اللي تعمل الماكياج لنفسها..؟

هلا حبيبتي
راح يطوول موضوعي شوي لاني بقولك عن المكياج خطوه خطوه
اول شي تعرفين نوع بشرتك اذا دهنيه ولا جافه ولا مختلطه حتى تعرفين تجهزينها للميك اب
اذا كانت جافه لازم ترطبينها بكريم يميل للدهني شوي مو مررره انا استخدم كريم من بدي شوب لونه من برا عنابي بالكرز ولون الكريم يميل للؤلؤي
واذا كانت دهنيه تاخذين كريم مرطب يكون قوامه مائي يعني لما تحطينه على طول تتشربه البشره مثل كريم اولاي اللي يجي في علبه مستطيله مو الدائريه لان قوامها دهني
واذاا كانت مختلطه فخذي شي بين الاثنيين او حطي موية ورد ونشا قبل الاساس

بعدين انتظر شوي واحط البيس واللي عندي من كريولان بعدين احط كريم الاساس ماكس فاكتور واخلطه بنقطه صغيره من الديرماكول بعدين احط الكونسيلر من HR بالطبطبه على منطقة العين باصبع الخنصر
وبعدين تحطين البودرة السايبه من ج كازنوفا واحط لتحت العين بودره خاصه فيها من كريولان لونها ابيض يميل للوردي شوي احطها بوفره تحت العين وبعدين احط اضاءة الحواجب من مكياجي لونها لؤلؤي
ثم ارسم العين بالظل من لورانس او فور ايفر تحطين اللون الفاتح على الجفن المتحرك والغامق على الزاويه الخارجيه بس انتبهي لا تاخذين من اللون الثقيل كثير بس لمسه بسيطه بالفرشه وحركيه على يدك قبل بعدين وزعيه على خفييف حتى يكون الظل ناعم وماهو ثقيل وطبعا اهم شيالدمج ثم الدمج ثم الدمج حتى ماتكون الحدوود بين الالوان واضحه
بعدين ترسمين الكحل السايل على حدوود العين بكحل محمود سعيد
بعدين احط الماسكرا من لانكوم او HR هم احسن شي وعن تجربه
بعدين تمسحين البودره الزايده اللي تحت العين وبتلاحظين ان المنطقه نظيفه ومرتبه
بعدين نجي للبلاشر استخدم برجواز او نينا ريتشي الوانها مرره حلوة ورايقه وتحطينها على تفاحة الخد يعني اضحكي والمنطقه البارزه من الخد هي اللي تحطين عليها البلاشر وبعدين توزعينه كويس

ونجي للروج والمحدد ارسمي بالمحدد كويس بعدين حطي بودره سايبه على الشفابف ثم ارسمي مره ثانيه بالمحدد هذي الطريقه تثبت الروج ثم وزعي الروج استخدم كذا ماركه للمحددات منها كراجا ولووك وللارواج كراجا وذي بدي شوب و ريفلون
بعدين احط بودرة الاضاءه على الخدود والانف والجبهه واذا كنتي تبين الاضاءه قويه شوي حطي كريم الاضاءه مع الاساس من ريفلون بعدين بودرة الاضاءه من ريفلون كلها تكمل بعض بعدين ارش مثبت المكياج من ستيج
وهذي اهم الخطوات حبيبتي
اتمنى اني اكون افدتك
موفقه عيوني وان شاء الله تكونيين احلى وحده

للرفع

اولا حبيبتي ترطبين بشرتك بعد ماتنظيفنها بالملك والتونيك وا لافضل تمررين ثلجه او موية وردبارده علا وجهك عشان تشدوبعدين ترطبينها وبعد خمس دقايق علا الاقل تحطين البيس وبعدين الاساس وبعدين الكونسيلر وبعدين البودره المضغوطه والحره تحطينها تحت العين عشان تشيلنها مع الظل الي بيطيح من العين وترسمين عيونك وتشيلين البودره بعدين الروج والبلاشر .
احلا ماركة اساس وكونسيلر وبيس وكريم اضاءه ميك اب فور ايفر والايلنر والماسكرا لانكوم
والبودره المضغوطه والحره كانيبو وممكن اي ماركه لانها بودره وبعدين اذا بستخدمين كريم الاضاءه تخلطينه مع الاساس وهذي خطواتي بالمكياج العادي والسهره بس تفرق بالاضاءه لانها تكون لسهرات وكل واحده لها اختلافات بسيطه بس الخطوات نفسها وممكن تحطين الكونسيلر اول بعدين الاساس وممكن تكتفين بالمرطب من دون البيس اذامو سهره انه يعمل علا تثبيت المكياج واهم شي اذا خطواتك صح وماتعرفين تفنني بالظل حطي لون واحد يطلع مره هادي ولازم تكونين تعرفين ترسمين عيونك بالاينر وبيكون احلا مكياج وكلهم بيسالوك وين سويته واتمنا اني افدتك

موضوع حلو ومفيد وراح اقولك خطواتي بالمكياج ؟؟؟؟؟؟
لاكن لي رجعه معاكي حبيبتي....بعد ما اعمل عشاء زوجي......
وموفقه حبيبتي............
توتوالحلوه..........

حبيبتي خطوات عمل المكياج مرة سهلة
وانا بصراحة كل ما اروح لزواج انا الي اسوي مكياجي بنفسي
اذا كنتي بنت ما بعد تزوجتي يفضل يكون المكياج خفيف بس مو مرة يعني حلو