموها فوق بعض ومع وكانت النار شابه بطرف الفرشه وماشافوها :eek:

ولما فتح شنطة السياره اشتعلت النار بقوووه وطلع لهم رجال مايدرون من وين جوا سبحان الله كان ربي انزلهم من السماء طلعوا لهم وجلسوا يطفون النار مع زوج خالتي :eek:


شوفوا قدرة الله اوقف سيارتهم عشان يدرون عن النار و رزقهم من يطفي لهم النار

سبحان الله قادر على كل شي


طبعا اي احد بموقفهم كان بيتضايق يوم خرب الكفر ويقول هذا اللي كان ناقصنا :30:


هالقصه منذو سنوات صارت بس انا توي اسمعها وحبيت افيدكم :)