موقف صبرتي فيه وأحتسبتي الأجر.... وأتاك الفرج جزاء صبرك

الصبر مفتاح الفرج ......... مابعد ضيق الا سعه
يمر على المرء ساعات يضيق بها ذرعا" وعند الله منها المخرج
ضاقت فلما استحكمت حلقاتها فرجت وكنت اظنها لاتفرج

مررتي بضيق او بموقف مؤلم او مصيبه (ابعد الله عنا وعنكم المصائب)
او...........او......او أي كان
وماكان امامك الا الصبر فتمسكتي به ووكلتي امرك لله واحتسبتي الأجر
وصبرتي على ما كان بك ولم تشتكي ولم تكثري التذمر ورضيتي بقضاء الله وقدره
عليك وطال بك الهم وتوالت الأيام وربما السنين ثم اتاك الفرج من عند الله وابدل حزنك وهمك فرحا" وسعاده وراحة بال وحال......
يانواعم حواء كل وحده مرت بموقف كهذا سواء كان الأمر كبيرا او صغيرا وصبرتي عليه واتاك الفرج جزاء صبرك ......تحكي لنا لعل بعضنا يستفيد من بعض ويعرف ان كل من على وجه هذي الأرض به من الهموم مالله به عليم قال تعالى(انا خلقنا الأنسان في كبد)
وانا ببدأ أولكم ,,,,,,,,,,,
هذي القصة لوحده اعرفها......
بنت طيبه وحبوبه وخدومه كلن يذكرها بالخير تزوجت بعد زواجها بسنه اوثلاث سنوات
مادري كم بالضبط المهم صار زوجها مدمن مخدرات انقلبت حياتها عذاب لايطاق
صار يضربها وهو داخل وهو طالع..انسجنت في بيتها والناس ماعاد يزوروها كثير وجيرانها كم مره شافو زوجها وهو سكران وصار و يخافون منه وهي تصبح على الدمع وتمسي عليه وليت هالعذاب كان سنه او سنتين او ثلاث سنوات او اربع كان اكثر شكت لأهلها وكلموه بس مافاد ...وكلمو اخوانه ونفس الشيء ماتغير شي ومع الوقت تدهورت حالته اكثر وصار يسرق
الى ان انسجن وكانت مدة سجنه سنه تقريبا" كل من حوله اشاروا عليها تطلب الطلاق منه وتسكن عند أهلها .....(هنا تبدأ معاناه أخرى وزاويه اخرى تتكأ عليها مشاكل اخرى في حياتها..... ابوها متوفي وزوجة اخوها ساكنه مع امها وخواتها بالبيت
امها تراعي نفسية زوجة ولدها الي كانت تكره الزحمه والجمعه وصارت الأم تكره جية بنتها وتتذمر اذا جتها وتسمعها كلام مثل السم.وأحيانا إذا درت أن بنتها بتزورها تقول لها لاتجينا أجلسوا في بيتكم )
المهم رفضت الطلاق علشان بناتها وعيالها وقررت تتحمل وتكمل باقي حياته بأي حال
ضحت براحتها علشان عيالها مايتشتتون ولاطاوعها قلبها ترمي عيالها وهم بأمس الحاجه لها ومرت سنه اوأ كثر وطلع زوجها من السجن وماتغير فيه أي شيء.... ومرت سنين وهو على حاله حاولو أهلها يحلون الموضوع ويخلونها تستأجر لها بيت عند أهلها بنفس المنطقه بس هي رفضت لأنها ماتبي تترك بيتها وتروح تثقل على أخوها أو أخو زوجها بتكاليف أيجار البيت وطلبتهم يكلمون زوجها ويحاولون يصلحون من حاله .....
وهي الله يعظم أجرها مافي أحد من الناس خلاها بحالها الي يقول بارده ماهمها شيء
واللي يقول كله من أهمالها ....... لكن جزاء الصبر مايضيع
بعد سنين المعاناة والضياع والألم ...... بدل الله حالهم وفرج همهم
ترك زوجها المخدرات وصار تاجر كبير وتزوجوا عيالها الكبار وصار عندها أحفاد
وزوجها صار طيب معها وعوضها الله عن كل ألم بفرح ... لأن هذا وعد الله
قال تعالى (وبشر الصابرين ).......
وفي قصه ثانيه مؤثرة مررررررره بس ماراح أقولها لين أشوف تفاعلكم ومشاركاتكم
...................