مشكله متعبتني مره اتمنى القى عندكم حل

الصحة واللياقة

اهلين خواتي الغاليات

عندي مشكله متعبتني مره الارق مانام بسهوله سبحان الله

مع اني مافكر بشيء ولاحتى شيء يشغل بالي

احس راسي وعيوني يعوروني وجسمي مهدود واذا نمت لو ساعه او ساعتين بالغصب

اعود اقوم ويطير النوم ونفسيتي زفت واحس كأني تعبانه مالي خلق شيء

وشهيتي مسدوده ماعاد اشتهي شيء ابد ما اكل الا بس عشان اعيش لولدي

خواتي مين مرت عليها حالة الارق هذي وتشافت منها وتقولي وش سوت عشان راح منها

وللي ماعندها حل اتمنى ترفع الموضوع ولو بدعوه منها

11
11K

يلزم عليك تسجيل الدخول أولًا لكتابة تعليق.

تسجيل دخول

إبداع انثى
إبداع انثى
هلا اختي الغاليه

لا ماعندي تشنج الحمدلله

عصبيه بس مب دايم احيان تجيني حاله اعصب على كل شيء واحيان عادي

ايه عندي قشره بالراس

ماعندي ضعف عضلي

عندي تقص شعر بس مب شديد

لا ماشرب كفي ولا شاي بعد العشاء

لا ماتعشى ثقيل نادر بس مو متاخر مره على 11 بالليل

تسلمين على التفاعل
امي قلبي
امي قلبي
عادي يا اختي لاتضيقين ان مثلك وكم مره ادخل على مواضيع البنات الي فيها ارق واقول الحمد لله موبس انا الكل يعاني والله تجيني ايام لاليل ولانهار بدون سبب يذكر وتعب وهده حيل وجهي اصفر ومالي خلق عيالي ولافيه شي ماجربته لبن با اليل واحيانا اشرب بابونج مع مليساء يقولون مهدي طبيعي واكلت حبوب بندول نايت بدون فايده وحده طمنتني با المنتدى وقالت لي يا اختي لايضيق صدرك احيانا اجلس خمسين ساعه مانمت وقلت يا ويلي بينفجر راسي من قله النوم !!بس طمنت نفسي وقلت لازم تنظمين الساعه البيللوجيه بالجسم وبعدين تنتظم وانا الا ن علا حالي مايعلم بي الا ربي بس الشكوه الى الله رحت جي ان سي وقلت له على حالتي وعطاني حبوب هرمون الميلاتونين قال خوذيها وتريحك انا دايم استعملها ولا فيها ادمان بس لازم تاخذينها وقت النوم وهي عملها تنظم هرمون النوم بس انا رفضت امي اني اخذها وقالتلي حطي قران سوره البقره وان شاء الله بتنامين واذا مانمتي مانتيب ميته !!!.دايم امي تقولي كذا .ولا تحطين فى بالك انك فيك قلق وارق خليه عادي علشان مايكبر فى عقلك الباطني وخلي تفكيرك ايجابي ولاتكثرين من الشكوه انا ما انام انا ما انام لا انتبهي انا دخلت موقع البرمجه الغويه العصبيه وصرت اراسل طبيبه هناك وصارت تنصحني با التفكير الايجابي يارب تفرج همي وهمك وتنومنا على خير وبس ادعي يارب اتنمومني يارب زي العالم والناس اتمنى امارس حياتي طبيعيه مثل الخلق والمشكله اني اذا مانمت يرتفع عندي الظغط واتعب واجد والله اني لاحيه ولا ميته من الضغط بس طايحه ..خواتي الله يحفظهم يروحون ويجون ويطلعون عيالهم ويدقون علي وارفض الطلعه من قله النوم واحرم نفسي وعيالي وكله واحد والله لني لاشاهي ولاقهوه حارمه روحي فنجال قهوه علشان ارتفاع الضغط وعلشان النوم يتعدل وكله واحد واشوف الناس تتقهوى قدامي وماشاء الله ينامون وانا الله يرحم ضعفي ويفرج همي بس صيف وشتاء نفس الحاله والله اني افكر بطبيب نفسي بس خايفه من الادمان وعبد الباسط ارسلت له وقلت له على مشكلتي وارسل لي وقال دعي احد يقراء عليك وكولي كبسولات القديسين من جي ان سي وهي اتريحك بس الى الحين ماشريتها .يا اختي طولت عليك بس حبيت اطمنك اني مثلك واسواء بس كثري من الدعاء وصلاه اليل والصدقه والله يحفظك ويرعاك:26:......................
إبداع انثى
إبداع انثى
عندي جلدة الراس الدهنيه كثير

لا ما اكل شكلاته يومياً

لا ماعندي امساك شبه دائم بعض الايام

حموضه مب دايم
إبداع انثى
إبداع انثى
هلا اختي امي قلبي الله يشفينا انا وياك والمسلمين منجد حالتي مثل حالتك حارمه عمري القهوه وشاهي حتى في المناسبات وطلعات

تسملين على الرد والله اني حاسه بك يالغاليه الله يشفينا يارب العالمين عاجلا غير اجلاً
@لسعة شقاوه@
@لسعة شقاوه@
الله يشفيك يااارب


رفع لعيونك