كيف اعمل التمر ؟

مابعرف والله لكن الرطب تقدري تقسميه في علب صغيرة وتوضع في الفريزر وتطلعيه قبل الاكل بساعة ومايتغير ابدا

اشكرك اختي
لكني اعني اريد ان اصنع التمر في المنزل بتجفيفه في الشمس
لكني لا اعرف الطريقة بشكل سليم و كيف امنع انه لا يسوس ولا يخرج منه ديدان

البلح اول شي يكون اصفر او نصه اصفر ونصه بني
انتظري عليه لسن يصير كله بني
غسلين وصفيه من الموية زين وانشريه ينشف زين
بعدها صفيه باكياس نايلون بشكل مرتب وحاولي قد ماتقدرين ما يكون فيه فراغات خلي التمرة جنب التمرة
ولو شلتي راس التمرة من فوق هذاك الجزء اللي نشيله قبل ما ناكل الرطب يكون افضل
بعد ما يمتلي الكيس تحاولين قد ماتقدرين تفرغين الهوا منه وتسكرينه زين زين وتربطينه او انك تسكرينه بالجهاز الحراري للتغليف
اهم شي الكيس يكون مسكر عدل
وراعي ان الكيس يكون ثقيل ونوعيته كويسة
بعد ما تخلصين قد يكون عندك كيسين او ثلاث حسب كمية الرطب اللي عندك
صفي الاكياس على بعض وحطي فوقها شي ثقيل ومسطح مثل السيراميك او الرخام او اي شي ثقيل وفوق الرخام حطي بعد اشياء ثقيلة عشان ينضغط التمر عدل
اتركيه مضغوط لمدة شهر وهو بيبدا يستوي تمر ويطلع لك دبس ما احلاه واستمتعي فيه وادعي لي

إن شاء الله تكوني استفدتي مني و إن شاء الله يفيدونك الاخوات اكثر

الله يخليك حبيبتي و يجازيك كل خير و يوفقك بحياتك ويرزقك من حيث لا تحتسبي
و ان شاء الله بتبع طريقتك
ويااارب انجح في عمله

إحنا نسويه بنفس طريقة رومانسية بس لااازم ينحط موية عشان لايصير جاف
يعني لما تحطين التمر بأكياس حطي عليه فنجال او بيالة موية ع حسب كمية التمر
وفيه ناس تحط موية وعسل عشان يطلع للتمرة صوت فرقعة وطعم لما تفصلين التمرة عن التمرة
وكمان فيه ناس تحط اضافات تخلطها مع التمر احيانا سنوت او حبة سوداء تطلع طعمها قوي بالتمر

ولاتنسين لااازم شي ثقيل يضغط عليه مثل البلوك او اي شي ثقيل عشان يطلع الدبس
ملاحظة: فيه اكياس خاصة بالتمر نفس حقت اللحم بس قوووية