يووووووووووووووووووه
تعب العزايم

أختيار نوع الاطباق له دور يعني اكلات تحتاج جهد ووقت هذي إستبعديها باأوقات العزيمه أحرصي على الاطباق السريعه السهله المرغوبه وركزي على نقطه مهمه خصوصاً لغير الخبيرات كل ماكثرت اطباقك كل ماقلت جودتها وزاد التعب واحتمال تخرب معاك ركزي على كم طبق بتطلع معاك مضبوطة
موفقه حبيبتي

يووووه
والله بالنسبه لي حوووسه اذا بسوي اصناف كثيره الله لايوريك المطبخ ينقلب فوق تحت واستحي اخلي احد يدخل ويشوفه تلقين الباب على طول مقفل
الي ماعندها شغاله افضل انها تختصر الاصناف قد ماتقدر

رفع

يسعدلي مساك حبيبتي

انا اجهز الحلويات قبل بليله وارتب البيت بعد ينام اطفالي واغسل خضار السلطات احمص الخبز اذا يحتاج
اقلي الخضار للصواني واكشن الدجاج او اللحم وابرده يجي اليوم الثاني بس اسلق مكرونه والباشميل
السلطه افضلها بنفس اليوم ورق العنب طول العام احشي وافرزن والكفتات والكبب والسمبوسه كلها مفرزنه
الطبخ ابدا اكشن بالعصر للرز وللحم او الدجاج المهم الاكل الرئيسي وبعدها اروح اتحمم واكشخ اخرررر كشخه
واخرج اسوي القهوه واجهز الحلى وتكون الفناجيل والكاسات من اليوم اللي قبل مجهزه ومغلفه هيا والتمر والمعمول
وابدا الطبخ بعد المغرب الجريش والاطباق الرئيسيه والباشميلات وعلى نار هادئه جدااا وابخر البيت ويوصلون الضيوف وبعد نضج الاكل
اسخن القلايه واقلي اللي تحتاج قلي ووقتها احضر السلطه وبعدها ابدا امد السفر

وبعد الانتهاء استاذن الضيوف عشان ام علي ضرووووريه بكل عزايمي فنانه بام علي
بس اكب الحليب على بف باستري محمص مع خلطتي السريه وعالفرن واتعشى وانبسط واسولف واجهز الشاي وام علي
ساخنه من الفرن واقدم وهااااااذي طريقتي وخبرتي بحكم عزااااااااااايمي الكثيروالمكلفه