قررت .. وبتشجع .. وباراده واصرار بواظب .. واللي تبي اتابع معي/قديم

المنقطه :

1- الوجه ...

العيوب :
نقط سودا

استعملي كلين اند كلير اللي لونة بنفسجي

2- العيون

العيوب :
رموش قصير خفيفه ........ زيت الخروع
سواد تحت العين .......... ضعي شرائح البطاطس

3- الشفايف

العيوب:
تشققات

ادهنيها بعسل النحل

5- اليدين والرجلين

العيوب:
خشونه وتشققات

استعملي كريم جليسوليد الاحمر

9- الاسنان


العيوب:
اصفرار

ضعي علي فرشة الاسنان كمية قليلة من بيكربونات الصودا مع المعجون
او
قطعة خبز محروقة تكون بودرة + ملعقة عسل
واغسلي سنانك بيها

وافضل مزيلا ت العرق بدون كحول لانها مسببه لسواد

انا استخدم الجليسرين والليمون

واللي ما جاوبت عليه .. يكون نفس المشكلة عندي
ياريت حد يساعدنااااااااااااا

جزاك الله خيررررر .. ماقصرتي والله ..

راح اضيف ماقلتيه لجدول الخلطاتت وراح احاول احط اكثر من خلطه لشي نفسه بس علشان اللي ماناسبتها خلطه تقدر تختار غيرها او اللي ماتوفرت عنده خلطه تقدر تختار غيرها ..

ممكن اتاتخر لكن علشان ادور زين ومااجيب حيا الله

واتمنى من اللي جربت اي شي ومضمون واكرر جرررررررررربت بس ماودي احط شي مو مجرب .. والف شكر مقدما للي بتساعدني

بسم الله الرحمن الرحيم ..

خواتي الحبيبات رجعت لكم بعد مانكسر ظهري وانعمت عيوني من كثر مقابلي لهالشاشه وانا ادور خلطات وكل مالقيت شي حفظته ..

ابي منكم قبل تقرون الخلطات تعرفون ان هالخلطات ممكن تنفع معكم وممكن ماتنفع معكم وممكن تضركم لاني ماجربتها على نفسي يعني ابري ذمتي من أي خلطه ..
اللي جمعته مجهود شخصي ابي منه الفايده لكم والاجر قبل كل شي ..
انا حاليا ماخترت ولا خلطه لاني كنت مشغلوه في البحث وجد تعبت وانا ماخلصت الصفحات وللعلم كل الخلطات من المنتدى جمعتها ليسهل علينا اختيار االخلطات منها ..
واشكر اصحابهاا دون ذكر اسمااء ... وللعلم انا كنت اخذ الخلطات صاحبات الردود الكثيره ..
وانت شاءالله تنتفعون بها ..

فيه بعض الخطواتا الاساسيه قبل لانباد بخلطاتنا علشان يكمل شغلنا والكاامل وجهه سبحانه ..
1\ شرب الماااء ..8 كاسات يوميا

2\ تناول الافاكهه والخضروات .. او استخدام الحبوب والفيتاماينات عند الصيدليه عوضا عنها

3\ الانتظام على خلطات معينه وعدم تغيرها وانا اعرف بطبعنا الملل لكن لازم اراده

4\ الالتزام بزيوت معينه وعدم تغيررها لان ذلك يعدم الشعر ويخليه يستاقط .. وغير كذا او مانجرب أي زيت النتيجه الحتميه تاسقط في البايه وهذا طبيعي وبعد ان شاءالله
4 ايام بالكثير يتعود الشعر واذا ناسبه راح يتحسن ..

5\ ممكن عمل جدول وترتيب الايام والخلطات فيه لنضمن الانتظام ..

6\ جمعت هنا الخلطات الطبيعيه والزيوت ولم اتعرض للمواد الكيامويه لاني اخاف منها .. واي وحده تشوف اللي يناسبها وتختار منها

7\ الخلطات اغلبها ليس بها تفاصيل من تريد التفاصيل ارجو منها رجااء حار ان لاتكتبها هنا لاني لا اعلم عن الخلطات ولتبحث عن رابط الموضوع وتطرح سؤالها لصاحبه الخلطه ..

8\ اشياء كثير تكون بديهيه وما تحتاج سؤال .. فاتمنى تفهموني

9\الرياضه ضرورويه .. واحسن شي المشي .. تشد الجسم كله

10\اهم شي ذكر الله والتسميه وكثره الاستغفار ..

ملاحظه :
أي اخت عندها خطله مجرررررربه تكتبها لنا .. لان في اشياااء مالقيت لها تجارب واضحه او جيده .. ..



1\ خلطات الوجه :

- لصفاء البشرة مره منقوعه بماء لمده يوم ومن بعدها تستعمل بمسح الوجه بها وتركه ربع ساعه ثم غسله بماء بارد ..

- قناع زبادي مع نقط ليمون كل يوم يبيض البشره بشكل طبيعي ويسكر المسام ويخليها ناعمه

- التنظيف اليومي للبشرة والتنظيف الاسبوعي .. (الاسكانول والمقشر والكريمات والغسول وحمام البخاروغيرها )

- يفضل استخدام منتجات حونسون للاطفال لانها امنه ومافيه ضرر ونامعه وحلوة ..

- لازاله علامات حب الشباب:
المقادير (((صفار بيضه +نقاط من الليمون +ملعقة عسل صغيرة)))
وتوضع على الوجه كماسك < توضع طبقه خفيفه حتى تجف ثم تغسل بماء دافئ
ويمكن وضعها مرتين في اليوم أو كل يوم مره>
ومن يعاني من كثرة العلامات تحطها مرتين في اليوم ومره في اليوم إلي بعده
طبعاً راح تسأل أكيد وحده من الخوات شو صار بالضبط
راح أقول لها إنه صار وجهي يقشر بشكل خفيف وغير ملحوظ شوي شوي وفتح العلامات إلي موجوده لحد ما اختفت تماماً
وكم المدة إلي استخدمتها كانت فتره طويله لأنه وجهي كان تحفه فنية بألوان داكنه
استخدمتها لمدة 4 أشهر وكانت النتيجه رائعه وجهي اي حد يشوفه أحينه يقولي وجهك صافي
ما شاء الله وما فيه حبوب
يمكن المدة تكون طويله بس الحمد لله النتيجه فعاله
وأحب أذكر إنه فيه بنات ما يناسب بشرتهم الليمون لأنه يجفف بشكل كبير
فممكن تحط قطره أو اثنتين بالكثير على شان ما يسبب جفاف بشكل سريع في البشرة
وحبيت بعد أقول لكم ممكن تغسلين وجهك بالصابون ( الصابون إلي تستخدمينه يعني ما فيه شيء محدد) بعد مرور نصف ساعة من غسل الخلطه///// وممكن تحطين الخلطه بعد ما تغسلين وجهك بالصابون أو من غير
وإلي بشرتها دهنيه مع الوقت راح تلاحظ إنها صارت أحسن وأقل دهنية

-المسام الواسعه >>-
فيه خيارات :
-تستخدم قناع ماء الورد مع النشا...( ملعقه نشا مع ملعقه ونص ماي ورد)
النشا معروف انه قابض للبشره وماء الورد بعد
- نص ليمونه تستخدم مره فاليوم ... <<<<< ماده قابضه
- بياض بيضه ....<<<<< ماده قابضه
- قناع العسل بقطرات اليمون .....
- .غطس الوجه بماء بارد ...-

الزيوان او النقط السوداء :
بشرتي دهنيه في منطقة الأنف وحوالينها وفيها مسامات واسعه ولمن احط المكياج يطلع فيها زي القشور وطبعا فيها المشكله الكبيره وهي الرؤوس السوداء الي يطلع شكل وجهي مو نظيف حتى وانا غاسلته الترمس المطحون انا اشتريه واطحنه +ماء ورداحط ملعقة اكل مليانه ترمس وموية الورد الكميه الي تعجنها وتخليها سايله بحيث انها تنفرد على الوجه وما تسيل وتوضع طبقه خفيفه على الوجه . واحيانا احط معه شوية سدر مطحون.
ملاحظه مهما كان الترمس ناعم لابد ما يكون الخليط خسن شويه يعني زي الحبيبات ))
اخلطها مع بعض واحطها على كل الوجه وأخليها ثلث ساعه حتى تجف ثم اجيب الفاين وابدى امسحها بحركه دائريه وطبعا الخلطه بتصير ناشفه وهذا افضل حتى تقشر الجلد والزيوان وبعدها غسلي وجهك بمويه وتعالي شوفي النعومه في خشمك بالذات واستمري عليها يوم ايه ويوم لا وهذا غير الصفاء حتى لون البشره متورد والله على ما أقول شهيد

- استخدام القطع الشمعيه الصغيره (فيت المخصصه لازاله الاشعر من منطقه البكيني) على منطقه الانف يساعد على التخلص منها ..

- يخلط نسبه متساويه من مسحوق الحبه السوداء ( حبه البركه ) مع خل التفاح الاصفر ويدلك به المكان بشكل يومي الي ان تزول النقط

***************************************
*العيون :

الرموش:-
زيت الخروع .. ملأ علبه ماسكار فارغه بزيت الخروع واستخدامه على الرموش مثل الماسكار ..
وممكن بيدك او بمنظف الاذن .. وحطيه قبل النوم ..
سواد تحت العين :
شرايح بطاطس نيه او شرايح خيار ..

********************************************

للشعر:

-بيضتين تخلطيهن مع شامبوك (الطريقهجيبي بيضتين واخلطيهن مع بعض وعقب هاتي علبة شامبوك وصبيهمن فيه وهزيهم بقوه علشان ينخلطون) : ولا تخافون.مافيه ريحه . والبسض ماراح يخرب
-
لمعه الشعر-
علبة زبادي + زيت تستخدمينه لشعرك + عصير ليمون + مايونيز
والمقاس هو علبة الزبادي تخلط وتوضع في علبة في الثلاجة لحين الأستخدام
وتكفي الكمية لأستعمال أكثر من أربع مرات

تطويل الشعر وعدم التساقط :
- زيت عافيه مع حلبه ..
كاس حلبه مطحونه تخلط مع علبه زيت عافيه (وممكن استخدام نص الكميه ) وتترك لمده اسبوع ثم تستخدم كزيت على الشعر يوضع لمده نص الى ساعه يوميا (يوم ورى يوم)

تطويل الشعر:
- علبة زيت اسمه زيت rcd الباكستاني المهم.....استعملته لمدة شهر
واليوم والله... يايابنات شعري إلى نصف ظهري وصار كثيف وناعم وماني مصدقة هذي النتيجة. ومالاحظت اثار جانبيه

- اسم الزيت : ( زيت الحية )
المفعول :
1 - فرد الشعر وهو في هذه الناحية درجة أولى ، بل إن مفعوله لايصدق .
2 - إطالته وهذا شيء تبدأ نتائجه من نهاية الأسبوع الثاني ، إذ تشعر من تستعمله بالنمو المتزايد في شعرها .
3 - يمنع التساقط ، إذ أنني كنت أعاني من التساقط الذي لم تجدي فيه كل الزيوت أو الأدوية ، وقام بإيقافه مع نهاية الأسبوع الأول .
3 - يمنع تقصف الشعر .
4 - يعطي الشعر لمعان غير عادي .

وكل هذه المزايا أكيدة 100% ، كما أنها من واقع تجربة شخصية وليست بناءً على قالوا وسمعنا ـ إنما أنا جربته ولكن بعد عناء
طويل للبحث عنه ، إذ أنه لايوجد إلا في قلة قليلة من المحلات وخصوصاً الأصلي ، لكن هناك أنواع مغشوشة ، ومفعولها لايصل إلى
نصف ماذكرت أو أقل ،لكن من تجربه ستدعي لي كثيراً ، خصوصاً من لديها معاناة من إحدى المشاكل السابقة أو بعضها ، أو جميعها
التركيب :
خالي من أي مادة كيميائية نهائياً ـ لذلك لايسبب أي أضرار بالجسم أو أي مضاعفات .
تحذير :
هناك زيت اسمه زيت الثعبان ... لكنه ليس هو الذي نتكلم عنه ، ومفعوله لايذكر ، وهناك زيوت في قوارير زجاجية جاهزة ... لكنها
ليست هي المقصودة ، المقصود يباع بالكيلو ويوضع في جوالين الماء الصغيرة التي تستخدم لتبريد الماء في الثلاجة .

-وهذة الوصفة يشهد الله انه فعااااااااااااااااااااااااااال ه لعلاج مشكلة الشعر الخفيف و الصلع عند مقدمة الرأس ...
(((((( الجرجير ))))))

عليكن بالجرجير الطبيعى ... والله اخواتى ان خالة والدتى كانت تعانى من الصلع وعمرها 65 سنه بسبب كثرة صبغ الشعر وكنت اتعجب من شكلها وهى صلعاء من مقدمة شعرها وفجأة بعد شهرين او 3 وجدت عندها شعر فسألتها وشكيت انها عملت عملية زرع فضحكت وقالت لى انها كانت تعمل حمام جرجير لشعرها مرتين اسبوعيا..

كالاتى :
2 حزمة جرجير وتنظفهم جيدا من الاوساخ بالماء الجارى ثم تقوم بضرب الحزمتين كاملتين بالجذور بكل شىء داخل الخلاط الكهربائى وبعد ان يصير عجينه تضعه على شعرها وتلبس غطاء راس بلاستيكى وتجلس به 3 ساعات ثم تشطف شعرها بالماء وتغسله عادى وهكذا اخواتى بعد شهرين من الاستعمال المنتظم ستجدى شعرك نبت وطلع من جديد ....

جربن الطريقة فهى مضمونه ومؤكدة 100 % ...

- لتقوية الشعر ومنع تساقطه
زيت حبة البركة ...

اشتروا زيت حبة البركة النقى ويأتى فى زجاجة مثل زجاجة الدواء وهو زيت يستخدم ايضا للشرب وبالتالى فهذا يدل على انه نقى ونظيف ومضمون جدا كما ان رائحته جيدة وليست سيئة ابدا وكل يوم بقليل جدا من زيت حبة البركة ادهنى فروة الرأس بالفرك الخفيف باطراف الاصابع وليس بالاظافر حتى لا تخدشى فروة رأسك (( فروة الرأس فقط يكفى )) لتنشيط الدورة الدموية ومساعدة الزيت ان يتغلل عبر فروة الرأس ويؤدى مفعوله..

وهكذا اخواتى ان شاء الله تنتهى كل مشاكلك من تساقط الشعر وذلك بعمل حمام الجرجير ثم دهن فروة الرأس يوميا بقليل من زيت حبة البركة وطبعا يجب ان يغسل الشعر يومين فى الاسبوع على الاقل مع واستخدام شامبو ضد الشعر الجاف المقصف المتعب وايضا وضع حمام كريم من نفس نوع وماركة الشامبو مرة واحدة اسبوعيا وهو الكريم الذى يوضع لمدة 5 دقائق على الشعر وشوفوا النتيجة خلال شهر او شهرين

خلطه لكثافه الشعر..
المهم الطريقه هي عباره عن:
تاخذين بملعقه وسط قليل من القرنفل(المسمار) مطحون وتخلطينه مع قهوه عربيه مطحونه بمقدار فنجان القهوه وتحركينه على النار لما يصير لونه اسود يعني تحرقينه
وتنقعينها في كاس ماء لمدة يومين
بعد ماتغسلين شعرك وتنظفينه اتركي فيه شوي مويه ثم حطي عليه القهوه المنقوعه مع المويه يعني كل الكاس ودلكي شعرك شوي ثم لفيه واتركيه لمدة 6 ساعات ويستخدم مرتين بالاسبوع بدون زياده لان القرنفل حار على الفروه
بصراحه اختي استخدمتها والله يابنات ماتصدقون ان الاماكن اللي فيها صلع نبت الشعر فيها من اول استخدام لها وبداء شعرها يكثف

*******************************************
البطن :

الشتققات :
-تاخذي ثلاث ملاعق حليب سائل وتضعي علية ثلاث نقاط عصير ليمون وتخلطية يصير شبة كريمي وتضعية على المنطقة لحد ماينشف ثم يغسل بالماءالكرش:
شرب ماء دافي على الريق يوميا .. وممكن مع ملعقه عسل

- شد الجسم لاي منطقه :-
نص علبه خل التفاح مع نصف علبه ماء ورد تخلط مع بعض وتوضع في علبه بخاخ للاستخدام
تشد الصدر والجسم بشكل فظيع ،،، توضع على الجسم والصدر باي وقت والمده مفتوحه يعني مافيه وقت محدد متى مابغيتي تغسلينه اغسليه لانه يجف بسسسسسسسرعه وممكن تتركينها تجف وتلبسين ملابسك
ويدلك ويفضل بعد الاستحمام استخدامها

-مانعاني نحن النساء من تراكم الدهون في مناطق معينة و اعني تحديدا البطن و الأفخاذ و الصدمة الكبيرة تكون حين نحب ان نرتدي فستان معين و نتفاجئ ببطن يخلي نفسيتنا مش و لا بد و أفخاذ ياي ..... لذا بحثت للكل على حل كثير ممتاز و هو عبارة عن خلطة زيوت ممتازة و لكم المقادير:
60 مل زيت جوجوبا jojoba
5 نقاط زيت ليومن جراس – grass Lemon
10 نقاط زيت جريب فروتgrape fruit

الطريقة
بعد الاستحمام يدلك البطن و الافخاذ بهذا الزيت و لفي المنطقة بالبلاستيك الشفاف لمدة ليلة كاملة..وفي اليوم التالي سيكون بامكانك لبس الفستان بدون متاعب..
هذه الخلطة ليوم واحد فقط.. ولا يجب ان تستخدم يوميا.. لان الزيوت العطرية التي بها قويه على البشرة و لكن راح تحافظي على نتيجة رائعة إذا إحترمت المقادير و استعملتي هذه الخلطة مرتين بالأسبوع بعد الإستحمام.

أنا صار لي اسبوعين جربت هذه الخلطة و قررت أني اقوم بها كل اسبوع مرة راح توفي معي لأني فعلا سعيدة بالنتيجة

* بتلقون الزيوت في المحلات اللي تبيع الزيوت العطرية



************************************
الجسم ككل :

بياض ونعومة واصفاء وهي خلطة تستعمل لكامل الجسم عدا الوجه ......
واليكم الخلطة ....
ملعقتان كبيرتان طحينة
ملعقتان كبيرتان حليب
ملعقتان او ثلاثة بدي سكراب ( سنفرة ) اللي بالمشمش
عصير ليمونة
لمعان اجسام عارضات الازياء .طحت على شي جنااااان ولاتخافون آآآآآمن لأنه من ماركه بيبي جونسن للأطفال وهو عباره عن زيت بخاخ مع زيت اللوز والصويا يلمع الجسم علبته شفافه وسعره مناسب جدا
المقادير....
3ملاعق أكل سكر ناعم +ملعقة فازلين ( للتقشير + نعومة)
ليمونة بازهير ( صغيرة ) + نصف ملعقة فكس ( للبياض )
نص عصير برتقالة ( للنضارة )
2 حليب نيدو ( للنظافة )

- خلطه شالسالفه للبياض
المقادير
صابونة غار مبشورة ناعمة جدا تنقعينها بكاس ماي ورد طول الليل عشان تذوب

علبة جلسرين السائل الشفاف من العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم من العطار لاتستخدمون مال الاكل لانه صبغته قوية
علبة فكس صغيرة


تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه
وانا حتى استخدمها للمنطقه الحساسة والابط
وشفت بياض موطبيعي ونعومة وكل الاثار اللي بجسمي اختفت

انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز احسن من الليفة المغربية
واسوي سنفرة الملح الخشن مع عصير الليمون
يعني اخلط كمية ملح خشن مع عصير ليمون واتفرك فيه

أخلطيهم مع بعض ورشي جسمك موية دافية وحطي الخلطة وأفركي بالذات الركب والأكواع والكفوف والرقبة المهم ركزي على المناطق الداكنة إلا المنطقة الحساسة أصحي انتي عارفة لأن الخلطة فيها فيكس لا تقولون ما قلتلكم وبعد ما تخلصي ترشي نفسك بموية باااااااردة عشان تنشطي الدورة الدموية

- حمام مغربي
قبل ماتقررين تسوين الحمام المغربي يفضل انج قبله بيوم او حتى دايما تستخدمين للجسم خلطة الجلسرين والليمون
وهي عبارة عن الجلسرين السائل الشفاف اللي عند العطار وتخلطين معاه عصير ليمونتين وتحفظينه بزجاجة وتدهنين جسمج منه
هالخلطة تبيض مع الاستخدام غير ان الجلسرين يرطب ويلين البشرة

والحين تزهبين المقادير اللي بقولج عنها
اولا الصابون المغربي وينباع عند كلللللللللل العطارين بكل مكان

ثانيا مفراكة بودي شوب اللي على شكل قفازات تييبين 2 حق الايدين
واذا ماقدرتي ييبي مفراكة مغربية هم تلقينها عند اي عطار

ثالثا مفراكة ظهر وهي عبارة عن عصا خشب طويله بنهايتها مفراكة وهم موجودة عند العطارين وبالجمعيات اذا مالقيتيها مومشكله بس دبري احد يفرك ظهرج

رابعا صحن حاطة فيه عصير نصف ليمونه مع ملح خشن لتشكيل مزيج سنفرة يعني هالخلطة بتكون بمثابة سنفرة واذا مافي ملح خشن حطي ملح عادي بس كثري عشان لايذوب بالليمون وماتستفيدين منه

خامسا قدر تحطين فيه ماء مغلي او جهاز بخار للوجه او اذا عندج غرفة بخار بالبيت احسن

سادسا كيس نايلون مال المصبغة الطويييييل اللي على طولج ولا تستخدميت كيس زباله عزكم الله لانه موزين فيه مادة موزينه
اذا مالقيتي كيس طويل خذي كيسين اقصر ولصقيهم ببعض يعني شوفيلج صرفه

سابعا وهذا شي اختياري للي لهم خلق ومتفرغين مثلي هذي خلطة لتنعيم الجسم وتبييضه وساعات اسويها من غير حمام مغربي وهي عبارة عن ملعقتين كبار سنفره اي نوع متوفر بس يفضل سنفرة المشمش وملعقه هردة اللي هي طحينه مثل ماركة النخله وجذي تكون سائلة وملعقه كبيرة طحين حمص وعلبة كارنيشن تخلطينهم عدل عدل وتخلينهم لين اقولج متى تستعملينهم

والحين نجي للطريقة:
اول شي شطفي جسمج بماي ونشفيه بالفوطه واخذي الصابون المغربي ودهني جسمج كلللللله فيه من فوق لتحت مو فرك لا بس دهان
وبعدين اخذي كيس النايلون اللي عندج وافتحي فتحة لراسج بس وخلي الكيس يغطيج من فوق لتحت بس راسج بره وخلي جهاز البخار او قدر الماي تحتك داخل الكيس يعني بين رجولك وانتي داخل الكيس عشان البخار يصعد ويظل داخل كأنج بغرفة ساونا وظلي على هالوضع ربع ساعة يكون جسمج تفتح مسامه وكل شي
بعدها شيلي الكيس وروحي للدش وشطفي جسمج بماي بس ولبسي المفراكة بأيدج وقعدي فركي جسمج كله من فوق لي تحت راح تشوفين البلاليط يطلع من جسمج
والسواد والقذارات كلها واخذي مفراكة الظهر وفركي ظهرج عدلللل او خلي احد يفركج اذا مالقيتي مفراكة ظهر
الحين عقب ماشلتي الصابون المغربي بالوسخ اللي لصق فيه وجسمج مساماته متفتحه
حطي خلطة الحليب الكارنيشن والهردة والسنفرة اللي قلتلج تحضرينها
دهني جسمج فيها وخليها ربع الى نص ساعه وبعدها غسلي بماي وافركيها بايدج عشان تطيح طبعا ماراح تطيح كلها
الحين تاخذين سنفرة الليمون والملح وفركي جسمج فيها عدل عشان تنظفينه من الخلطة والوسخ وكلللل شي لانه الملح والليمون يعتبر معقم ومنظف عمييييق

عقب كل هذا اذا تبين تقدرين تستخدمين شاور جل عشان يعطيج ريحة حلوة وبس خلص الحمام المغربي
روحي غرفتج وتنشفي وتدهني ببدي لوشن او اي كريم للجسم وتمتعي بنظافتج ونعومتج اللي الكل بيحسدج عليها
هالطريقة اذا كررتيها كل اسبوع بتشوفين الفرق الشاسع باللون والنعومة والاثار وكل شي يشوه جمال جسمج

2\طريقه الحمام الملكى بروائح الورد على اصوله
من خبيره بالحمام المغربي والملكى والايرانى

يستخدم الحمام الملكى للعرائس والوالدات بعد الربعين وللمناسبات السعيده فيعطى البشره نعومه ورائحه جذابه وصفاء تام
والحمام الملكى لا يستغنى فيه عن استعمال الصابون المغربى والليفه المغربيه الخشنه
التى تساعد على تنظيف الجسم بالكامل مما علق بها من اوساخ خاصه عندما تتفتح المسام من جراءالجلوسبالبخار و البخار يساعد على تغلغل الكريمات المطريه والمغذيه للبشره ويخلصالبشره من الشوائب العالقه بها كما يساعد على التخلص من الحبوب الصغيره والكبيره بالبشره ومع الاستمرارعليه دوريا يتفتح لون البشره

خطوات التطبيق للحمام الملكى :

- الجلوس فى البخار 30 دقيقه
- ندهن الجسم بالصابون المغربى وتجلس لمده 30 دقيقه ايضا

- نشطف الصابون المغربى من الجسم كله

- نفرك الجسم كله بالليفه المغربيه بعد نقعها بالماءالساخن ويستمر التفريك لمده 45 دقيقه

- نشطف الجسم بالماءمره اخري

- نضع كريم السنفره للجسم وندلكه لمده ربع ساعه

- نضع المبيض على الجسم لمده ربع ساعه او نصف ساعه ثم نغسله بالماء ( عباره عن الليمون مخلوط بخل التفاح وصابون سائل )

- نضع ماسك الطين لمده ربع ساعه ثم نغسله ( الماسك جاهز يباع لدي بودى شوب )
وفي ماركات اخرى ...اختاري اللي يعجبج ..

- الشطف النهائى (لترين ماء دافى مع توله دهن الورد وتوله دهن فواح من اجمل ) نشطف الجسم بها مع تدليك نهائى للجسم وستظل الرائحه متغلغله بالجسم لمده 3 ايام

- شطف سريع جدا بماء بارد لغلق المسام ونعيما على المزاين واتمنى الشرح وافى

صنفرة للجسم :

-عصير الليمون + شوي سكر + شوي ملح تفرك بها اليدين وكامل الجسم ينعم ويبيض ويشيل الركب والاكواع..
-

****************************************
اليدين والرجلين :

زيت زيتون + ملح خشن وبس و ممكن تضيفي ليمون
اولا :قومى بتقشير ايدك ورجولك باى مقشر تحبيبنه ويفضل يكون نوعه ناعم شوى

ثانيا :بعد ماتقشرى تكونى جهزتى هذا الماسك لليدين والرجلين والى يتكون من

ملعقه زيت زيتون +ملعقه خل التفاح +ملقه عسل ( يفضل عسل السدر )+ وكم نقطه ليمون

وتحطين هذا الماسك على يدك ورجولك امده ربع ساعه ( هذاا للبياض)

ثالثا :نخلط 5 ملاقع كبيره روب مه ملعقه خل الشعير ( استحملى الريحه )

وتحطيهم على ايدينك ورجولك لمده 10 دقايق بتكون ريحته غير مستحبه لكن هذا
الماسك له دور فعال فى القضاء على الفطريات وتبيض الاظافر وتقويها .
واخر شى حطى كريم او لوشن معطر عشان ريحه الخل
-

خلطة لليدين و الأقدام
المقادير غير محدده ضعي أي كميه .

يوضع ماء الورد + اليمون + الصابون المبشور على النار حتى يذوب ثم أضيفي اليه بقية المحتويات . يكون قوامه كريمي يعني مثل الكريم العادي . إذا برد يحفظ في علبة . ويستخدم للقدمين ويلبس كيس بلاستيك وشرابات لمدة ثلاث ساعات ثم يغسل . ولليدين توضع قبل النوم.

للنعومه :
من غير مقادير دقيقه .. جلسرين وليمون وملح وزيت زيتون وعسل ..

****************************************
*العرق:
الجلسيرين والليمون للعرق
وبصراحة مفعولها ممتاز وتمنع العرق لمدة يوم كامل

***************************************
*الركب والاكواع:

اول شي سوي حلاوة للركبة .. لان الحلاوة بتنظف المنطقه وتشل الجلد الجاف
بعدين اخلطي فنجان قهوة زيت زيتون , عصير ليمون ملعقة كبيره ملح و نص فنجان سكر خشن .. افكري الركبه عدل عقب اتركيها لمدة 10 دقايق ,
بعدين اغسلي المنطقه بالماي الدافي

عقب ماتخلصين اخذي كريم جليسوليد وحطي كميه مناسبه وادهني الركبه
عدل بهالكريم , بعدين اخذي كيس بلاستيك ولفي ركبتج فيه , طبعا لكل ركبه كيس
وتحملي تربطين الكيس بالقوة مب زين .. المهم بعدين اتخلين الكيس على
الركبه لين اتحسين انها عرقت , يعني ساعتين بالكثير

عقب ماتشلين الكيس , اخذي ليفه خشنه شوي وافركي فيها المنطقه عدل
وانتي في الحمام ( وانتوا بكرامه ) .. وممكن ستخدمت القطعه البلاستيكيه اللي اتجي مع كريم ايماك ,
المهم بعد ماتخلصين غسلي المنطقه بماي دافي , وعقب ادهني المنطقه بزيت اللوز المر او ممكن الجلسرين ( انا كل مره انوع )

*************************************************
السواد في الابط والمنطقه الحساسه:
الخلطة سهلة ومايبغالها شي
ومتوفرة بكل بيت ورخييييييييييييييييييييصةجيبي اول شي رشاش اللي تحطين فيه ماي وترشين او اللي يحطون فيه خلطات تعطير الغرف وكذا عرفتوه؟؟؟
موجود بكل مكان علبة فاضية غطاها رشاش
تجيبونها فاضية ونظيفة
وتعصرون ليمونه
وتاخذون بطاطا نية متوسطة الحجم تقشرونها وتعصرونها بعصارة الجزر
وتحطون عصير البطاط مع عصير الليمون بالعلبة الرشاشة
وتخلطونهم
ورشوا على كـــــــل الجسم بما فيه المنطقة الحساسة والابط والوجه
بس الوجه يفضل تدهنونه بقطنه عشان لايدخل بعيونكم
وبس قعدوا فيها كثر ماتبون
واذا حبيتوا تنامون فيها ماشي الحال
بس مو اقل من ساعة يوميا
وشوفوا النتيجة
بياااااااااااااااااااااااااااا ض موطبيعي
والمنطقة الحساسة بتتفاجئون شلون صارت كذا بيضاء وناعمة

******************************************
*الصدر:

لتشققات البيضا
المقادير :
1. ليفة طبيعية اي ليفه المهم تكون خشنه شوي
2. زيت الزيتون الطبيعي .. لا تسالوني عن ماركته لانه ياييبنه لي في بطل مااي من الاردن يعني طبيعي

المهم انا اقوولكم شلوون الطريقة ..
تاخذين الليفة الطبيعية وفركي فيها مكان الخطوط لين وقت تصير بشرتج حمراا وتحسين ان الخطوط صارت حمرا بعد يعني الدورة الدموية تنشطت وتحركت .. انا بقولكم اني فركت بالقوة لين ما صار احمر وايد وصارت بشرتي جنها فيها حساسية وصر في اثر بس ما همني انا واصلت لان اقول هذا يروح بس الخطوط ما تروح وهي اهم .. المهم تقعدين تفركين مثل ما قلتلج لما يصير المكان احمر وتكون الخطوط هم حمرا (( ساعات تكون احمر من المنطقه تحسين فيها دم محتبسوهاذي احسن واحسن بعدين امسح على المكان بزيت الزيتوون
نطري لما بشرتج تمتصه بعدين لبسي ملااابسج
بس انا اقولكم يمكن لا قدر الله .. ما تناسبكم كلكم الطريقة عشان جي سوو مثلي قمت بديت على منطقه معينه بجسمي والحين انشالله الاسبوع الياي اخلص من الخطوط البيضا اللي في صدري واروح لاي مكان ثااني
بس يا بنااات لااازم يصير المكان احممر .. وترى مالي شغل بالبنات اصحاب البشرة الحساسة ..
وامانة بنات اللي تفيد معاها تدعي لي واللي ما تفيد لا تدعي علي انا ما طقيت احد على يده وقلتله يجربها

***************************************
*الشفايف:
- بس جربي ثلاث ايام لا وبعد من اول مره راح تبسطك ادعكي شفايفك بالليمون ادعكها فترة دقيقتي ل خمس دقايق وبعدين اذهنيهم بفازلين او جليسوليد

*****************************************
الاسناان:
لتجميل الفم والأسنان :
المقادير :
1 معجون أسنان (سيجنل 2 أو كريست أو أي معجون مفضل لديكم )..
ملعقة صغيرة ملح ...مطحونة
ملعقة صغيرة قرنفل ( مسمار )..مطحونة
ملعقة كبيرة مرامية ...مطحونة
1 رماد مطحون (كان مكتوب خبز محروق بس اخت في الله نبهتنا ان الحراق مو زين للاسنان فعوضناه بالماد وان شاءلله ينفع )...
..............................
الطريقة:
تخلط جميع المقادير حتى تتجانس وتوضع في علبة للإستخدام ...
تفرش الأسنان مرتين يوميا في الصباح والمساء وستكون النتيجة مبهرة جدا ...
......................
النتائج التي ظهرت :
1/تبييض الأسنان ...
2/ تعطير الفم ....
3/تقوية اللثة ...
***********************************

اتمنى تزيدون وصفات لتبيط المنطقه الحساسه والابط ..
واي خلطات عندكم مفيده للوجه ..
واي خلطه لشد الجسم ..
واي خلطات للشفايف ..
او سواد تحت العيون..
او النقط السوداء في الساقين بعد اللاوة او المكينه ..

وان شاءالله بدور لكم طرق لتعطير الجسم ..

بس خلوني اريح شوي والله وجعني ظهر وكتوفي ..

اتمنى تستفيدون ..وتفيدون ..
وسامحوني على القصور

السلام عليكم ورحمة الله وبركاته

بصراحه موضوعج حلوو ..بس ردج مفاجىء يعني كل هالسوالف عندج وتبين ..ماشاء الله حولج وحوالييج
المهم انا بعطيج اللي واللي مجربتنه اكيد ..بكل ذمة وضمير

الوجه هو اصعب شي..لكن بقولج انا استخدم صابون الكركم .. وهو حلو
معنه بشرتي دهنيه الا ويهي متحسن لني اغسل ويهي بصابون الكركم من خلطة كريم سودو
والنقط السودا احسها راحت مع منقوع المره و استخدمها مره يوميا

بالنسبة للمسام ترومين تمررين ثلج مغمسة بماي ورد يوميا العصر..وهم بعد يخلي بشرتج مورده

......................
العيون
دهني رموشج كل يوم بالليل بزيت الخروع ..و الضحى حطي عسل عليهن فضييع ..حتى امي لاحظت تحسن برموشي
السواد مالج غير البطاطا اما شرايح والا عصيرها
....................

الشفايف
كل يوم بالليل دعكيهن بليمون وعقب حطي كريم جليسوليد..وبالنهار حطي عسل او زيت لوز
ومره بالاسبوع حطي فازلين وفرشيها بفرشاة الاسنان



........................

للركب ولاكواع والاباط عدا المنطقه الحساسه
كريم طبي اسمه eldoquin forte 4%
بالصيدلية بعشرين درهم

.........................................
الارداف والصدر ..
وتشققاتها وترهلها خل التفاح عجيب وانا الحين استخدمه روعه مره بالليل

......................................

بالنسبة للشعر
ابدي بكريم اسمه dax وهو عليه صورة حرمه شعرها قصير وحرمه طويل العلبه شفافة لون الكريم اخضر وهو سميك شرات بالمرز
وبعد سوي زيت النارجين بالثوم او عافيه بالحلبه كلهن زيان حق الشعر ولا تغسلين غير 3 مرات بالاسبوع بالكثير .. لو دهني ..

اخيرا بالنسبة لجسمج

لازم اشوية رياضه لو حتى مشي نص ساعه يوميا ..ااتيوديين يمينج :D .. وادشين الحمام مرتين باليوم او ثلاث تعرفين ليش؟؟ :30:
واحذفي الوجبات الاضافيه بين الوجبات الرئيسية :(

واسمحيلي علاالقصور

انتبهو يابنااااااااات البيكربونات يحتوي على كربون والخبر المحروق يحتوي على كربون وهذا يؤدي لتااكل طبقه المينااااااا وراح ياثر على اسنانك

انصحك تجربين معجون سينقال بنظام التبيض الصحي وايت سستم وان شاء الله اسنانك تبيض يااارب
وان شاااء الله تختفي كل العيوووووب منا ومنك
تحياتي لك وبالتووووفيق بالموضوع الحلو