ليش هالنظره السوده للارمله والمطلقه ... وبعدين مع التخلف

السلام عليكم ورحمة الله وبركاته


اول شي وقبل كل شي....................اللي داخله وناويه تقل ادبها تطلع ولاتقرا موضوعي......


وانت اللي يالسه تكتبين عن الارمله والثانيه عن الملطقه والي تتحسب وتدعي وتعطي نصايح فتاكه نعم حبيبتي ما فكرتي في دقيقه لو انت مكان هالانسانه.............

شو شعورك ... لو احد تكلم عنك؟؟؟؟؟؟؟

لو احد خاف منك وقطع علاقته ليش عشان ربنا ابتلاها انها ارمله او مطلقه................

قبل لاتفكرين وتدعين عليها ليش ماتعدين لها انه الله يصبرها ويعينها على تربية اطفالها.........ليش ماتحنين قبل زوجك على عيال اخوه الايتام.........ترضن لو انت في هالمكان بكره ينرمون عيالك بالشارع............

... في مثل يقول العم ولي....<<<< يعني من بعد ابوهم غصب عن الكل عمهم هو الولي عليهم والوصي.....

واللي تفتي وين الحرمه تقضي عدتها اقول لها استريحي.........................وحطي قهوتك وتقهوي

قبل لاتفتين من عندك اسالي شيخ... انا 5 افتولي انه يجوز اقضي عدتي في بيت اختي<<<<< بتغيرون الفتوه على كيفكم

ما احد يعلم بظرف هالانسانه غير ربها ... بدل ماتقولين يابختها على الاجر وعلى صبرها تقعدين تكتبين من وراها قصص وتالفين... وناس تعدي.................وتتحسب


بس خلااااااااااااااااااااص نحن ناس متعلمه لين متى هالتخلف والهمجيه من بعض الحريم.........

واللي خايفه لازوجها يعرس عليها اقول لو ربنا كاتب انه يتزوج 10 غيرك صدقيني بيتزوج........ لو حطيتيه في صندوق وقفلتي عليه..............

واذا قلنا الارمله وشي غصب عنها مو بكيفها ربنا اخذ زوجها<<<<< تدرين انت وانت بكره تكملين حياتك مع زوجك او لاااااااااا ممكن انت بكره مكانا..............

كلنا كنا متزوجين وعايشين احلاااااااااا عيشه والله كنت ادخل واقرا المشاكل واقو لاالحمد لله اللي رزقني بزوج ملااااااااك مادريت انه الموت بيسبقني وبياخذه مني............. هذا قدر ومكتوب...

المطلقه........... قبل لاتشوفينها بنظره دونيه...........وتظلمينها ليش ماتقولين يمكن هالانسانه مظلومه محد يعرف سبب الطلاق غير رب العالمين.........هو ادرا بين الحرمه وزوجها..................


وما اقووووووووول غير الله يهديكم ياحريم قبل اي رد تكتبونه او موضوع عن انسانه حطي نفسك مكانها........ لاتقعدين تكتبين وناس تدعي......................


واللهم صبر كل ارمله واعنها على تربية عيالها وعوض كل مطلقه واكتب لها حياه سعيده...........


واللي مو عاجبها لاترد...........................:mad::mad:


مشكورين للي ردوا...........
وانا متكلمت عن نفسي لانه بعده ما عاش من يتكلم عني.......
انا اتكلم عن الجميع بصوره عامه لانه هذا الظاهر.......... واللي تقول ما شافت اقول لها لا حبيبتي لفي وشوفي المجتع اغلبه ينظر هالنظره السووووووووداء للارمله والمطلقه.... واللي خايفه على زوجها من الجميع هذي 10000% ماعندها ثقه بنفسها الواثقه لو تحط زوجها بين 1000000 حرمه تضمن لو انه يحبها ماراح يشوف غيرها............