الله يوفقنا واياكم ونبني بيت العمر

شكرا قرموله على ردك ...بس يالغاليه بدل مااشتري شقه ب300 الف ريال
اشتري ارض افضل بعدين الشقق صار بناها اي كلام ومشاكل الجيران كثيره

(زينه) الله يكتب لنا وياكم بيت العمر عاجلا غير اجل

الله يرزقني ببيت العمر الي كل يوم احلم فيه عاجلا يارب العالمين

اذا امكانياتك تسمح تاخذ القريب افضل
لو ماتسمح خذي البعيده والسياره تقرب المشوار ,وراح تفتح محلات ومستشفيات ومدارس خلال ال5 سنين

واستخيري وشوفي اللى تقدروا عليه

-

عزيزتي عن تجربة أقولك
أول ما اشتروا أهلي الأرض قبل 8 سنوات في الصحافة كانو كل الأهل يقولون بعيييييييييده شتبون فيها محد بيزوركم مع العلم كل أهلنا بشمال الرياض بس حكي الناس ما ينتهي
و فعلا كانت الصحافة صغيرة و فيها مساحات بر و فاااضيه أخذنا بعمار البيت تقريبا 4 سنين أو خمس ووقت سكنا صارت الحاره ما شااااء الله كلها ملياااانه يعني الأحيااء الجديدة تمتلي بسررررعه حتى المجمعات قربت عندنا جانا الرياض جاليري مره قريب حولنا ما ياخذ 8 دقايق والمدارس شكثرها أهليه و حكوميه
فعلى هالأساس أقولك ما أعتقد فيه منطقه بعيده كلها تتعمر بسرعه حتى الأسواق قربت .. و على فكرة مقر جامعة الأميرة نورة الجديد اللي لسى ما بنوه حاطينة في أقصى الشمال يعني الدنيا في آخر آخر أخر الشمال بتنهض نهضه كبيرة مستقبلا
اذا لقيتي حاجة بعيده و رخيصه اشتريها على ما ينتهي البيت يكون الحي مكتمل
بس اذا البيت من رواتبك انتبهي ووثقي أوراقك عدل و اضمني حلالك الدنيا ما تبقى لأحد : ) < عجوز


يعلم الله اني أبغالك الخير و اجتهدت أوصل لك شي من تجربة مرينا فيها .. الله ينفعك فيها و يدبرك على أحسن الأمور