السلام عليكم ورحمة الله
قرات كتير موضيع لبنات يشتهو كلمة ماما والله اني ادعي دائما لكل محروم ان الله يرزقها الذرية الصالحة لاني والله جربت الشعور وكان مؤلم كتير بس الله قادر على كل شي
انا حملت بعد ماتزوجت من اول شهر وربي رزقني ببنوتة وبس صار عمرها سنة اتمنيت اني احمل مرة تانية بس للاسف مرت سنة بدون ما احمل وبديت رحلة العلاج
ومشكلتي اني عايشة بغربة وما بعرف وين روح
فكنت وقت روح بلدي اتعالج واول مرة رحت فيها للدكتور انصدمت وطلعت من عنده عم ببكي
لاني ابدا ما كنت متوقعة يقول لي قاله قالي والله للاسف انتي عندك عقم وسط وصعب تحملي انا انهرت وماصدقت نسيت قلكم اني قبل بفترة سنةغابت عني الدورة وحللت طبعا تحليل منزلي وطلع خطين وكان عندي اعراض حمل وبعد 3 شهور رحت اعمل ايكو طلع مافي حمل ووكانت اول صدمة اي وبعد ما قال الدكتور ان عندي عقم وسببه طبيعة جسمي وعددلي بعض الامراض لي فيني وقال عندك صعف بالمبايض وعندك تضخم بالمبايض وعندك تكيس شديد وممكن تحتاجي عملية وكمان عندك ارتفاع بهرمون الذكورة حاجة ولا تسمعو كمان الحمد لله على كل حال بديت بفترة العلاج والادوية لي مالها نهاية وبعدها رجعت على غربتي وانا باخد العلاج لي وصفه دكتوري وفجاة صار معي نزيف بقي معي 30 يوم انا سالت دكتوري قالي لازم تفحصي عنق الرحم يمكن في شي بعنق الرحم سبب النزيف وبالفعل رحت وعملت فحص طبعا بعد بكيت بكاء لا يعلمه الا الله والحمد لله طلع مافي شي واخدت دواء لوقف النزيف ووقف
صار سنتين وماصار حمل وبدينا بالسنة 3 حملت سلفتي وهي عندها 4 اولاد الله يحفظهم لها بس للاسف نزلت حملها بعد شهرين وطبعا قالو من عيني وسمعتها بالعيلة لان سلفتي متغربة معي وبعدها بفترة برضو حملت وماقالتلي وسمعت ان قالولها ليش ما قلتي لسلفتك خايفة من العين وانا باخد حسبي الله وبقول انا بعدني صغيرة والله كريم وكمان هل مرة نزلت سلفتي حملها رجعت لبلدي وكنا حنخلص السنة 3 من دون حمل قل دكتوري في تحسن خفيف وبدا يعطيني ابر النشيط والحبوب وكل شهر تغيب الدورا نفرح وبعدها يخيب املنا الحمد لله وبعدها مليت من التحطيم بس ما يئست من رحمة رب العالمين
كنت ادعي ربي كتير ان يرزقني بتوام وزوجي كان يدعي وكنت ما اترك الاستغفار والدعاء وسورة مريم
المهم كنا بشهر رمضان كنت باخد علاجي بس كنت شلت فكرة الحمل وبطلت فكر كتير لاني تعبت واخذت بحدود 13 ابة منشط وعلبتين كلوميد وقالي الدكتور ان اخد ابرة تفجير عيار5000 الاف وقال ممكن يصير حمل وممكن لا بس كمان ممكن يصير معك ماء بالرحم وتضخم اكتر بالمبايض انا توكلت على ربي وعملت لي قال عليه الدكتور ورجعت لعنده قال عندك عشرين بويضة بس مو صالح منها لتلقيح الا 3 والله يخترلك الخير
وخلص شهر رمضان واجا العيد وانا متعودة ان الدورة تغيب عني لانها ما انتظمت وحملت سلفتي التانية وسلايفي كبار عمرهم بحدود الاربعين سنة وانا كان عمري 20 بس رب العالمين يرزق من يشاء
بس فرحت لان سلفتي التانية قالتلي الي اول وحدة انها حامل ودعيتلها من قلبي الله يثبه ويجبر بخاطرها ما حسستني انها خايفة من عيني
المهم انا تعودت عل تحليل المنزلي وقلت لزوجي يجبلي تحليل منزلي وقلت بستنى للصبح بحلل افضل بس ما بعرف ليش ما قدرت اصبر وعمات التحليل وكان خطين بشكل واضح كتير انا انصدمت بس كمان خفت يكون التحليل علط طلعت ورجيته لزوجي فرح كتير وشكر الله بس انا خايفة رجعت جبت تحليل تاني وكمان خطين واضحين كتير وبعد كم يوم رحت للدكتور وكمان خايفة يكون مافي حمل ويكون هرموناتي مرتفعة ما بعرف صارت الافكار تاخدني وتجيبني
وقعدة عل ايكو قال حامل مبروك قال استني حامل توأم وانا صار شكلي :32:
حمدة ربي و شكرته وهلاء صار عمرهم سنة ونص صبي وبنت
والله يرزق كل محرومة متل ما رزقني
*خواطر أنثى* @khoatr_anth_3
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
وهلاء الله يحميهم شيبوني والبنت دائما بتضرب الولد ويتخانقو على الالعاب بس حلوين ربي ما يحرمهم لمخلوق