هلا والله


في طريقتين حبيبتي.. يعني خلطتين وانتي نقي للي تبين ..

اول شي تنظفين الزبيديه عدل مدل
تغسلينها بماي وطحين وكركم ..
عقبها نقعيها بشوي ليمون

تكونين مبطله بطنها كله ..

وهذي الخلطه الي تحشين فيها بطن الزبيديه :

حبه طماط
حبه فلفل اخضر علوب حار
فص ثوم او اثنين حسب الرغبه
عصير ليمون وحده
بصله وحده صغيره
شده كزبر فريش+ شده شبنت فريش+ شوي من خضره السمج
شوي من البهارات..الفلفل الاسود..الكركم ..
صبار تنقعينه بشوي ماي .. بس شوي يعني لازم يكون ثقيل وايد.. تصفينه عقبها وتخلينه على ينب
ملعقه صغيره معجون طماط..

كل هالمكونات حطيهم بالخلاط .. لما تتكون عندج عييينه او صلصه ثقيله وايد ..

طبعا تكونين املحه السمجه من داخل وبره ..
تحطين داخلها هالمكونات .. واذا حابه مسحي شوي منه بره السمجه ..

(( حطيها بالفرن لما تستوي وتتحمش.. اتوقع المده ماتزيد عن 15 دقيقه))

هذي الطريقه الاولى


الطريقه الثانيه ..

حشوتها شوي غير وابسط بس الاولى الذ

الثانيه حطي:
خضره السمج
شبنت
كزبر
ثوم
شوي بهارات
مع شوي زيت زيتون بالخلاط كلهم واحشيهم المسجه

............

تقدرين تشوينها بالجيس المخصص للشواي
او تشوينها بصينيه الفرن
صينيه الفرن احلى والاحلى صج لما يكون بالفحم






انا معتمده الطريقه الاولى رهيييبه
سويها وادعيلي

upp

ماشاءالله شهيتوني على هالصبح

انا قد شويت مره كنعد على فحم

شرايح كنعد انا شريتها مجمدة كيس فيه 5 شرايح بـ23 وهذا يعتبر رخيص بالنسبة لكنعد لأنه غالي لو كان طازج وحتى في المطاعم ، المهم خليتها تنزل الثلج كله ثم تبلتها قبل الشوي بيوم بـ ليمونه وممكن تخففينها بشوي مويه وملح وفلفل اسود وبهارات وكاري وكمون وشوي بودرة ثوم وقطعت معها فصين ثوم ممكن تحطينهم في قدر او زبديه او حتى كيس لحم او اي كيس وتدخلينهم الثلاجة لين وقت الشوي وفي يوم الشوي وقبل مايجي وقته انا قلبت السمك داخل الخلطة عشان تتشربه مع كل الجهات صراحة لذيذ لذيذ وطلع يشبة طعم كنعد مطعم يامال الشام عندنا بالرياض.

نفس الطريقة تصلح لشواية الكهرب وللفرن وللصاج
موفقه