السلام عليكم
كيفكم يا بنات ؟؟؟
:26::26::26:
بنات بدخل بالسالفه على طول زوجي ضربني قبل شوي بقولكم كيف طبعاً .... بعد ماجى من الدوام وتعشينا وشرب الشاي كان داق على امه يكلمها وبعدها كلمت مرت اخوه الكبير قلت له عطني اكلمها وكلمتها وانا اكلمها توترت حيل من بنتي الله يحفظها جالسه جنبي على الكنبه وتصيييييح انا بكلم انا بكلم مع انها كلمت قبلي مرتين بس دلع زايد وابوها جنبها مطول على التلفزيون ويتابع ولا كأنه يشوفها وتصيح وتأخذ السماعه من بيدي مو عارفه شقول للمره توترت وارتفع ضغطي بصراحه خصوصاً انه انا في معاملتي مع بنتي احلم حيييييييييل احاول اكون صبورة قد ما اقدر هي دلوعه وعلى اي شي تتحجج وتتشرط وانا اسايرها واقول لا عيب ياماما ومايصلح كذا اضغط على نفسي قد ما اقدر عشان ما اعصب عليها بس اذا انفجرت انفجرت يعني اجمع واجمع في قلبي لييين ما احط حرتي فيها يوم من الايام عاد الليله ضايقتني بموقفها وقمت وضربتها على ظهرها لما زعجتني طبعا عمرها 3 سنوات وقمت من يمهم من الكنب بجلس مكان ثاني وانا قايمة زوجي ضربني على ظهري بدل الضربه اللي عطيتها اياها وقالي سكري منها ولاتكملي المكالمه انا انصدمت منه اول مره يسويها واحس الموقف مايسوى وحتى لو يسوى مايرفع يده علي المهم انا اتلخبطت مررررررره وتلعثمت وعلى طول قلت لها انا مضطره اسكر وسكرت وجلست واحس فيني الصيحه وحتى وجهي تغيييير مرررررره هو لاحظ بس ما اهتم وقعد يتابع التلفزيون بعدها قمت جلست في الغرفه وطلعت الصيحه اللي فيني ولحقتني بنتي وجلست شوي وانا اصيح وبعدها هو جى ..
بس ماجى يعتذر ولا شي جى يقولي اني انا ماضربتك انا دزيتك بس بيدي وضربه عاديه وخفيفه مع انها والله مو خفيفه وهذي ردة فعل لا اراديه بما انك ضربتي بنتي قلت ماترضى تنضرب بنتك وتضرب بنات الناس بصراحه مو مشتهيه اتكلم لما جى ابد ابد ولا ادافع عن نفسي يقول الدزه عاديه وحتى ماطحتي على الارض لو طحتي بعتذر لك ومادري ايش بس انا طفشت من المشاكل توني قبل يومين منزله موضوع مشكلة مع زوجي ومن نصائحكم قررت اطنش وامشي واعدي واقدر ظروفه لانه مضغوط من عمله بس ما اقدر احس فيه اشياء ما اقدر امشيها والله نفسيتي تعبت انا مقدره كل اللي يسويه لكن مو معناته يضغط علي ويهيني ولا حتى يطيب خاطري بأي كلمه
وطبعا هو طالع بموضة جديده هاليومين انه مهما يسوي مهما يغلط ما يعتذر ويطنش ويعيش حياته ولا كأنه مسوي شي وانا اللي تحترق أعصابي هذا الشيء مضايقني حيييييييييييييييل فيه قبل ما كان كذا قبل اذا غلط يعتذر حتى لو ما اعتذر يجي يتكلم معي ونتناقش ويطيح الحطب الحين لاااااااااا
هذا اللي مضايقني اكثر.. مدري صار يكرهني والا شقصته
بنات ساعدوني ابغى اعرف ارائكم انا غلطانه ومكبره السالفه عالفاضي والا هو غلطان اللي تنصحوني فيه بسويه ابغى وحده تنصفنا احنا الاثنين
طبعا نسيت اقولكم بعدها رجعت جلست معه الصاله هو قالي قومي وقمت وظليت ساكته فتره طويله ويقول لبنتي روحي قولي لامك تتكلم قولي لها تبتسم روحي بوسيها بعدين قمت اسولف ومشيت المشكله ما بي اضايق نفسي اكثر بس للحين احس اني مجروحه منه وشايله في خاطري وما ابغاه يتعود يجرح ولا كأنه مسوي شي
بالله عليكم ساعدوني طلبتكم هالله هالله بالمشورة الحكيمة وادري فيكم قدها وقدود
وبلا ردود جارحه بلييييييييييييييييييييييييز
:(
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
يا حبوبه انتي رجعتي تسولفين ومشيتي الامر
خلاص السالفه بتنسينها بحول الله\هو غلط مدة اليد دزة كانت او ضربة بس هو شوفيه قام يتميلح وماوده تزعلين يقول لبنتكم كلمي ماما قولي الخ الخ
يعني عديها ها المره وان تعودها الله لايقولة مرة ثانيه اوقفي له وقولي بصريح العبارة انتبه تمد ايدك علي لادزة ولاغيره انا مو آله اندز ولا لعبه انطق انا انسانه لي احترامي لنفسي وما ابي افقد الاحترام اللي بيني وبينك
ترى الاحترام اهم من الحب الف مره\
لو ضربتك انا وقلت لك مو بارادتي بتعديها ترى مثل ماتحس انا احس وعيب نوصل لها المواصيل
روووقي وربي يسعدكم يمكن فعلا مضغوط من العمل والظروف اللي يمر فيها مو تبرير لكن ربما
ومدري اذا اول مره يمد يده عليك او لا
ويمكن عارف انك بتعذرينه فسواها
على العموم راحت خلاص وربي لايعودها
بليز لا عاد تضربين الصغنونه امسكي نفسك حتى لو كنت بركان وضربة الظهر ترى والله لها مخاطر
فرج الله همك وازاح كربك ورزقك من حيث لاتحتسبين واجارنا الله واياك من شياطين الانس والجن
دمتم بود
خلاص السالفه بتنسينها بحول الله\هو غلط مدة اليد دزة كانت او ضربة بس هو شوفيه قام يتميلح وماوده تزعلين يقول لبنتكم كلمي ماما قولي الخ الخ
يعني عديها ها المره وان تعودها الله لايقولة مرة ثانيه اوقفي له وقولي بصريح العبارة انتبه تمد ايدك علي لادزة ولاغيره انا مو آله اندز ولا لعبه انطق انا انسانه لي احترامي لنفسي وما ابي افقد الاحترام اللي بيني وبينك
ترى الاحترام اهم من الحب الف مره\
لو ضربتك انا وقلت لك مو بارادتي بتعديها ترى مثل ماتحس انا احس وعيب نوصل لها المواصيل
روووقي وربي يسعدكم يمكن فعلا مضغوط من العمل والظروف اللي يمر فيها مو تبرير لكن ربما
ومدري اذا اول مره يمد يده عليك او لا
ويمكن عارف انك بتعذرينه فسواها
على العموم راحت خلاص وربي لايعودها
بليز لا عاد تضربين الصغنونه امسكي نفسك حتى لو كنت بركان وضربة الظهر ترى والله لها مخاطر
فرج الله همك وازاح كربك ورزقك من حيث لاتحتسبين واجارنا الله واياك من شياطين الانس والجن
دمتم بود
wteen**
•
خلاص دام طاح الحطب بينكم ويش تبغينا ننصحك فيه
بما انه جاك الغرفه فهذا اعتذار لكن بطريقته هو
بعض الرجال ما يحب يقول اسف وسامحيني ومن هذا الكلام لانه يكابر
هو لحقك الغرفه لانك ما هنتي عليه وهذا اعتذار من وجهة نظره
الله يهدي ما بينكم ويسخركم لبعض
بما انه جاك الغرفه فهذا اعتذار لكن بطريقته هو
بعض الرجال ما يحب يقول اسف وسامحيني ومن هذا الكلام لانه يكابر
هو لحقك الغرفه لانك ما هنتي عليه وهذا اعتذار من وجهة نظره
الله يهدي ما بينكم ويسخركم لبعض
الصفحة الأخيرة
احس انه صادق لما قال انها ردة فعل
بعدين واضح انه حاول يعتذر لك بطريقة غير مباشرة
كثير من الرجال ما يحبون يعتذرون
الله يهدي بالكم ويبعد عنكم المشاكل