اعطوني حل براتبنا ...؟؟

عاد الشهر هذا قلت انا اباخذ الراتب كله عندي ..واحاول اشوف ..كم نصرف ...

المفروض على اللي كتبتي مع الفاتورة يبقى أقل شي 3 آلاف ريال!!
طيب خليني أقول لك
أول شي زوجك يفتح حساب ثاني ماااايلمسه أبدا إلا وقت الضرورة القصوى يعني ممكن تمر سنتين ثلاث ما يحتاجه وممكن يأخذ منه لو احتاج فلوس كثيرة ضرورية لكنها تأثر على الميزانية مثلا لو كنتم محتاجين للأجار وكذا
طيب نقول كم يحول لهذا الحساب ومتى يحوله؟
فرضا الفلوس تجيه على خمس دفعات كل دفعة فيها 1000 ريال
الألف فوووور ما يستلمها يودع منها أقللللل شي 500 ريال يعني نصفها تروح لحساب التوفير
طيب على أي أساس قلت أقل شي 500؟
لأني من كلامك لاحظت انكم تصرفون على الضروريات أقل من نصف الراتب معناها حفظ نصفه مو صعب أبدا
وعلى فكرة توفير 2500 نهاية الشهر مو كثيرة وقت الحاجة لها لأنها نهاية السنة تطلع 30000 ريال فقط ننقص منها حاجاتكم الشخصية والضروريات الثانية غير الأكل والشرب ممكن يبقى 20000
ونهاية السنة ما تنصرف أبدا ولا تضيعونها بسفرات ولا بأشياء ما لها داعي (طبعا أنا أتكلم على افتراض انه مافي أجار)
طول السنة المفروض تكونون مرتاحين تقريبا لأن فيه زيادة على الضروريات ما حفظتوها في هالحساب
طبعا المفروض بعد ما تخلصون من تسديد الأقساط وتكونون وفرتوا يصير الأمر عكسي يعني توفرون للجاي ما تأخذون لتسديد الماضي وهذا أريح بكثير لأنه ما يصير فيه دين
وكلما وفرتوا أكثر كلما كسبتوها وقت الازمات وصرتوا مرتاحين
وحتى المصاريف اللي كتبتيها ممكن تنقص لو شديتوا الحزام شوي ورتبتوا مصاريفكم أكثر
بس اكبررر غلطة انكم تحولون للحساب ونهاية الشهر تسحبون منها لأنكم بذرتوها أول الشهر وخخلوها قاعدة: اللي يدخل الحساب تنسووووونه واعتبروه انصرف بالسوق ولا في مطعم ولا غيرها ولا تفكرون فيه أبدا
أول شي ادرسوا المصاريف الشهرية وخلوا هامش بسيط للأزمات والباقي للحساب فوووورا
وما تقولون نصرف هالالف والدفعة الجاية نوفرها لأنكم ماراح توفرونها وراح تطلع لكم حاجات في وقتها
وبنفس الوقت ما تحولونها للحساب وأنتم أصلا مضطرين لها ويصير تتعودون تسحبون من الحساب ومايصير للتوفير!!
ولا تنسون الصدقة وراح تلقون لها بركة عجيييييييييييييبة في المال (ما نقص مال من صدقة بل تزده بل تزده بل تزده)
التوفير حلو لو خلينا نظرتنا لبعييييييييد
الله يبارك لكم ولنا فيما رزقنا

انا مع كلام الأخت دمعة في الحرم بس على فكرة بالنسبة للحساب الثاني لاتحطين له بطاقة صراف
عشان ماتسحبين منه

ان شاء الله البنات مايقصرون


الله يفرج عليكم ويسخر لكم عباده الصالحين

مقصرو البنات

اشوف راي بين الاطلال مختصر ومفيد’’