حرم عبدالوهاب :

صعبه اقولك ردي عشان ماتزيد المشكله بسبب هالموضوع وهو موضوع تافه .. لا تلقينه اهتمام اهم شي انتي واثقه من نفسك ومن ولدك والحمدلله .. حاولي ماتركزين على استهزائهم .... او اذا امك موجوده او ابوك الله يحفظهم تخلينهم يوصلون الكلام لاختك الكبيرة بأنك تبغينها تترك التعليقات على ولدك لانه اذا كبر بيصير يفهم ويمكن يأثر شوي على نفسيته ... لكن صعبه انتي بنفسك تردين طبعا انا ما اعرف شخصيتها اذا بتتقبل ردك لو قلتي الحمدلله ولدي يجنن او طلعتي من المكان توضحين انك متضايقه او تقولين يا ملح وليدي بعد كاشخ اليوم زي كذا بمعنى انك ما اهتميتي من كلامها بتتضايق .. وتترك التعليقات .. بس مدري عن شخصيتها انا يمكن تعاند وتزيد وتصير زعل بينكم وهذا مايجوز فالافضل امك او احد حكيم من اهلك يوصل لها انك متضايقه افضل .. لان اهم شي علاقتك في اهلك تكون حلوة لانهم رحم وصلة الرحم مهمه سبحان الله لان الرحم معلقه بالعرش تقول من وصلني وصله الله ومن قطعني قطعه الله .. معليش،طلعت عن موضوعك بس حبيت اوضح لك انه اهم شي علاقتك مع اهلك ما تسوء وانتي حاولي تتجنبين التعليقات بمعرفتك وادعي ربك .. ( اللهم ألف بين قلوبنا واصلح ذات بيننا واهدنا سبل السلام ) وادعي الله يسخرهم لك ولولدك ووكلي امرك لله والله يعينك .. وحاولي ماتجلسين انتي وولدك قدام اختك ذي كثير خليك بعيده شوي عنها .. عشان تتجنبين تعليقاتها قدر الامكان الله يسهل امرك ... واهم شي الحمدلله انك بخير وولدك بخير الحمدلله هذا اكبر نعمه وكل شي بيتغير دوام الحال من المحال سبحان الله بيكبر بإذن الله ولدك وبيصير رجال وبتنسين هالتفاهات اهم شي انك حصلتي على نعمة الزوج والولد وهالتعليقات من اللي حواليك لا تهمك ابدا ولا تفكرين فيها عشان ما تتعبين تعودي علىالثقه بالنفس،وانك مايهزك كلام الناس،وعودي ولدك على هالشي وحطي في مخك انهم غايرين منك عشان كذا يتكلمون وعودي ولدك على الثقه بالنفس، وانتي بنفسك امدحيه دايم وشجعيه عشان يكون واثق من نفسه ولا يهمه كلام الناس وخليه يحط في باله ان اي احد يرمي عليه كلام يكون غاير منه وانه يكون آثم واخذ سيئات وولدك اخذ حسنات لانه ما رد عليه واحتسب الاجر عند الله .. لان ولدك بيكبر ان شاءالله ويخالط المجتمع وياما بيجيه أذى من الناس تعرفين المجتمع فيه مشاكل الله يعين ...فلازم التطنيش مهم والثقه بالنفس اساسيه .... وايضا الواحد يعفو عن الاخرين ويصفح وتذكري قول الله ( ومن عفا وأصلح فأجره على الله ) ( فليعفوا وليصفحوا ألا تحبون أن يغفر الله لكم) بمعنى ان العفو عن الناس سبب لغفران الذنوب سبحان الله ....

صعبه اقولك ردي عشان ماتزيد المشكله بسبب هالموضوع وهو موضوع تافه .. لا تلقينه اهتمام اهم شي انتي...