اليوم :arb: يكلم جوال ،، واشوفه يعزم واحد ويقول له تجي تتعشى انت وفلان عندي ..
يوم انتهى مكالمه قال عندي رجال على العشا وبجيب مشويات ،،
المهم قلت ومين اللي عندك ؟؟ قال فلان وفلان ،، يوم قالي منهم بصراحه تفاجاءت
وفرحت وبغيت امطخ راسه :biggrin2:
ايه والله ،، حتى زوجي استغرب من ردة فعلي <<<<<<< ماعودته تفرح بالضيوف
اللي عنده رجالين من دوله عربيه بصراحه على قد حالهم ،،
واحد منهم اذا غاب الامام يصلي بالناس ،، وبرضوا يودي
عيال جيرانا للمدرسه ،، والثاني احدى معارف هذا الرجل جاي من بلدهم ...
عارفين حسيت بشعور غريب كونه دفع حول 400 هنا حسيت انه فعلا
مافرق بين سعودي وغيره بين غني وفقير ..
اذا حنا اهل البيت فرحنا بالعشا لانه شوِي ؟؟
كيف بناس دخلهم يالله يكفي الضروريات ..
تعلمت منه درس اننا نعامل الناس سواسيه ولا نفرق بينهم ..
حتى بالاكرام نكرمهم مثل مانكرم اي صديق مقرب ..
يالغاليات نحن نعاني من مشكله كبيره .. نهانا عنها الاسلام ،، وهي عدم الرحمه
والقسوه في التعامل مع الضعفاء الفقراء ،،
بضرب لكم بعض الامثله من واقعنا ،،
ولازم نحرص على ابناءنا لايكون عندهم هذي التصرفات ونسكت عنهم
عاد تصير صفه فيهم اذا كبروا ؟؟
اذا جاء كهربائي يصلح شي بالبيت ،، وانتهى من شغله وقال تعبي 50 ريال
يجي صاحب البيت ويزعل ويقوم الدنيا ولا يجلسها وانت غشاش حقك وتعبك
مايتعدى 40 ريال ؟؟
لا وليته على كذا وبس ؟؟ لا ،، اذا راح المسكين جاء يكمل باقي الصراخ عند عياله ؟؟
النصاب بغى يضحك علي ؟؟ يستغبيني ؟؟
والاطفال يستمعون الى دروس مباشره من قدوتهم وللاسف دروس عن سوء الاخلاق ؟؟
وبالمقابل لو يروح لمحل مفروشات ويكتشف انهم زودوا سعر الكنب اللي بيشتريه 500 ريال ؟؟
يزعل بأدب ؟؟ واذا جابوا المدير والا صاحب المفروشات تكلم بكل ادب وذوق ؟؟
وبس انتم مغلين السعر راعونا عشان نكون عملاكم ؟؟
عجيب مو هو نفسه اللي بغى يحوس الكهربائي الضعيف على 10 ريال ؟؟
وحده اعرفها تقول جابوا سباك ويوم انتهى طلب 40 ريال ،، وجاء ولدها المراهق
زعلان وقال والله مااعطيه لين يجي ابوي يتفاهم معه ؟؟
قالت الام : ليش وش سوى ؟؟ قال طالب 40 واتوقع ان 30 ريال كثيره على شغله ؟؟
قالت : ياولدي وين الرحمه ،، هذولاء الريال ينفعهم ،، القوه والصراخ هذي
لاتطلعها على الفقراء انتبه ؟؟
تقول الولد بلحظتها خجل من تصرفه وراح واعطى الرجال حقه ..
فلازم نكون حريصين مع ابناءنا ،، التربيه مو اكل وشرب وتنفيذ طلبات ..
ومثل هذي المواقف كثير بحياتنا ...؟؟
مستحيل نتغاضى او نتجاوز عن اخطاء العاملات ؟؟
غربه وفقر وتفكير بأطفالها 24 ساعه ،، كل هذا ونبيهم ملاك مايغلطون ؟؟
ممكن تكون الشغاله قليلة خبره ولايتجاوز عمرها 18 سنه واكيد عندها من مشاعر
القلق والخوف والغربه مالله به عليم ،، كل هذا والبعض يتعامل بقسوه وبدون رحمه..
ممكن تغلط ويتضاعف عقابها ؟؟
وممكن بنت صاحبة البيت المتزوجه الكبيره تغلط اشد من غلطة الشغاله ؟؟
وتتقبل الام تصرفها بكل رحابة صدر ؟؟
ممكن الشغالة تكون كبيره بالسن وتجي وحده بسن بناتها ؟؟ اوحفيداتها وتتطاول عليها ؟؟
وتأمرها وتنهاها ؟؟ بدون احترام ولا رحمه ولاعطف ؟؟
وهذي البنت مع صديقاتها وقرايبها رمز للادب والذوق واللطف ..؟؟
امي الله يحفظها مره تشاديت انا وشغالتها وانا متزوجه ؟؟
والله امي هاوشتني وهزئتني قدامها ،، وانت ماترحمين ووو؟؟ لدرجة بكيت من القهر :icon33:
وش تتوقعون صار ؟؟
الشغاله صارت تهدي امي وتحاول تنهي المشكله بينا :42:
والله الشغالات يحبون امي بشكل ماحد يتوقعه ،،
رغم انها عصبيه وحاره ،، بس يشوفون ان عصبيتها على الجميع حتى بناتها ..
وشديده من ناحية السواقين مايروحون لحالهم ؟؟ ولا تكلمه حتى ؟؟
وشديده بلبسها وحجابها بالبيت ؟؟ ولا يردون على التيلفون ؟؟ ولا الانترفون ؟؟
كل الامور اللي تسويها امي تضايق الشغالات لانهم يحبون الحريه ،،
رغم هذا يحبونها من قلب ..
لانها تتعامل برحمه ،، لو بنوصي عشاء من برى اول ناس هم الشغالات ..
اذا عند اهلي عزيمه تغرف لهم ومستحيل يآكلون بعدنا ،،
والله لو حتى نشتري بقلاوه ،، الشغالات نعطيهم قبل ،،
ودايما تقول لهم نفس مثل مالكم ،،
والنوم مستحيل اذا جاء وقت راحتها ونومها نقومها ،،
واذكر من صغري مستحيل انادي الشغاله تجيب لي مويه ؟؟
تقول عندك رجول روحي اشربي :22:
ومستحيل اقطع شغلها عشان شغله ثانيه ؟؟
اذا راحت تكوي خلاص مستحيل اطلب منها شي ،،
والله ترحمهم رحمه عجيبه ،،
ورسولنا ضرب أروع المَثَل في التعامل مع الخَدَم، فيحكي خادمه أنس بن مالك عن
سيرته معه وعن تعامله معه، يقول:
(خدمته عشر سنين، والله ما قال لي لشيء فعلتُه: لم فعلتَه؟! ولا لشيء لم أفعله: لِمَ لم تفعله؟!)
لوسمحتي ،، شكرا ،، يعطيك العافيه ،، الدعاء ....؛؛
مصطلحات كادت تختفي عند تعاملنا مع الضعفاء والمقيمين الفقراء ؟؟
قريبتي تقول دايم اتكلم مع عيالي من صغرهم عن الرحمه وبالذات العمال والخادمات ..
وتقول اذا رحنا لسوق اعطيهم ريالات عشان يعطون عمال النظافه ،،
وتفاجاءت مره ولدها يقول يمه فيه شايب باكستاني دايم يصلي بمسجدنا ،،
اذا جيت ادخل المسجد وكان جنبي اوقف واشر له يمشي قبلي احترام لكبر سنه ،،
ولو تشوفينه يمى كيف يفرح ويدعيلي والله اني استغرب ليه يفرح كذا ؟؟
ربي يحفظه يارب صار يرحم الضعيف والفقير ويحترم كبر سنه ،، والاهم بدون خجل امام الناس ..
وياليت يالغاليات ننتبه من ظلم خادمه او سائق او اي ضعيف فقير ممكن نقابله بحياتنا ..
فنحن بشر ممكن احساسنا اننا اقوى وافضل منهم يجعلنا نتمادى ونظلم ؟؟؟
ولنحرص اشد الحرص على فلذات اكبادنا فلنغرس عندهم الرحمه والعطف
ولنخشى عليهم من دعوة المظلوم ..
دعوة المظلوم يرفعها الله، ويفتح لها أبواب السماء، ويقول:
" وعزّتي لأنصرنّك ولو بعد حين "
فليس بين دعوة المظلوم وبين الله حجاب، كما قال لمعاذ :
" واتق دعوة المظلوم؛ فإنه ليس بينها وبين الله حجاب"
فرناز @frnaz
عضوة شرف في عالم حواء
يلزم عليك تسجيل الدخول أولًا لكتابة تعليق.
كلآآآآآ مك عين الصوآآب حبوبه
شوفي شغآآآلتي اليوم قاامت على البيت كله وتنظيف عآآآم والله اني مااقلت الهااا
يوم خلصت إلا واشتري لهاا بطااقه عشاان تكلم أهلهاا ممكااافئة والله انجنت وهي مشتااقه مره لأهلهاا
وأرسلت رآآتبهاا كله
قلت في باالي والله تستااهل
والله الرحمة تنفع بهم حرآآآم
الله يجزآآك خيرر يااقلبي ويكثر من أمثاالك وبيض الله وجهك
شوفي شغآآآلتي اليوم قاامت على البيت كله وتنظيف عآآآم والله اني مااقلت الهااا
يوم خلصت إلا واشتري لهاا بطااقه عشاان تكلم أهلهاا ممكااافئة والله انجنت وهي مشتااقه مره لأهلهاا
وأرسلت رآآتبهاا كله
قلت في باالي والله تستااهل
والله الرحمة تنفع بهم حرآآآم
الله يجزآآك خيرر يااقلبي ويكثر من أمثاالك وبيض الله وجهك
والله كـــــــــلامك صح ميه بالميه دئما اشوف هل مواقف تتكرر قدامـــــــي
يعني مثلا نكون بسوق وتسمعين صراخ واحد على البياع الي من جنسيه اسيويه انت كذاب
انت حرامي انت نصاب ؟؟؟؟؟
ماعجبك السعر خلاص اطلع ونت ساكت مو ضروري تهزئه قدام الله وخلقه
مو اهو الي حاط السعر من كيفه ..........؟؟
وبالنسبه للخدمات كانت عندي وحده كبيره بالسن والله استحي اقول لها جيبي هل شي وله سوي
احس ان لساني ينربط وتشيلني الارض من مكاني واسوي شغلتي مو من عوايدي امر وحده كبيره
مهما كانت جنسيتها ......
وبالنهايه لافرق بين عربي واعجمي اله بالتقوى
وصلى الله وسلم على نبينا محمد
يعني مثلا نكون بسوق وتسمعين صراخ واحد على البياع الي من جنسيه اسيويه انت كذاب
انت حرامي انت نصاب ؟؟؟؟؟
ماعجبك السعر خلاص اطلع ونت ساكت مو ضروري تهزئه قدام الله وخلقه
مو اهو الي حاط السعر من كيفه ..........؟؟
وبالنسبه للخدمات كانت عندي وحده كبيره بالسن والله استحي اقول لها جيبي هل شي وله سوي
احس ان لساني ينربط وتشيلني الارض من مكاني واسوي شغلتي مو من عوايدي امر وحده كبيره
مهما كانت جنسيتها ......
وبالنهايه لافرق بين عربي واعجمي اله بالتقوى
وصلى الله وسلم على نبينا محمد
الصفحة الأخيرة
والله يجزاك الجنه ورضاه ............ لا اله الا الله